سايلاۋ كەيiنگە قالدىرىلسىن!
ءماجiلiس پەن ءماسليحات سايلاۋىنا قاتىسۋشى بارلىق ساياسي
پارتيالار مەن جەكە تۇلعالارعا
ۇندەۋ
16 جەلتوقسانداعى جاڭاوزەندەگi, شەتپەدەگi قاندى قىرعىن - ۇلتتىق قاسiرەتiمiز. مۇنى مويىنداماۋ - بەيبiت حالىققا قارسى وق اتىپ، قاجەت بولسا قىرا بەرۋ كەرەك دەيتiن جىمىسقى ساياساتتى قولداۋ! بiزدەر، جاڭاوزەندiكتەر، شەتپەلiكتەر كۇشتiك قۇرىلىمداردىڭ اتۋ قۇرالدارىن قولدانىپ قالامىزدى، كەنتiمiزدi قانعا بوكتiرiپ، ءجاسوسپiرiم بالالارىمىزدى، باۋىرلارىمىز بەن جاقىندارىمىزدى، جۇمىستاعى ارiپتەستەرiمiزدi اتىپ ولتiرگەن، جاراقاتتاپ مۇگەدەك ەتكەن سويقاندى ارەكەتتەرiنە لاعنەت ايتامىز!
بiز بۇگiندە قايعىدان قابىرعامىز سوگiلiپ، قارا جامىلىپ وتىرمىز. ولگەندەرiمiزدi جەر قوينىنا تاپسىرىپ ۇلگەرگەن جوقپىز.
ءماجiلiس پەن ءماسليحات سايلاۋىنا قاتىسۋشى بارلىق ساياسي
پارتيالار مەن جەكە تۇلعالارعا
ۇندەۋ
16 جەلتوقسانداعى جاڭاوزەندەگi, شەتپەدەگi قاندى قىرعىن - ۇلتتىق قاسiرەتiمiز. مۇنى مويىنداماۋ - بەيبiت حالىققا قارسى وق اتىپ، قاجەت بولسا قىرا بەرۋ كەرەك دەيتiن جىمىسقى ساياساتتى قولداۋ! بiزدەر، جاڭاوزەندiكتەر، شەتپەلiكتەر كۇشتiك قۇرىلىمداردىڭ اتۋ قۇرالدارىن قولدانىپ قالامىزدى، كەنتiمiزدi قانعا بوكتiرiپ، ءجاسوسپiرiم بالالارىمىزدى، باۋىرلارىمىز بەن جاقىندارىمىزدى، جۇمىستاعى ارiپتەستەرiمiزدi اتىپ ولتiرگەن، جاراقاتتاپ مۇگەدەك ەتكەن سويقاندى ارەكەتتەرiنە لاعنەت ايتامىز!
بiز بۇگiندە قايعىدان قابىرعامىز سوگiلiپ، قارا جامىلىپ وتىرمىز. ولگەندەرiمiزدi جەر قوينىنا تاپسىرىپ ۇلگەرگەن جوقپىز.
بولعان قاسiرەتتi وقيعاعا جەتە ءمان بەرگiزبەۋ، وعان قايداعى بiر بۇزاقىلاردى عانا كiنالi ساناتىپ، جىلى جاۋىپ تاستاۋعا ۇمتىلۋ ارەكەتتەرi ءجۇرiپ جاتىر. قالامىزدا توتەنشە جاعداي جاريالاندى. وسىنىڭ وزiنەن دە احۋالدىڭ وتە اۋىر ەكەندiگi كورiنەدi. ەرەۋiلشiلەردiڭ تالابىنىڭ دۇرىستىعىن مەملەكەت باسشىسى ن.