ايتقانىنان قايتپايتىن عانا ەمەس، كوپتىڭ سوزىنە توقتايتىن دا - ازامات
قازاقستان دەموكراتيالىق كۇشتەرىنىڭ جەتەكشىلەرى
بولات ابىلەۆ پەن ءامىرجان قوسانوۆقا زيالى قاۋىمنان حات
قۇرمەتتى بولات، ءامىرجان!
2011 جىلدىڭ 16-17 جەلتوقسانى كۇندەرى جاڭاوزەن مەن شەتپەدە ورىن العان قاندى قىرعىن قازاقستانداعى ەلىم، ۇلتىم دەگەن ءاربىر ازاماتتىڭ جۇرەگىندە وشپەس، ۇمىتىلماس ءىز قالدىراتىنى انىق.
وسىنداي توسىن جاعدايدى بولدىرماس ءۇشىن وزدەرىڭنىڭ بىرنەشە مارتە جاڭاوزەنگە بارىپ، قوعام مەن بيلىككە ماڭعىستاۋ مۇنايشىلارىنىڭ مۇڭدى تىرشىلىگى، ولاردىڭ ءادىل تالاپتارى تۋرالى ايتىپ، تالاي رەت باتىل-باتىل سۇراق قويعاندارىڭدى ءدۇيىم قازاق جۇرتشىلىعى جاقسى بىلەدى. شەنەۋنىكتەردىڭ داراقىلىعى، مەنمەندىگى، دەر كەزىندە شارا قولدانباي، ۋشىعىپ تۇرعان ماسەلەنى جاسىرىپ، اقىرى حالىقتىق، ۇلتتىق قاسىرەتكە اينالدىرعانىن دا حالىق بىلمەيدى ەمەس، بىلەدى!
جاڭاوزەندەگى جاعدايدان كەيىن ەكەۋىڭ دە ناعىز قازاق ازاماتى مەن پاتريوتتارىنا لايىقتى جۇمىس ىستەدىڭدەر. ءدال بۇگىنگىدەي زاماندا شىندىقتى ايتۋ، اقتى-اق، قارانى-قارا دەپ ايتۋدىڭ ءوزى شەنەۋنىكتەر تۇرعىسىنان «مەملەكەتتىك قىلمىسقا» تەڭەلىپ وتىرعان كەزەڭدە سەندەر حالىقپەن بىرگە بولىپ، ونىڭ نارازىلىعى مەن ناقتى ۇستانىمدارىن بيلىككە اشىپ كورسەتە بىلدىڭدەر. بۇل ادامنان قايتپاسا دا، قۇدايدان قايتاتىن قاجەتتى، ساۋاپتى تىرشىلىك.
قازاقستان دەموكراتيالىق كۇشتەرىنىڭ جەتەكشىلەرى
بولات ابىلەۆ پەن ءامىرجان قوسانوۆقا زيالى قاۋىمنان حات
قۇرمەتتى بولات، ءامىرجان!
2011 جىلدىڭ 16-17 جەلتوقسانى كۇندەرى جاڭاوزەن مەن شەتپەدە ورىن العان قاندى قىرعىن قازاقستانداعى ەلىم، ۇلتىم دەگەن ءاربىر ازاماتتىڭ جۇرەگىندە وشپەس، ۇمىتىلماس ءىز قالدىراتىنى انىق.
وسىنداي توسىن جاعدايدى بولدىرماس ءۇشىن وزدەرىڭنىڭ بىرنەشە مارتە جاڭاوزەنگە بارىپ، قوعام مەن بيلىككە ماڭعىستاۋ مۇنايشىلارىنىڭ مۇڭدى تىرشىلىگى، ولاردىڭ ءادىل تالاپتارى تۋرالى ايتىپ، تالاي رەت باتىل-باتىل سۇراق قويعاندارىڭدى ءدۇيىم قازاق جۇرتشىلىعى جاقسى بىلەدى. شەنەۋنىكتەردىڭ داراقىلىعى، مەنمەندىگى، دەر كەزىندە شارا قولدانباي، ۋشىعىپ تۇرعان ماسەلەنى جاسىرىپ، اقىرى حالىقتىق، ۇلتتىق قاسىرەتكە اينالدىرعانىن دا حالىق بىلمەيدى ەمەس، بىلەدى!
