مەملەكەت باسشىسى قاسىم-جومارت توقاەۆ شىلدە ايىندا بىرقاتار زاڭعا قول قويدى. ونىڭ ىشىندە سالىق كودەكسىنە، حالىق دەنساۋلىعىنا جانە ويىن بيزنەسىنە قاتىستى زاڭ جوبالارى بار. سول زاڭ جوبالارىن رەت-رەتىمەن جازساق...

قازاقستان پرەزيدەنتى 2 شىلدە كۇنى قازاقستان رەسپۋبليكاسىنىڭ “سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى” كودەكسىنە (سالىق كودەكسى) سونىمەن قاتار قازاقستان رەسپۋبليكاسىنىڭ “سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى” كودەكسىن (سالىق كودەكسى) قولدانىسقا ەنگىزۋ تۋرالى” قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى” قازاقستان رەسپۋبليكاسىنىڭ زاڭىنا قول قويدى.

سونىمەن قاتار پرەزيدەنت اۋىلداردى ينتەرنەتپەن قامتاماسىز ەتۋ جونىندەگى زاڭعا قول قويدى. ناقتىراق ايتساق، “قازاقستان رەسپۋبليكاسىنىڭ كەيبىر زاڭنامالىق اكتىلەرىنە اۋىلدىق ەلدى مەكەندەردە ينتەرنەتتىڭ قولجەتىمدىلىگىن قامتاماسىز ەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” قر زاڭىنا قول قويدى.

ايتا كەتەيىك، قر تسيفرلىق دامۋ، يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى باعدات ءمۋسيننىڭ ايتۋىنشا، 4 273 اۋىل مەن 118 قالا ءۋسيننىڭ ايتۋىنشا، 4 273 اۋىل مەن 118 قالا 3G جانە 4G تەحنولوگياسىمەن نەگىزدەلگەن جوعارى جىلدامدىقتى ينتەرنەتپەن قامتىلعان. سونىمەن قاتار، ۆيتسە-مينيستر 250-دەن استام تۇرعىنى بار ەلدى مەكەندەردى جوعارى جىلدامدىقتى ينتەرنەتپەن قامتاماسىز ەتۋ كوزدەلگەنىن ايتتى.

سونداي-اق، وسى جىلدىڭ سوڭىنا دەيىن 928 اۋىلدى ينتەرنەتپەن قامتاماسىز ەتۋ جوسپارلانىپ وتىرعان كورىنەدى. ال، قىركۇيەككە دەيىن ونىڭ 97 ءسى ورناتىلاتىن كورىنەدى.

سونىمەن قاتار مەملەكەت باسشىسى 2 شىلدە كۇنى ويىن بيزنەسىن رەتتەيتىن زاڭعا وزگەرىستەر مەن تولىقتىرۋلار ەنگىزۋ تۋرالى زاڭعا قول قويدى. ياعني، “قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” قر زاڭىنا قول قويدى.

ايتا كەتەيىك، ساراپشىلار وتكەن جىلى زاڭسىز ويىن بيزنەسىنىڭ جىلدىق كولەڭكەلى تابىسى 60 ميلليارد تەڭگەدەن اسقانىن ايتادى.

پرەزيدەنت سونىمەن قاتار، 3 شىلدە كۇنى مەملەكەتتىك قىزمەت ماسەلەلەرى جونىندەگى زاڭعا قول قويدى. ياعني، “قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” قر زاڭىنا قول قويدى.

سونىمەن قاتار مەملەكەت باسشىسى اۋديتورلىق قىزمەت ماسەلەلەرى جونىندە زاڭعا قول قويدى. ناقتىراق ايتساق، “قازاقستان رەسپۋبليكاسىنىڭ كەيبىر زاڭنامالىق اكتىلەرىنە اۋديتورلىق قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” قر زاڭىنا قول قويدى.

