اقپاننىڭ ونىنشى جۇلدىزى، 2012 جىلعى 55- رەتكى دۇنيەجۇزلىك جۋرناليستتەر فوتو سۋرەتتەر بايگەسىنىڭ جەڭىمپازدارىن (World Press Photo)  نيدەرلاندتىڭ استاناسى امستەردام قالاسىندا مەدياعا جاريالادى. اتالمىش جارىستىڭ، كوركەم ونەر جانە كوڭىل اشۋ ءتۇرى بويىنشا نيدەرلاندىق فوتوگراف Pavel Prokopchik- ءتىڭ  « قازاقستان سالتى» اتتى سۋرەتى ءۇشىنشى دارەجەلى سىيلىقتىڭ يەگەرى اتاندى.
سۋرەتكە قاراساڭىز، تىر جالاڭاش قىزدار مەن جىگىتتەر باۋىزدالعان قويدىڭ قانىنا شومىلىپ جاتىر. قويدى كوتەرىپ تۇرعان قازاق ەمەس، وزبەك نە ۇيعىر دەپ اقتالعىمىز-اق كەلەدى، دەسەدە، الەمدىك كوزقاراسپەن قاراساڭىز، قازاقستان ول - قازاقتار تۇراتىن مەملەكەت، باسقالار بۇل سۋرەتتەگى ادامداردى قازاقستانداعى قازاق ۇلتى دەپ ۇعىنباسىنا كۇمانىمىز جوق...

اقپاننىڭ ونىنشى جۇلدىزى، 2012 جىلعى 55- رەتكى دۇنيەجۇزلىك جۋرناليستتەر فوتو سۋرەتتەر بايگەسىنىڭ جەڭىمپازدارىن (World Press Photo)  نيدەرلاندتىڭ استاناسى امستەردام قالاسىندا مەدياعا جاريالادى. اتالمىش جارىستىڭ، كوركەم ونەر جانە كوڭىل اشۋ ءتۇرى بويىنشا نيدەرلاندىق فوتوگراف Pavel Prokopchik- ءتىڭ  « قازاقستان سالتى» اتتى سۋرەتى ءۇشىنشى دارەجەلى سىيلىقتىڭ يەگەرى اتاندى.
سۋرەتكە قاراساڭىز، تىر جالاڭاش قىزدار مەن جىگىتتەر باۋىزدالعان قويدىڭ قانىنا شومىلىپ جاتىر. قويدى كوتەرىپ تۇرعان قازاق ەمەس، وزبەك نە ۇيعىر دەپ اقتالعىمىز-اق كەلەدى، دەسەدە، الەمدىك كوزقاراسپەن قاراساڭىز، قازاقستان ول - قازاقتار تۇراتىن مەملەكەت، باسقالار بۇل سۋرەتتەگى ادامداردى قازاقستانداعى قازاق ۇلتى دەپ ۇعىنباسىنا كۇمانىمىز جوق...
قازاقتار تالاي سوقپاقتى جولداردى باسىنان وتكەرىپ، ءوز تاريحىندا كەشپەگەن قورلىقتى كەشىپ، تاۋ-تاستى كەزىپ، كول جاعالاي، ورمان ساعالاي كوشپەلى كۇن كورگەن ۇلى حالىق. دالا مادەنيەتىندە قازاق شيپاگەرلىگىنىڭ ءبىرى - قويدىڭ قانى بولعانى اقيقات. دەسە دە، مىنا سۋرەتتەگىدەي باۋىزدالعان قويدى كوتەرىپ، اۋرەتىن كورسەتىپ ۇلى مەن قىزى، كارىس مەن جاسى بىرگە تۇرىپ قانعا شومىلعان ەمەس. قايتا جاڭا سويىلعان قويدىڭ توق ىشەگىن، شاجىرقاي مايىن سىدىرماي كىندىككە تارتۋ ارقىلى بالالار شەتپەسىن جازىپ، جەل-قۇزدان بولعان اسقازان، ىشەك جولدارىنىڭ اۋرۋىنا، سويىلعان قويدىڭ قارنىن جىلى كۇيىندە قۇرساققا تارتىپ جازعان، ال قانمەن ەمدەۋدە گوللانديالىق كورسەتكەندەي ەمەس، جاڭا سويىلعان قويدىڭ  قانىنان ازداپ ىشكىزۋ ارقىلى ايەلدەر اۋرۋىنا ەم ءدارۋ جاساعان. ال مىناداي انايى قىلىقتى قانداي قازاق بولسا دا ىستەۋى مۇمكىن ەمەس-اۋ.
وسىدان بىرنەشە جىل بۇرىن، فرانتسيانىڭ «كونسيۋمەر» قالاسىنا بارعان ءبىر قارىنداسىمىزعا، تاپا-تال تۇستە، تامام جۇرتتىڭ كوزىنشە، شەتەلدىك قولىنداعى دوللارىن جىلتىڭداتىپ، ويناس جاساۋعا شاقىرعان. ونىڭ بۇل قىلىعىنىڭ توركىنى ەسىرتكى ەسىرتىپ جۇرگەن قازاقستاننىڭ «بورات» دەگەن كينوسىنان تۇسىنگەنى بولىپ شىققان. ەندى سول سياقتى، جوعارىداعى سۋرەتتى كورىپ شەتەلگە بارعان قانداستارىمىزدىڭ كيىمىن سىپىرىپ تاستاپ، قوي قانىمەن جۋىندىرىپ مازاقتاماسىنا كىم كەپىل؟...
