وقتىن-وقتىن ءبىز شەكاراداعى كەلەڭسىزدىكتەر جايلى وقىپ قالامىز. قازاقستاندىق فۋرالار رەسەيگە وتە الماي تۇرعانى جايلى وسى ۋاقىتقا دەيىن تالاي اقپارات شىقتى. اراسىندا شەكارادا سونداي توقتالىم بولىپ تۇرادى. وسى ما ەكونوميكالىق وداقتاستىق؟

ماسەلەنكي ەۋرووداققا مۇشە ەلدەر ءبىر-بىرىنە ەركىن ساۋدا جاسايدى. مىسالى اۋسترياداعى سۋپەرماركەتتە مەن جارتى ەۋروپانىڭ تاۋارىن كوردىم. بىراق "اۋستريادا جاسالعان" دەگەن جازۋدى، يا "اۋستريالىق تاۋاردى الىڭىز، وتاندىق ءونىمدى قولداڭىز" دەگەن داۋىستى ەستىمەدىم. سوعان قاراپ "ادىلەتتى ۇيىم با" دەگەن وي كەلدى. مۇمكىن ونىڭ دا مينۋستارى كوپ شىعار، ونى كورىپ، ءتۇسىنۋ ءۇشىن كەمى ءبىر جىل سول ەلدە بولۋ كەرەك. الايدا جاڭالىقتاردان ەكونوميكاسى السىرەگەن وداقتاستارىنا كومەك بەرىپ تۇراتىنىن كورىپ، ازداپ ءىشىم جىلىپ قالادى. ءسوزسىز ەو ەاەس-ءتىڭ الدىندا ءجۇز ەسە مىقتى ۇيىم.

ەاەس-ءتىڭ بەتىن تىرناپ قالساڭ، ار جاعىنان قىزىل قاندى يمپەريانى اڭساعان ءپۋتيننىڭ ارام پيعىلىن بايقاۋ قيىن ەمەس. سوڭعى ۋاقىتتا بۇل بىرلەستىكتى ساياسيلاندىرعىسى كەلەتىنىن اڭعارتىپ ءجۇر. ءبىزدىڭ پرەزيدەنت ءبىر مارتە وعان جول جوق ەكەنىن كورسەتتى. بىراق پۋتين كونستيتۋتسيانى وزگەرتىپ الدى. ەندى كەمى 2036-عا دەيىن تاقتا وتىراتىن قۇقىقتىق بازا جاساپ الدى. دەمەك ءالى 16 جىل ول وسى ەاەس-ءتى ۋىسىندا ۇستايدى. سول ارالىقتا ونى بارىنشا ساياسيلاندىرىپ، ءتۇرلى قۇجاتتار مەن باعدارلامالارعا قول قويىپ جىبەرمەسەك بولعانى. قازاقستان بۇل ۇيىمنان شىعۋى ءتيىس دەپ سانايمىن. توقاەۆ مىرزانىڭ وتكەندەگى سوزىنە قاراپ پرەزيدەنتتىڭ دە بۇل وداقتا بولعىسى كەلمەيتىنىن اڭعارۋ قيىن ەمەس-اۋ.

سوعان قاراماستان بلوحەرلەر بۇل وداقتىڭ "وراسان زور پايداسى" جايلى قايتالاپ ايتۋدان جالىقپايدى. قۇددى ءبىر كاسەتانى قايتالاپ قويعانداي كۇنى-ءتۇنى سارنايدى.

اسحات قاسەنعاليدىڭ جازباسى

Abai.kz