سونداي-اق، قازاقستان پرەزيدەنتى شەتەل ۆاليۋتاسىنداعى يپوتەكالىق قارىزدار تۋرالى زاڭعا قول قويدى. ياعني، “قازاقستان رەسپۋبليكاسىنىڭ كەيبىر زاڭنامالىق اكتىلەرىنە شەتەل ۆاليۋتاسىنداعى يپوتەكالىق قارىزدار، كورسەتىلەتىن تولەم قىزمەتتەرى نارىعىنىڭ سۋبەكتىلەرىن رەتتەۋدى جەتىلدىرۋ، جالپىعا بىردەي دەكلاراتسيالاۋ جانە ەكونونميكالىق ءوسۋدى قالپىنا كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” قر زاڭىنا قول قويدى.

مەملەكەت باسشىسى سونىمەن قاتار “قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” قر زاڭىنا قول قويدى. جانە، پرەزيدەنت “حالىق دەنساۋلىعى جانە دەنساۋلىق ساقتاۋ جۇيەسى تۋرالى” قر كودەكسىنە قول قويدى.

پرەزيدەنت قول قويعان جاڭا كودەكستە مىندەتتى ەكپە سالۋعا قاتىستى زاڭ جوباسى دا بار.سونىمەن قاتار جاڭا كودەكستە كەلەسى ماسەلەلەر دە قاراستىرىلعان. ولار:

-21 جاسقا دەيىنگى جاستارعا تەمەكى ساتقانداردى اكىمشىلىك جازاعا تارتۋ.

-ومىردەن وتكەن ادامنىڭ جاسۋشالارىن جانە اعزاسىن الۋ ءتارتىبى جانە شەتەل ازاماتتارىنا اۋىستىرۋ ءۇشىن قازاقستاننان شىعارۋعا تىيىم سالۋ;

-قازاقستان ازاماتتارى ءۇشىن ەرىكتى جانە مىندەتتى ۆاكتسيناتسيالاۋعا قاتىستى زاڭ ەكپە سالىنباعان بالالاردىڭ بالاباقشاعا بارۋىنا تىيىم سالادى.

-ەلدە ەلەكتروندى تەمەكى پايدالانۋعا شەكتەۋ قويۋ ماسەلەلەرى قاراستىرىلعان.

پرەزيدەنت قول قويعان كودەكستەگى ۆاكتسيناتسيالاۋ جونىندەگى باپتارى قوعامدا داۋ تۋعىزعانى بەلگىلى. ەكپەگە قارسى بولعانداردىڭ دەنى ەكپەنىڭ ساپاسىنا سەنبەيتىندەرىن العا تارتادى. بىراق، مينيسترلىك ەكپە سالماۋ ولاردىڭ دەنساۋلىعىن قورعاۋ قۇقىعىن بۇزۋ بولىپ ەسەپتەلەتىنىن ايتقان. سونىمەن قاتار قازاقستان بىرىككەن ۇلتتار ۇيىمىنىڭ بالالار قۇقىعىن قورعاۋ جونىندەگى كونۆەنتسياعا قوي قويعانىن ايتتى.

الايدا، مەملەكەت باسشىسى اكىمشىلىك جاۋاپكەرشىلىككە تارتۋ جونىندەگى كودەكسكە قول قويعان بولاتىن. سونداي-اق، توتەنشە جاعداي كەزىندە ءتارتىپ بۇزعاندارعا ايىپپۇل كولەمى 10 ەسەگە وسەتىنىن ايتقان.

ايتا كەتەيىك، جۋىردا اياقتالعان بەسىنشى سەسسيا اياسىندا پارلامەنتتىڭ قوس پالاتاسىندا 161 زاڭ جوباسى تالقىلانعان. سول زاڭ جوباسىنىڭ 98-ءى قابىلدانعان. بۇگىنگى تاڭدا پارلامەنت قابىلداعان سول 98 زاڭ جوباسىنىڭ پرەزيدەنت 86 –سىنا قول قويعان. سول زاڭدار رەسمي زاڭدىق كۇشىنە ەنگەن.

قورىتا ايتقاندا، پرەزيدەنت قول قويعان وسى زاڭدار الداعى ۋاقىتتا قوعام يگىلىگىنە اينالماق.

Abai.kz