نازارباەۆتiڭ ءوزi اتاپ ايتتى. ەڭبەك داۋىنا قاتىستى ماسەلەنi دەر كەزiندە ادiلەتتi شەشپەگەنi ءۇشiن، قانتوگiسكە دەيiن جەتكiزگەنi ءۇشiن باسشىلىق قىزمەتتەگiلەر ورىندارىنان بوساتىلدى. دەمەك، بiزدiڭ مۇنايشىلارىمىزدىڭ جەتi اي بويى وزدەرiنiڭ كونستيتۋتسيالىق قۇقىقتارىن تاباندىلىقپەن قورعاعانىنا كۋا بولدىق. ادiلەتتiلiك ءالi ورنىققان جوق. مىڭداعان مۇنايشىلاردىڭ تاعدىرىنا تiكەلەي قاتىسى بار سۇراقتاردىڭ ناقتىلى شەشiمi تولىق ايتىلعان جوق. قاماۋعا الىنعانداردى جوق جەردەن جازىقتى جاساۋ ءۇشiن قيناۋ، قورقىتۋ تاسiلدەرiنiڭ قولدانىلمايتىنىنا بiزدiڭ سەنiمiمiز جوق. باقايداعى، شاڭىراقتاعى وقيعاعا بايلانىستى شىعارىلعان سوت ۇكiمدەرiنەن كەيiن اركiمنiڭ كوڭiلiندە وسىنداي كۇدiك قالدى. قۇقىق قورعاۋ، سوت سالاسىنداعى سونداي كەلەڭسiزدiكتi بiز ماڭعىستاۋ وڭiرiنەن دە كورiپ ءجۇرمiز. مۇنايشىلار مۇددەسiن قورعاعان كاسiپوداق زاڭگەرi سوكولوۆانىڭ الەۋمەتتiك ارازدىقتى قوزدىرۋشى دەگەن ايىپپەن سوتتالۋى سونىڭ دالەلi. الاڭداعى، كوشەدەگi ادامداردى اۆتوماتپەن، پيستولەتپەن، پۋلەمەتپەن اتقىلاعانداردىڭ، ولارعا سولاي ەتۋگە بۇيرىق بەرگەندەردiڭ قىلمىسىن جاسىرىپ-جابۋعا مۇددەلiلiك قازiردەن كوزگە كورiنiپ تۇر.
قازاق حالقىنىڭ جانە باسقا دا حالىقتاردىڭ ۇلتتىق عۇرىپتارى، داستۇرلەرi بويىنشا، مۇنداي قارالى كەزەڭدەردە القالى جيىندار، وزدەرiن دارiپتەۋشiلiك شارالارى، ءسان-سالتاناتتار، توي-تومالاقتار وتكiزiلمەيدi. بۇل- ادامگەرشiلiكتiڭ، قازا تاپقانداردىڭ ارۋاعىن سىيلاعاندىقتىڭ، قازالى ادامداردىڭ كوڭiلiنە قاراپ، ولاردىڭ قايعىسىن بولiسكەندiكتiڭ بەلگiسi. قايتىس بولعانداردىڭ سانى عانا ەمەس، مۇندايدا ونىڭ سەبەپ-سالدارلارى دا سولاي ەتۋگە تيiس ەكەنiمiزدi, ودان اتتاپ كەتۋگە بولمايتىنىن ايقىندايدى. ەلدi بiرلiككە شاقىرىپ جاتقان ادامدار تۇتاس بiر ولكەنiڭ - ماڭعىستاۋدىڭ، ونىڭ حالقىنىڭ باسىنا قارا بۇلت بولىپ تونگەن قايعى-قاسiرەتتiڭ سالماعىن سەزiنەر. وسىنداي كۇندەردە بiزبەن بiرگە بولۋعا، بiزدiڭ تومەندە ايتىلار تiلەك-تالابىمىزدى قولدار دەگەن نيەتتەمiز.
قادiرلi, دەپۋتاتتىقتان ۇمiتكەر مىرزالار!
