بىزگە جەتكەن ناقتى دەرەكتەر بويىنشا، قىزىلوردالىق مۇعالىمدەر 15 قاڭتارداعى سايلاۋدى جالعاندىقپەن وتكىزۋگە جان-جاقتى دايىندىققا كىرىسىپ كەتىپتى. جاڭا جىل باسىندا وبلىس اكىمى ب.قۋاندىقوۆ قالاداعى بارلىق مەكتەپ ديرەكتورلارىن شاقىرىپ الىپ جابىق جينالىس وتكىزگەن. جينالىستىڭ باستى تاقىرىبى - 15 قاڭتارداعى سايلاۋدا «نۇر وتاننىڭ»  ابىرويىن ساقتاپ قالۋ. جينالىسقا قاتىسقان مەكتەپ ديرەكتورلارىنىڭ ايتۋىنشا،  اكىم ۇزىن ءسوزدىڭ توق ەتەر اڭگىمەسىندە «نۇر وتاننىڭ» بۇگىنگى تاڭداعى مۇعالىمدەرگە جاساپ وتىرعان «اكەلىك-انالىق» قامقورى جايلى كوپ ايتسا كەرەك. سوندىقتان مۇعالىمدەر وزدەرىنىڭ ەكىنشى «اتا-اناسىنىڭ» ابىرويىن وسى سايلاۋدا ساقتاپ قالۋعا مىندەتتى. ول ءۇشىن نە ىستەۋ كەرەك؟ ول ءۇشىن وتكەن جىلعى 3 ساۋىردەگى پرەزيدەنت سايلاۋى كەزىندە تاجىريبەدەن وتكەن، شىڭدالعان ءادىستى قولدانىپ، ءار مەكتەپتەن 40-50 مۇعالىمدەردى دايىنداپ، ولاردى 4-5 رەت داۋىس بەرگىزۋ ءادىسىن قايتالاۋ تاپسىرىلعان.

بىزگە جەتكەن ناقتى دەرەكتەر بويىنشا، قىزىلوردالىق مۇعالىمدەر 15 قاڭتارداعى سايلاۋدى جالعاندىقپەن وتكىزۋگە جان-جاقتى دايىندىققا كىرىسىپ كەتىپتى. جاڭا جىل باسىندا وبلىس اكىمى ب.قۋاندىقوۆ قالاداعى بارلىق مەكتەپ ديرەكتورلارىن شاقىرىپ الىپ جابىق جينالىس وتكىزگەن. جينالىستىڭ باستى تاقىرىبى - 15 قاڭتارداعى سايلاۋدا «نۇر وتاننىڭ»  ابىرويىن ساقتاپ قالۋ. جينالىسقا قاتىسقان مەكتەپ ديرەكتورلارىنىڭ ايتۋىنشا،  اكىم ۇزىن ءسوزدىڭ توق ەتەر اڭگىمەسىندە «نۇر وتاننىڭ» بۇگىنگى تاڭداعى مۇعالىمدەرگە جاساپ وتىرعان «اكەلىك-انالىق» قامقورى جايلى كوپ ايتسا كەرەك. سوندىقتان مۇعالىمدەر وزدەرىنىڭ ەكىنشى «اتا-اناسىنىڭ» ابىرويىن وسى سايلاۋدا ساقتاپ قالۋعا مىندەتتى. ول ءۇشىن نە ىستەۋ كەرەك؟ ول ءۇشىن وتكەن جىلعى 3 ساۋىردەگى پرەزيدەنت سايلاۋى كەزىندە تاجىريبەدەن وتكەن، شىڭدالعان ءادىستى قولدانىپ، ءار مەكتەپتەن 40-50 مۇعالىمدەردى دايىنداپ، ولاردى 4-5 رەت داۋىس بەرگىزۋ ءادىسىن قايتالاۋ تاپسىرىلعان.

بيشارا، قۇل ديرەكتورلاردا ەرىك بار ما؟ وسى تاپسىرمانى العان ساتتە مەكتەپ ديرەكتورلارى (ولار سونىمەن بىرگە ۋچاسكەلىك سايلاۋ كوميسسيالارىنىڭ باسشىلارى) دەرەۋ ءار مەكتەپتە ارنايى بولمە ءبولىپ، وندا مۇعالىمدەردى سايلاۋ كۇنى كيىمىن، ءپىشىنىن، ءتۇر-ءتۇسىن «اۋىستىرۋ» امال-ادىستەرىنە ۇيرەتۋ ساباقتارىن وتكىزە باستاعان. بۇل «سەمينار-ترەنينگتەردە» مۇعالىمدەر ءارتۇرلى ايلا، امال، شارعىلاردى - كيىم اۋىستىرۋ، اتاپ ايتقاندا قۇلاقشىن، بوكەباي، ورامال اۋىستىرۋدان باستالاتىن كوزىلدىرىك كيۋ (اق، قارا كوزىلدىرىك),  بەتاۋىزدى تۇمشالاپ بايلاپ الۋعا دەيىن، ءتىپتى تۇسكە دەيىن ساۋ بولىپ كەلىپ تۇستەن كەيىن اقساق بولىپ كەلۋ، تاياق ۇستاپ كەلۋدى ۇيرەتەتىن «ساباقتاردى» الىپ جاتقانى بەلگىلى بولدى. اتتەگەن-اي، وسىندايدا دەرەۋ پلاستيكالىق وپەراتسيالار جاسايتىن وتاشىلار بولساشى!

سونىمەن، بىرگە ءار مەكتەپكە ءبىر-ءبىر «گازەل» جانە جەڭىل اۆتوكولىكتەر بولىنگەن. ولاردىڭ نە ءۇشىن بولىنگەنى ايتپاسا دا تۇسىنىكتى بولار.

ال، ەندى وسىدان كەيىن «نۇر وتان» جەڭبەي كورسىن؟!

«اباي-اقپارات»