جاندى داۋىس پەن ساپالى مۋزىكادان تۇراتىن ونەر قاشاندا ادال. قانشا قىمباتقا تۇسسە دە، كوپشىلىك شىنايى ونەردى تاڭدايدى. «تەنگري FM» راديوستانسىسىنىڭ جارىققا شىققانىنا ەكى جىل تولۋىنا وراي ناۋرىزدىڭ 21-ءى كۇنى الماتىدا رەسەيلىك روك مۋزىكانىڭ اڭىزى - زەمفيرا جەكە كونتسەرت بەرمەك. بۇل مەرەيتويلىق شارا ۇلىستىڭ ۇلى كۇنى - ناۋرىز مەرەكەسىنە ادەيى ورايلاستىرىلعان.

جاندى داۋىس پەن ساپالى مۋزىكادان تۇراتىن ونەر قاشاندا ادال. قانشا قىمباتقا تۇسسە دە، كوپشىلىك شىنايى ونەردى تاڭدايدى. «تەنگري FM» راديوستانسىسىنىڭ جارىققا شىققانىنا ەكى جىل تولۋىنا وراي ناۋرىزدىڭ 21-ءى كۇنى الماتىدا رەسەيلىك روك مۋزىكانىڭ اڭىزى - زەمفيرا جەكە كونتسەرت بەرمەك. بۇل مەرەيتويلىق شارا ۇلىستىڭ ۇلى كۇنى - ناۋرىز مەرەكەسىنە ادەيى ورايلاستىرىلعان.

