الەۋمەتتىك جەلىلەر مەن مەسسەندجەردە تاراپ جاتقان "1 قازاننان باستاپ ورىس-قازاق شەكاراسى اشىلادى، رەسەيدە قالعان وزبەكستاندىقتار قازاقستان اۋماعى ارقىلى وتانىنا ورالا الادى" دەگەن اقپارات شىندىققا سايكەس كەلمەيدى.

وسىلاي دەپ وزبەكستاننىڭ سىرتقى ىستەر مينيسترلىگى حابارلادى.

"مۇنداي جالعان اقپاراتتان ساق بولىڭىزدار. رەسەي مەن قازاقستان اراسىنداعى كولىك جولدارى ازىرگە جابىق بولىپ قالا بەرەدى", - دەيدى ءسىم.

حابارلامادا سونىمەن بىرگە وزبەكستانعا ورالعىسى كەلەتىن ازاماتتارعا ارنايى چارتەرلىك رەيس پەن پويىزدار بار ەكەنى ايتىلعان. بيلەتتەردىڭ ءبارى ونلاين رەجيمدە ساتىلادى.

قازان جانە روستوۆ-نا-دونۋ قالالارىنداعى وزبەكستان كونسۋلدىعى 29 قىركۇيەكتە تەمىر جول ۆوكزالدارىندا وزبەك ميگرانتتارىنىڭ جينالىپ قالعانىن مالىمدەگەن.

Abai.kz