سوكرات: اقىماق ادام ءىشىپ-جەۋ ءۇشىن ءومىر سۇرەدى، كوكىرەك كوزى اشىعى ءومىر ءسۇرۋ ءۇشىن ءىشىپ-جەيدى، – دەيدى.

اباي: جاس بالا انادان تۋعاندا ەكى ءتۇرلى مىنەزبەن تۋادى: بىرەۋى – ىشسەم، جەسەم، ۇيىقتاسام دەپ تۇرادى. بۇلار – ءتاننىڭ قۇمارى، بۇلار بولماسا، ءتان جانعا قوناق ءۇي بولا المايدى. ءھام ءوزى وسپەيدى، قۋات تاپپايدى. بىرەۋى – بىلسەم ەكەن دەمەكلىك (7-ءسوز).

سوكرات: قىزىق، كەز كەلگەن ادام قانشا قويى بار ەكەنىن توسىلماي ايتىپ بەرە الادى، ال قانشا دوس-جارانى بارىن لەزدە ەسكە تۇسىرە المايدى، ولاردىڭ ەش قۇنى جوق.

اباي: ماعلۇم بولدى: قازاق تىنىشتىق ءۇشىن، عىلىم ءۇشىن، ءبىلىم ءۇشىن، ادىلەت ءۇشىن قام جەمەيدى ەكەن، مال ءۇشىن قام جەيدى ەكەن، بىراق ول مالدى قالايشا تابۋدى بىلمەيدى ەكەن، بار بىلگەنى مالدىلاردى الداپ الماق ياكي ماقتاپ الماق ەكەن، بەرمەسە ونىمەنەن جاۋلاسپاق ەكەن. مالدى بولسا، اكەسىن جاۋلاۋدى دا ۇيات كورمەيدى ەكەن. (5-ءسوز)

سوكراتتىڭ: الەمدى قوزعاعىسى كەلگەن ادام اۋەلى ءوزى قوزعالۋى كەرەك، - دەگەن تاعى ءبىر ءسوزى بار. ابايدىڭ دا كوكسەگەنى سول، قازاق الەمى قوزعالۋى، ىلگەرىلەۋى ءۇشىن، ۇلت ويانۋى، العا ۇمتىلۋى كەرەك:

"ادام بالاسى جىلاپ تۋادى، كەيىپ ولەدى. ەكى ورتادا، بۇ دۇنيەنىڭ راحاتىنىڭ كايدا ەكەنىن بىلمەي، ءبىرىن-ءبىرى اڭدىپ، بىرىنە-ءبىرى ماقتانىپ، ەسىل ءومىردى ەسكەرۋسىز، بوسقا، جارامسىز قىلىقپەن، قور ەتىپ وتكىزەدى دە، تاۋسىلعان كۇندە ءبىر كۇندىك ءومىردى بار مالىنا ساتىپ الۋعا تابا المايدى. قۋلىق ساۋماق، كوز ءسۇزىپ، تىلەنىپ، ادام ساۋماق – ونەرسىز ءيتتىڭ ءىسى. اۋەلى قۇدايعا سىيىنىپ، ەكىنشى ءوز قايراتىڭا سۇيەنىپ، ەڭبەگىڭدى ساۋ، ەڭبەك قىلساڭ، قارا جەر دە بەرەدى، قۇر تاستامايدى". (4-ءسوز)

سوكراتتان باستاۋ العان، ادام بالاسىنىڭ وي-ءورىسىن ىلگەرىلەتكەن ديالەكتيكا ابايدا وسىلاي ءوربيدى.

"اباي جايلى" ءۇزىندى.

سەرىك ابىكەنۇلىنىڭ الەۋمەتتىك جەلىدەگى جازباسى

Abai.kz