جاقىندا «موسكوۆسكي كومسومولەتس» گازەتىندە رەسەي استاناسىنىڭ «براتەەۆو» مەترو ستانتسياسى جانىنداعى تۇرعىنداردىڭ «ەگەر ستانتسياعا «الما-اتا» دەگەن ات بەرەتىن بولسا موسكۆا مەريىنىڭ الدىندا پيكەت جاسايمىز» دەگەن مالىمدەمەلەرى جارىق كوردى. شىن مانىندە، بۇل باستامانى (مەترونىڭ ستانتسياسىنا قازاق جەرىندە جوق «الما-اتا» اتىن بەرۋ) قازاقستان جاعى كوتەرگەنى دە كوزى قاراقتى ازاماتتارعا بەلگىلى بولار دەپ ويلايمىن. مەملەكەت پەن حالىقتاردىڭ اراسىنداعى دوستىقتى تەك قانا جاساندى ينتەرناتسيوناليزم تاسىلىمەن جاساپ ۇيرەنگەن باسشىلار بۇرىنعى كەڭەس وداعى كەزىندەگى جولدان تايماعاندارىن تاعى ءبىر دالەلدەپ وتىر. بىراق ونى قاراپايىم حالىق قولدار ەمەس. جەرگىلىكتى تۇرعىنداردىڭ قارىسلىعىن اۋداندىق ارداگەرلەر كەڭەسى، قالالىق توپونيميكا كوميسسياسى مەن ورىس گەوگرافيا قوعامى دا قولداپ وتىر (شىركىن -اي، قازاق حالقىنىڭ سۇيەگىنە تاڭبا بولىپ تۇرعان پاۆلودار مەن پەتروپاۆلدىڭ اتىن وزگەرتۋدى رەسپۋبليكالىق ونوماستيكا كوميسسياسى مەن ارداگەرلار كەڭەسى، گەوگرافيالىق قوعام قولداسا عوي!).  ۇلتتىق قۇندىلىقتاردى ساقتاۋ، ونى ساياسي ويىنعا اينالدىرماۋ جونىندە ۋنيتارلىق قازاق ەلى فەدەراتيۆتى رەسەيدەن ۇلگى الۋعا تۋرا كەلەتىن سياقتى.

جاقىندا «موسكوۆسكي كومسومولەتس» گازەتىندە رەسەي استاناسىنىڭ «براتەەۆو» مەترو ستانتسياسى جانىنداعى تۇرعىنداردىڭ «ەگەر ستانتسياعا «الما-اتا» دەگەن ات بەرەتىن بولسا موسكۆا مەريىنىڭ الدىندا پيكەت جاسايمىز» دەگەن مالىمدەمەلەرى جارىق كوردى. شىن مانىندە، بۇل باستامانى (مەترونىڭ ستانتسياسىنا قازاق جەرىندە جوق «الما-اتا» اتىن بەرۋ) قازاقستان جاعى كوتەرگەنى دە كوزى قاراقتى ازاماتتارعا بەلگىلى بولار دەپ ويلايمىن. مەملەكەت پەن حالىقتاردىڭ اراسىنداعى دوستىقتى تەك قانا جاساندى ينتەرناتسيوناليزم تاسىلىمەن جاساپ ۇيرەنگەن باسشىلار بۇرىنعى كەڭەس وداعى كەزىندەگى جولدان تايماعاندارىن تاعى ءبىر دالەلدەپ وتىر. بىراق ونى قاراپايىم حالىق قولدار ەمەس. جەرگىلىكتى تۇرعىنداردىڭ قارىسلىعىن اۋداندىق ارداگەرلەر كەڭەسى، قالالىق توپونيميكا كوميسسياسى مەن ورىس گەوگرافيا قوعامى دا قولداپ وتىر (شىركىن -اي، قازاق حالقىنىڭ سۇيەگىنە تاڭبا بولىپ تۇرعان پاۆلودار مەن پەتروپاۆلدىڭ اتىن وزگەرتۋدى رەسپۋبليكالىق ونوماستيكا كوميسسياسى مەن ارداگەرلار كەڭەسى، گەوگرافيالىق قوعام قولداسا عوي!).  ۇلتتىق قۇندىلىقتاردى ساقتاۋ، ونى ساياسي ويىنعا اينالدىرماۋ جونىندە ۋنيتارلىق قازاق ەلى فەدەراتيۆتى رەسەيدەن ۇلگى الۋعا تۋرا كەلەتىن سياقتى.