جاڭاوزەندەگى جاعدايدان كەيىن ەكەۋىڭ دە ناعىز قازاق ازاماتى مەن پاتريوتتارىنا لايىقتى جۇمىس ىستەدىڭدەر. ءدال بۇگىنگىدەي زاماندا شىندىقتى ايتۋ، اقتى-اق، قارانى-قارا دەپ ايتۋدىڭ ءوزى شەنەۋنىكتەر تۇرعىسىنان «مەملەكەتتىك قىلمىسقا» تەڭەلىپ وتىرعان كەزەڭدە سەندەر حالىقپەن بىرگە بولىپ، ونىڭ نارازىلىعى مەن ناقتى ۇستانىمدارىن بيلىككە اشىپ كورسەتە بىلدىڭدەر. بۇل ادامنان قايتپاسا دا، قۇدايدان قايتاتىن قاجەتتى، ساۋاپتى تىرشىلىك.
بولىپ جاتقان جاعدايدى جۇرت ەستىسىن، ءبىلسىن، ۇلتتىق قاسىرەتكە جول بەرگەن، ەل ازاماتتارىنا وق اتقان، سەس كورسەتكەن قىلمىسكەرلەر ءتيىستى جازاسىن السىن، ماسەلەنىڭ ءمان-جايى تولىققاندى زەرتتەلسىن دەگەن تالاپتارمەن ازاماتتاردى الماتىنىڭ عانا ەمەس، ەلىمىزدىڭ باسقا دا قالالارىنىڭ كوشەلەرى مەن الاڭدارىنا شىعاردىڭدار. سول ءۇشىن بىرەۋىڭ -18 كۇن، ەكىنشىڭ -15 كۇن تۇرمەدە وتىرىپ تا شىقتىڭدار. سوعان قاراماستان تاعى دا وسىنداي تالپىنىس جاساماق تۇگىلى، جاي عانا نيەت تانىتقاندارىڭ ءۇشىن تاعى دا ۇستالىپ، جازىقسىز جابىلعاندارىڭدى ەستىپ قاپالانىپ وتىرعان جايىمىز بار. وسىنداي ادىلەتسىزدىككە نارازىلىق تانىتىپ ەكەۋىڭنىڭ دە اشتىق جاريالاعاندارىڭدى ەستىدىك جانە سوعان قاتتى الاڭداپ وتىرمىز.
بولات! ءامىرجان!
اشتىق جاريالاۋ - ساياسي كۇرەستىڭ ەڭ اۋىر ءتۇرىنىڭ ءبىرى. ونىڭ دا ءوز كەزى، ءوز ۋاقىتى بولاتىن شىعار، بالكىم. بىراق، ءدال قازىرگى كەزدە دەموكراتيالىق كۇشتەردىڭ وزدەرىڭ سىندى جەتەكشىلەرىنىڭ قاپاستا نەمەسە اۋرۋحانادا ەمەس، ەل ىشىندە امان-ساۋ جۇرگەنى الدەقايدا ءتيىمدى كورىنەدى بىزگە. بۇگىنگى كۇنى قازاق دەموكراتيالىق كۇشتەرى ارتىنا ەرگەن جۇرتشىلىقتى ايباتقا ەمەس، اقىلعا، سالقىنقاندىلىققا، پاراساتقا شاقىرۋى كەرەك دەپ سانايمىز. ساياسي كۇرەستەرىڭدى قولدايمىز، ونىڭ جاڭا، تىڭ تۇرلەرىن، جولدارىن تاۋىپ، مەملەكەتىمىزدىڭ دەموكراتيالىق، ۇلتتىق جاڭعىرۋىن قامتاماسىز ەتەتىن سىندارلى ساياساتتى ىسكە اسىرعان ابزال. ول ءۇشىن ەكەۋىڭنىڭ دە باس اماندىقتارىڭ قاجەت!
سوندىقتان دا ەل ازاماتتارى رەتىندە سەندەردى سابىرعا شاقىرىپ، اراشا تۇسكىمىز كەلىپ وتىر. ەر ازامات ەكەندەرىڭە ەشكىمنىڭ دە داۋى جوق. ال ەر ازاماتتار تەك ايتقانىنان قايتپايتىندار عانا ەمەس، كوپتىڭ سوزىنە توقتايتىندار ەمەس پە؟ جاريالاعان اشتىقتارىڭدى توقتاتىڭدار! وسى ايتقاندارىمىزدى جەرگە قالدىرمايدى دەپ سەنەمىز.
سەندەرگە دەگەن قۇرمەتپەن:
ق.ءجۇمادىلوۆ، س.سماتاەۆ، و.سارسەنباي، ع.قابىشۇلى، م.شاحانوۆ، م.اۋەزوۆ، ت.جۇرتباي، ت.مەدەتبەك، ج.شاشتايۇلى، م.ءجۇنىسوۆا، ب.دالدەنباەۆ، ب.قارابەكوۆ، س.تۇرعىنبەكوۆ، ن.قانافياۇلى.
«اباي-اقپارات»
