2010 جىل قازاقستان ءۇشىن اسا جاۋپكەرشىلىكتى جىل بولماق. كەلەر جىلى ەقىۇ-عا توراعالىق ەتەتىن ءبىزدىڭ ەلىمىزگە بۇگىندە بۇكىل الەم نازار اۋدارىپ وتىر. باتىس ەلدەرى مەن امەريكا توراعالىقتى قولداي وتىرىپ، ەلدەگى دەموكراتيالىق ۇردىستەردى رەفورمالاۋدى تالاپ ەتۋدە. بۇل ورىندى كوتەرىلگەن ماسەلە. قازاقستاننىڭ ورتا ازيادا ايرىقشا ءرولى بولعاندىقتان الەمنىڭ ىرگەلى ۇيىمدارى ۇنەمى ارىپتەستىككە مۇددەلىلىك تانىتادى. سول ورايدا جاقىندا استانادا ناتو-نىڭ ەۋرواتلانتيكالىق ارىپتەستىك كەڭەسىنىڭ ەكى كۇندىك فورۋمى وتكەنى بەلگىلى. وسى جيىنعا ءبىزدىڭ مەملەكەتىمىزدىڭ تاۋەلسىزدىگىن ءالى دە مويىندامايتىن، مويىنداۋ بىلاي تۇرسىن اۋزىنا كەلگەنىن ايتىپ اشىق كەلەكە ەتەتىن سايقىمازاق ساياساتكەرلەر دە قاتىستى. سولاردىڭ ءبىرى ءارى بىرەگەيى - دميتري روگوزين دەگەن كوكەزۋ قىرت «قازاقستان رەسەيدىڭ توقالى، ال ناتو كوڭىلدەسى بولۋعا ارەكەت ەتىپ جاتىر» دەپ مالىمدەدى. ءسويتىپ ءبىر ادام ەمەس، بۇكىل مەملەكەتىمىزگە ءتىلىن تيگىزدى.
دميتري روگوزين دەگەن كىم ەدى؟ ول كۇندىز-ءتۇنى سوعىستى ويلايتىن، قان اڭساپ شولىركەپ جۇرەتىن ورىستىڭ سوعىسقۇمار اسكەريلەرىنىڭ ورتاسىندا وسكەن بولاتىن. اكەسى اسكەري عالىم. د. روگوزين ورىستىڭ شوۆينيستىك ساياساتىن اشىق جۇرگىزۋشى، يمپەراليستىك كوزقاراستى قۋاتتاپ قولداۋشى. ول كەزىندە كەڭەستەر وداعىنىڭ قۇلاۋىن زاڭسىزدىق دەپ تانىپ، رەسەيدەن بولىنگەن مەملەكەتتەر دورباسىن ارقالاپ قانا كەتكەنى ءجون، ال جەردىڭ ءبارى بىزدىكى دەپ كەۋدەسىن قاعىپ كوكىگەن. رەسەي، ۋكراينا، بەلورۋسسيا مەن قازاقستاننىڭ بىرىگۋىن اڭسايدى. ءتورت مەملەكەتتىڭ كەدەندىك وداققا بىرىگۋىن بولاشاق تۇتاس ءبىر مەملەكەتتىڭ ىرگەتاسى قالانۋى نەمەسە بۇرىنعى رەسەي يمپەرياسىنىڭ قايتا جاڭعىرۋى دەپ قابىلدايدى. ورىستان وزگەلەر تۋرالى ەشقاشان جىلى پىكىر بىلدىرگەن ەمەس. بىراق ءدال وسى «قىڭىرەزۋ قىرسىقتىعى» ۆ. پۋتينگە تاپتىرمايتىن قۇرال بولدى. ورتا ازياداعى ىقپالىنان ءبىرجولاتا ايىرىلىپ قالماس ءۇشىن ءارى ناتو-نى ۇنەمى اياقتان شالىپ وتىرۋ ماقساتىندا ول د. روگوزيندى رەسەيدىڭ ناتو-داعى تۇراقتى ەلشىسى ەتىپ جىبەرگەن. پۋتين ادام تاني بىلەدى ەكەن...