ءوز باسىم، ماسكەۋلىكتەردى قوس قولىمدى كوتەرە قولدايمىن. بىرىنشىدەن، مەملەكەت ارالىق «تۋىسقاندىق پەن دوستىقتىڭ» بەلگىسى رەتىندە قازاق جەرىندە قولدانىلۋدان شىعارىلىپ تاستالعان «الما-اتا» دەگەن اتاۋدى الۋدىڭ ءوزى بارىپ تۇرعان ارانداتۋشىلىق دەپ بىلەمىن. مويىنداۋىمىز كەرەك، تاريحي جاعىنان العاندا، بۇل اتاۋدى ءبىر قازاق بولشەۆيگى  (اۋليە اتا»، «قوشقار اتا» دەگەنگە ۇقساتىپ قويدى دەگەن مالىمەت بار، بىراق ساياسي تۇرعىدان كەڭەستىك زاماندى اڭسايتىن جاندار مەن ورىستىڭ ۇلى دەرجاۆالىق شوۆينيزمىنەن ارىلا الماي جۇرگەن بەيشارالار «الما-اتانى» اتاۋىن رەسەي ۇستەمدىگىنىڭ بەلگىسىندەي كورەتىنى بارىمىزگە بەلگىلى. سول اتاۋدى قازاق جاعىنىڭ ۇسىنۋى - نە ساياسي سوقىرلىق، نە ناقتى ارانداتۋشىلىق. تۇپتەپ كەلگەندە، ەكى ەلدىڭ اراسىنا سىنا قاعۋشىلىق دەپ بىلەمىن. ەگەر ءبىر ستانتسياعا تاريحي جاعىنان ءبىر اتاۋدى بەرۋ كەرەك دەپ تاپسا، پانفيلوۆ پەن باۋىرجان مومىشۇلىنىڭ اتتارى دايىن تۇر ەمەس پە؟

ەكىنشىدەن، ەگەر ماسكەۋدە ءبىر «الما-اتا» اتاۋى قويىلسا، قازاق جەرىندە ءجۇز «موسكۆا» اتىنىڭ ورىن الاتىنى تاعى دا شىندىق. بۇل اتاۋ سول ناۋقانعا دالەل رەتىندە قولدانىلاتىن ءتاسىل عانا. ماسكەۋدەگى ابايدىڭ جالعىز ەسكەرتكىشى قازاق جەرىندەگى جۇزدەگەن پۋشكينگە تىرەك بولىپ تۇر (بىلتىر پاۆلودار قالاسىندا پاۆەل ۆاسيلەۆ دەگەن اقىنعا اقىنعا ەسكەرتكىش قويدى. قويماي كور، «اناۋ ماسكەۋدىڭ تورىندە ابايدىڭ ەسكەرتكىشى دە تۇر عوي» دەپ بۇلتارتپايتىن دالەلدى الدىڭا كولدەنەڭ تارتادى).  قىسقاسى، ءبىزدىڭ جاقتىڭ باستاماسى رەسەي تاريحىنداعى قازاقتىڭ ۇلەسىن قورعاپ قالۋ ەمەس، كەيىننەن الماتىنىڭ مەتروسىنا ەشقانداي دا قاتىسى جوق ماسكەۋدىڭ اتىن بەرۋ دەپ ويلايمىن. سوندىقتاندا دا ءوز جەرلەرىنىڭ تاريحي اتىن قورعاۋدا بىزدەرگە ۇلگى بولىپ تۇرعان  «براتەەۆو» ستانتسياسىنىڭ تۇرعىندارىن قولدايمىن!

دوس كوشىم

«ۇلت تاعدىرى» قوزعالىسىنىڭ توراعاسى

«اباي-اقپارات»