قازاقتى الەمگە تانىتاتىن  - دۇنيە مادەنيەتىندەگى ورنى. وزگەلەر قازاقستاندى ءبىر جاعىنان، وسىنداي الەمدىك ورتاداعى تارتىستى ماتەريالدار ارقىلى تاني الادى. ال ءبىز سول اۋديتورياعا قۇندى ەڭبەكتەر تارتۋ ەتكەننىڭ ورنىنا ءوزىمىزدى ءوزمىز ماسقارالايتىن كينولار مەن جارناما سۋرەتتەر شىعارىپ، قازاق ۇلتىن ءتورت تۇلىگى بولعان ەشكىمەن، كامەلەتكە تولماعان بالاسى ويناس جاساپ وينايتىنىن، كورىنگەننىڭ قوينىنا جاتقىش كەلىنى بارلىعىن، قىزىن اكەسى زورلاپ، شەشەسىن بالاسى ولتىرەتىنىن، ءبىرىن-ءبىرى پىشاقتاپ، قىزدارى كوشەدە تىر-جالاڭاش بيلەپ جۇرەتىن ۇلتقا اينالدىردىق. سول ارقىلى ۇلتتىق قۇندىلىقتارىمىزدى ۇمىتىپ، ۇلتىمىزدى ازعىنداتتىق. وسى ورايدا وزگەلەر ءتول ءداستۇرىمىزدى ۇرلاۋعا كىرىستى. كوكپارىمىزدى قىرعىزدار، قىمىز بەن قازىمىزدى - نەمىستەر، شۇباتتى - ەۆرەيلەر زاڭدى تىركەپ الدى. ءازىربايجان، يران، وزبەكستان، قىرعىزستان ناۋرىزدى وزدەرىنىڭ ءتول مەيرامى رەتىندە يۋنەسكو-گە تىركەدى.  ۇلتتىق سپورت ونەرىمىز سۇڭقارمەن اڭشىلىق جاساۋدى كەيبىر اراب مەملەكەتتەرى يۋنەسكو-نىڭ تىزىمىنە ەنگىزدى، ەندى ولاردىڭ زياتكەرلىك مەنشىگى الەمدىك دەڭگەيدە قورعالاتىن بولدى دا، ءبىز اۋزىمىز اڭقيعان كۇيى قالدىق.
قىتايدا ءوز ۇلتىن نەمەسە ۇلتتىق ءداستۇرىن قورلاعان، ۇلت ارداگەرلەرىنە، مەملەكەتىك قۇندىلىقتارىن زياڭداعان نەمەسە جامانداعان جاعدايدا سوتقا تارتادى. ال قازاقستاندا مۇنىڭ ءبىرى جوق. انا الەمدىك جۋرناليستتەر فوتو سۋرەتتى باسەكەسىنىڭ ماقساتى تاپ بەرمەدەگى كەزدەيسوق وقيعالار ارقىلى حالىقتىق ءتۇس العان الەۋمەتتىك ماسەلەلەردى كوتەرۋ ەكەن. سونىمەن، نيدەرلاندىق قازاقستاندى قانعا جۋىنعان حالىق رەتىندە سيپاتتاعان بولدى. ماحامبەتتىڭ:
...بۋىرشىن مۇزعا تايعان كۇن،
بۋرا اتتانعا شوككەن كۇن.
...قوس بايتەرەك جىعىلىپ،
جىعىلعانى ەستىلىپ.
الىستاعى دۇشپاننىڭ،
قۋانىپ كوڭىلى تىنعان كۇن!.. دەپ ايتقانىنىڭ كەبىسىن كيدىك. ۇلتتىق، حالىقتىق، مەملەكەتتىك مادەنيەتىمىزدى ساقتاي المادىق. ماتەريالدىق ەمەس مادەني مۇرالارمىزدى دا، وزگەگە تانىتاۋدان بويىمىزدى اۋلاققا سالىپ، بىرەۋى ۇرلاپ الىپ كەتكەندە ۇلارداي شۋلاپ، قىلىشىمىزدى بوققا شاباتىن ءداستۇر قالىپتاستىردىق. ارعىسىن ايتپاعاندا، رەسەيدىڭ جۋرناليستەرى، ساياساتكەرلەرى، جازۋشىلارى تاراپىنان قازاقستاننىڭ تاۋەلسىزدىگىن، مەملەكەتتىلىگىن مويىنداماۋ، ارانداتۋ، كەلەمەجدەۋ سوزدەرى ايتىلعاندا دا قازاقستان بيلىگى ءوزىنىڭ نارازىلىعىن بىلدىرگەن ەمەس. ەگەر ءبىز، سۇعا بەرگەنگە بۇعا بەرەر بولساق، وزگەلەر ۇلىمىزدى قۇلىنا، قىزىمىزدى كۇڭىنە اينالدىرىپ، ۇلتىمىزدىڭ ابرويىن ايرانداي توگە بەرەر بولساق، كورەر كۇنىمىز ءدال وسى سۋرەتتەگىدەي بولماسىنا كىم كەپىل...
"اباي-اقپارات"