روگوزين قىزمەتكە كىرىسە سالىپ ناتو-نى بولاشاعى جوق ۇيىم دەپ مالىمدەدى. ورتا ازيا مەملەكەتتەرى باتىسقا كوز تىككەنشە رەسەيدىڭ ەتەگىنەن ۇستاسىن دەگەن سىڭايداعى اڭگىمەلەرىن اركەز ايتىپ ءجۇر. بىراق بۇل جولعىسى تىم شەكتەن شىققاندىق. قازاقستان ءوز دەربەستىگىن العان، تاۋەلسىز مەملەكەت. وزبىر وتارشىل ساياساتتتىڭ كەسىرىنەن عاسىرلار بويى تاعدىردان تەپەرىش كورىپ كەلسە دە ەل بولىپ قالعان حالىق. ەشكىمگە تيىسپەگەن ەل. ورىستى قۇدايى كورشىم دەپ، قاڭعىپ كەلگەن قاراشاپاندارعا ءبىر ءۇزىم نانىن ءبولىپ بەرگەن ەل. كەرەگەمىز كەڭىپ، تەرەزەمىز تەڭەلگەندە ورىستاردىڭ «استىنا» تۇسەتىدەي نە بولىپتى؟ وسى ءسوزدى ايتقان روگوزيندى دە، جاڭعا باتاتىن اۋىر ءسوزدى جايباراقات تىڭداپ، تىڭداپ قانا قويماي «اۋىزى ساسىق ايتۋشىعا» توردەن ورىن بەرىپ، القالى جيىنعا شاقىرعان بيلىكتى دە حالىقتىڭ قارعىسى اتپاي ما؟ بۇل نە قىلعان سايقىمازاق، بۇل نە دەگەن باسسىزدىق! بۇل ءسوزدى ورىستىڭ قاتارداعى شەنەۋنىگى، بولماسا جيرينوۆسكي سياقتى دەلقۇلى ساياساتكەرسىماقتارى ەمەس، الەمدىك سيااساتقا ىقپال ەتەتىن ىرگەلى ۇيىمداعى تۇراقتى وكىلى ايتىپ وتىر. وعان ايت دەگەن، ايتۋعا رۇقسات بەرگەن رەسەي بيلىگى ەكەنى ايدان انىق. ولار قازاقتا نامىس جوق دەپ ويلايدى. نە ايتساق تا، قالاي تىلدەسەك تە كونە بەرەدى دەپ سانايدى. مۇنداي باسسىزدىققا قاشانعى كونە بەرەمىز؟!
ءبىزدىڭ بيلىك رەسەي مەملەكەتىنە ارنايى نارازىلىق نوتاسىن جولداپ، شايپاۋ ءتىلدى دميتري روگوزيننىڭ كەشىرىم سۇراۋىن تالاپ ەتسىن! ول بۇكىل حالىقتان، قازاق مەملەكەتىنەن كەشىرىم سۇراۋى كەرەك. ەگەر ۇياتى، ار-نامىسى بار بولسا قازاقتىڭ جەرىندە تۇرىپ جاتقان، سۋىن ءىشىپ، نانىن جەپ جۇرگەن ورىس ۇيىمدارى وعان توقتاۋ ايتسىن! ەگەر كەشىرىم سۇرالمايتىن بولسا، قازاقتىڭ زيالى قاۋىمى قازاقستانداعى رەسەي ەلشىلىگىنىڭ الدىندا شەرۋ وتكىزىپ، روگوزيننىڭ سۋرەتىن ورتەۋى كەرەك. قۇدايى كورشىمىزدىڭ ءالى دە ويلانۋىنا، تەنتەگىن تيىپ الۋىنا مۇمكىنشىلىك بەرەيىك. روگوزيننىڭ مالىمدەمەسى ەكى ەلدىڭ اراسىنداعى دوستىق قارىم-قاتىناسقا سىزات تۇسىرەتىن، حالىقتاردى جاۋلاستىراتىن مالىمدەمە ەكەنىن ەكى ەلدىڭ دە بيلىگى اشىق مويىنداۋلارى ءتيىس!!!

بەك داتۇلى، “اباي-ينفورم”