قىزىلوردا وبلىسىنىڭ بۇرىنعى اكىمى قۋانىشبەك ىسقاقوۆقا قاتىستى سوت وتىرىسى باستالدى. ايماقتى ءبىر جىل باسقارعان ەكس-اكىم اسا ءىرى كولەمدە الاياقتىق جاسادى دەپ كۇدىككە ىلىنگەن بولاتىن.

كتك ارناسىنىڭ حابارلاۋىنشا، سوت كوروناۆيرۋسقا بايلانىستى ونلاين رەجىمدە ءوتىپ جاتىر.

- 5 تامىز كۇنى قىزىلوردا وبلىسىنىڭ ەكس-اكىمى قۋانىشبەك ىسقاقوۆقا قاتىستى قىلمىستىق ءىس تۇسكەن. اتالعان ىسپەن سوتتالۋشىلارعا قك 190-بابى، 4-تارماعى، 2-بولىگى بويىنشا ايىپ تاعىلىپ وتىر. قازىر سوت ءىسى قارالۋ بارىسىندا، – دەدى قىزىلوردا وبلىستىق سوتىنىڭ ءباسپاسوز حاتشىسى ارداق ىسماعانبەتوۆا.

ايتا كەتەيىك، 53 جاستاعى بۇرىنعى اكىم التى اي بۇرىن قاماۋعا الىنعان. سۋديا شەنەۋنىكتى اباقتىعا ەمەس، ۇيقاماققا جابۋ تۋرالى شەشىم شىعارىپتى. الاياقتىق جاسادى دەگەن ىسقاقوۆپەن بىرگە ونىڭ ەكى ورىنباسارى، ەڭ جاقىن كومەكشىسى جانە تاعى ءبىر كاسىپكەر تۇتقىندالدى دەگەن اقاپارات تارالعان. دەسەك تە سوڭعىلارى.تۋارلى رەسمي دەرەك جوق. بەيرەسمي مالىمەتتەرگە سايكەس، ەكس-اكىم حالىقتىڭ ارىس تۇرعىندارىنا جيناپ بەرگەن اقشاسىن جەپ قويعان.

اتاپ ايتقاندا، قايىرىمدىلىق قورداعى 80 ميلليون تەڭگەنى ءتۇرلى فيرمالار ارقىلى قالتاعا باسقان كورىنەدى.

Abai.kz