بۇل ماسەلەگە پرەزيدەنتتىڭ ءوزى ارالاسپاسا، ارحيمەدتەي ون اكىم اكەلسەڭ دە قولىنان كەلمەيدى-اۋ.

ارقالىق قالاسىنداعى جالعىز جۇيە قۇراۋشى ءىرى كاسىپورىن «قازاقستان ءاليۋمينيى» اق تورعاي بوكسيت كەن باسقارماسى اقىرى جابىلاتىن بولدى.
التى الاشتىڭ التىنىن قازعان الەكساندر ماشكەۆيچ ارقالىقتىڭ استىنداعى شيكىزاتتى وتىز جىلدا وپىر-توپىر قىلدى.

تىرلىگى تبرۋ-عا تىرەلگەن، ونسىز دا دوتاتسياداعى شاھاردىڭ شارۋاسى وسىمەن بىتكەن سەكىلدى.

تورعاي بوكسيت كەن باسقارماسىنداعى التى جۇزدەن استام جەرلەسىمنىڭ الداعى تاعدىرى نە بولادى؟

بۇگىن وبلىس اكىمى ارحيمەد مۇحامبەتوۆ ارقالىققا ارنايى بارا جاتىر. سۇلۋ سوزگە قۇرالعان سىلتاۋى تابىلار. مىقتى بولسا ماشكەۆيچكە ميلليارد دوللار ينۆەستيتسيا قۇيعىزسىن.

بىلتىرعى كەزدەسۋىندە كۇلكىڭدى كەلتىرەتىن، جاس بالاعا كامپيت ۇستاتقانداي ۇسىنىستار ايتىپتى. سىلتەمەسى مىنەكەي https://www.erg.kz/kk/news/1330
جالتاقتاعان جۇرتتىڭ جانايقايى باسىلعانشا جارباڭداپ جانىندا جۇرەرسىڭدەر. ءارى قاراي ات ءىزىن سالماي كەتەرى تۇسىنىكتى. «بيزنەس پو بيلىكسكي» دەگەن وسى شىعار.

تاۋەلسىزدىكتىڭ باستاۋىندا جوقشىلىق دەپ تورعاي وبلىسىن جاۋىپ تىندى. كومەكتى كۇتە-كۇتە قوراسىنداعى مالىن تاۋىسقان مىڭداعان ادام امالسىز ارقالىققا كوشىپ كەلدى. ەندى ەسىن جيا باستاعاندا بۇل جەردىڭ دە بايلىعىن تاۋىسىپ، تاعى دا تىعىرىققا تىرەدى.

ەربول ماندىبەكتىڭ جازباسى

Abai.kz