ورتالىق سايلاۋ كوميسسياسىنداعى تورەلەر جاڭاوزەندە سايلاۋ الدى ۇگiتتiڭ شەكتەلەتiندiگiن مالiمدەدi. مۇنىسى، استە بiز اتاعان ۇلتتىق-حالىقتىق داستۇرگە قۇرمەتپەن قاراۋشىلىقتان ەمەس. توتەنشە جاعدايدىڭ ەنگiزiلۋi جانە ادامداردىڭ شوعىرلانىپ بiر جەرگە جينالۋىنان ورىنسىز قاۋiپتەنۋ قورقىنىشى وسىعان ماجبۇرلەدi. وسىنداي سەبەپپەن قارۋلى مەملەكەتتiك جاساقتىڭ اتقان وعىنان قازا تاپقانداردى جەرلەۋ كەزiندە ساداقا بەرۋدi شەكتەگەنi جانىمىزعا باتتى. ءدال قازiر بiز قاي پارتيانى تاڭدارىمىزدى بiلمەيمiز. بيلiك باسىنداعى پارتيادان ابدەن تۇڭiلگەنiمiزدi دە جاسىرمايمىز. تاڭداۋ جاساۋعا مۇمكiندiكتiڭ بەرiلمەۋi سايلاۋشى رەتiندە بiزدiڭ قۇقىعىمىزدى شەكتەسە، ءوز ۇگiتتەرiڭiزدi جۇرگiزۋگە جاسالعان توسقاۋىل سايلانۋشى رەتiندەگi سiزدەردiڭ قۇقىقتارىڭىزدى شەكتەيدi. سوندىقتان، جوعارىدا ايتىلعان سەبەپتەردi ەسكەرiپ، جازىقسىز قۇربانداردىڭ قايتىس بولعانىنا 4و كۇن تولمايىنشا ەلiمiزدە سايلاۋ وتكiزۋگە جول بەرiلمەسiن! سايلاۋ كەيiنگە قالدىرىلسىن! بۇعان بيلiك كەلiسپەسە، بiز ءماجiلiس پەن ءماسليحات سايلاۋىنا بويكوت جاريالايمىز! ويتكەن سايلاۋى قۇرىسىن!
قاندى وقيعادان كەيiن ماڭعىستاۋلىق اعايىندارىڭىز كۇرت وزگەردi. ەل بايلىعىن ادال ەڭبەكتەرiمەن ارتتىرىپ جۇرگەن مۇنايشىلار كەدەيشiلiكتiڭ، كونبiستiكتiڭ شەگi بولارىن ءتۇسiندi. ءوز ەنشiلەرiن وزگەلەرگە جەگiزبەۋدiڭ قانداي جولى بار ەكەندiگiن سارالادى. تالاپ قويماسا تالقان دا تاتىرمايتىن مەملەكەتiنiڭ سىرىن ۇقتى. بۇگiنگi بيلiكتiڭ حالىق قامىن ويلامايتىن، ونى تەك ءسوز جۇزiندە ايتۋدان ارiگە اسپايتىن شىنايى بەينەسiن تانىدى. بiز زاڭدى تالاپ قويدىق. ارانداتۋ، جاعىمسىز كەيiپتە كورسەتۋگە اقپارات قۇرالدارىن كەڭiنەن پايدالانۋ، باسقا دا ارەكەتتەر بiزدi جاسىتا المادى. بiزدi اۆتوماتپەن اتىپ تا قورقىتا العان جوق! بiز قۇل بولىپ ءومiر سۇرگەنشە، ازات ويلى، ەركiندiگiنەن ەشقاشان اجىرامايتىن قالپىمىزدا ولگەندi قالايمىز! ار-وجدانى مەن نامىسىن جوعالتپاعان حالىقپىز. مىنا ۇندەۋدi جازۋىمىزعا سەبەپتi وسىدان iزدەڭiزدەر. بiز بارشاڭىزدىڭ پاراساتتارىڭىز، اقىل-سەزiمدەرiڭiز دەپۋتات دەگەن اتاقتان دا جوعارى نارسەنiڭ بولاتىنىن پايىمدايتىنىنا سەنەمiز!
دۇيسەنباەۆ بيجان، سوعىس جانە ەڭبەك ارداگەرi,
جىلقىشىۇلى جەتiباي، ماڭعىستاۋ اۋدانىنىڭ قۇرمەتتi ازاماتى، حالىق شەجiرەشiسi.
وراقوۆ تولەكەش، كسرو جۋرناليستتەر وداعىنىڭ ارداگەرi,
بوزبانوۆ ءجۇسiپ، زاڭ ارداگەرi,
قاراشاەۆ ەستاي، «ازات» جسدپ جاڭاوزەن قالاسىنداعى وكiلi, قالالىق ءماسليحات دەپۋتاتتىعىنا ۇمiتكەر،
مۇقانوۆ جولامان، قر ەڭبەگi سiڭگەن ارداگەر ۇستاز،
ناۋحانۇلى اڭشىباي، ەڭبەك ارداگەرi, حالىق اقىنى،
قوجىق جانiبەك, «ازات» جسدپ موف توراعاسى جانە باسقا دا ماڭعىستاۋ وڭiرiنە تانىمال ادامدار قول قويعان.
«اباي-اقپارات»