«ناۋرىز ءبىز ءۇشىن قوس مەرەكەگە اينالدى. بۇل مەيرامدا تۋعان كۇنىمىزدى اتاپ وتەمىز. وسى قارساڭداعى ءبىز ۇيىمداستىراتىن مۋزىكالىق شارالاردىڭ ءبارى تۋعان كۇنگە ارنالادى»، - دەيدى راديونىڭ مۋزىكالىق رەداكتورى كونستانتين گولوۆين. بىلتىر «تەنگري FM»-ءنىڭ ءبىر جىلدىعىنا «چايف» توبى كەلىپ، كونتسەرت بەرگەن ەدى. بۇل شارا­نىڭ اياسىندا تۇڭعىش رەت روك فەستيۆالى دە وتكىزىلدى. «تەنگري بيىگىندە» باعدارلاماسى ءوزىنىڭ ءبىر جىلدىق جۇمىسىن قورىتىندىلاپ، ەلىمىزدىڭ بارلىق وڭىرىندەگى روك ۇجىمدا­رىنىڭ كەڭىنەن تانىلۋىنا مۇمكىندىك جاسا­عان ەدى. وتاندىق روك مۋزىكاعا قولداۋ كورسە­تەتىن باعدارلاما بۇدان كەيىن ءبىر جىل ىشىندە ءوز تىڭدارماندارى ءۇشىن بىرنە­شە فەستيۆال ۇيىمداستىردى. ەكىنشى روك فەستيۆالىنە ايگىلى مۋزىكانت ۆياچەسلاۆ بۋتۋسوۆ پەن ونىڭ «يۋ-پيتەر» توبى ارنايى باعدارلامامەن حەدلاينەر بولدى. كەلەسى فەستيۆالدىڭ قۇرمەتتى قوناقتارى رەتىندە بىردەن ءۇش توپ شاقىرىلدى: «تانتسى مينۋس»، «كىت-ءى» جانە «سەرگا». وتكەن قاراشا ايىن­دا «بي-2» توبىنىڭ الەمدىك تۋرنە شەڭبەرىندە الماتىعا كەلىپ، كونتسەرت بەرۋىنە دە «تەنگري FM» ۇيىتقى بولعان ەدى. ەندى وڭتۇستىك استاناعا «Zەمفيرا» توبى نەمەسە زەمفيرا دەگەن ساحنالىق ەسىممەن ونەر كورسەتەتىن بەلگىلى ءانشى، تالانتتى مۋزىكانت، كومپوزيتور زەمفيرا كەلمەك. دۇنيەجۇزىندە ونىڭ فاناتتارىنىڭ كوپ ەكەنى بەلگىلى. وسىدان ءتورت جىل بۇرىن ءانشىنىڭ اياقاستىنان اۋىرىپ قالۋىنا بايلانىستى ونىڭ الماتىداعى كونتسەرتى وتپەي قالعان بولاتىن. ال بۇل جولى ناۋرىز مەرەكەسىندە قازاقتىڭ وڭتۇستىك استاناسىندا بولاتىنىن زەمفيرانىڭ ءوزى رەسمي سايتىندا جاريا ەتتى. «زەمفيرا الماتىدا وتە سيرەك بولادى. سوڭعى رەت 2005 جىلى الماتى ماڭىندا وتكەن «ناشەستۆيە» فەستي­ۆالىنە كەلگەن ەدى. ونى مۇندا تابىنۋ­شىلارى اسىعا كۇتىپ ءجۇر. ناۋرىزدىڭ 21-ىنە جوسپارلانىپ وتىرعان كونتسەرت جايلى الەۋمەتتىك جەلىلەردە قىزۋ تالقىلانىپ جاتىر. زەمفيرا - شىعىستىڭ قىزى. ناۋ­رىز­دىڭ قانداي ماڭىزدى مەرەكە ەكەنىن جاقسى بىلەدى»، - دەيدى كونتسەرتتى ۇيىمداس­تىرۋشىلاردىڭ ءبىرى ك.گولوۆين. ەسىمى كوزى تىرىسىندە-اق اڭىزعا اينالىپ ۇلگەرگەن باشقۇرتتىڭ ءانشى قىزى قازىر الەمدىك تۋر­نە­دە ءجۇر. ناۋرىزدىڭ 15-ىندە لوندوندا، 18-ىندە پاريجدە ونەر كورسەتەتىن ول الماتىدان سوڭ ءازىربايجان استاناسىنا، ودان ءارى تبيليسيگە گاسترولمەن بارادى. ءساۋىردىڭ سوڭىندا بالتىق جاعالاۋىنداعى ءىرى قالالارعا ساپار شەكپەك. زەمفيرا - تالعامپاز ءانشى. سول سەبەپتى ۇيىمداستىرۋ­شىلار مۋزىكانتتىڭ كونتسەرتى ابىرويلى ءوتۋى ءۇشىن قولايلى جاعداي جاساپ باعادى. كونتسەرتكە كەلۋشىلەر ءۇشىن دە بار مۇمكىندىك قاراستىرىلعان. فاناتتاردىڭ عالامتوردا­عى اقپاراتىنا قاراعاندا، بۇل كونتسەرتكە قازاقستاننىڭ تۇكپىر-تۇكپىرىنەن جانە رەسەي، قىرعىزستان، وزبەكستان ەلدەرىنەن دە كورەرمەندەر كەلە جاتىر. ال جەرگىلىكتى تابىنۋشىلاردىڭ ءبىر توبى زەمفيراعا الماتىنىڭ باستى نىشانى - جاندانا باستاعان اپورتتىڭ ءبىر سەبەتىن سىيعا تارتپاق. كونتسەرتتە باسقا دا توسىن سىيلار بولادى. ولار ازىرشە قۇپيا.

كونستانتين گولوۆين، «تەنگري FM» راديوستانسىسىنىڭ مۋزىكالىق رەداكتورى:

- ءبىز ۇيىمداستىرعان شارالارعا كەلگەن بەلگىلى مۋزىكانتتاردىڭ قاي-قايسىسى دا الماتىداعى تىڭدارمان­دار­دىڭ ىقىلاسىنا ريزا بولىپ كەتەدى. بۋتۋسوۆ تا، گالانين دە، «چايف» توبى دا ءبىزدىڭ راديونىڭ تەحنيكالىق جاب­دىق­تالۋىنا ريزا ەكەنىن ايتتى. ەندى زەمفي­رانىڭ دا كوڭىلىنەن شىعامىز دەپ ويلايمىن. مۇمكىندىكتى پايدالا­نىپ، راديوستان­سى اتىنان تىڭدارمان­دار­دى، الماتى­لىقتار مەن قالا قوناق­تا­رىن وسى كونتسەرتكە شاقىرامىز. ناۋرىز مەي­رامىنىڭ العاشقى كۇنى مەن راديو­مىزدىڭ تۋعان كۇنىن بىرگە تويلايىق!

«تەنگري FM» ۇسىنادى

زەمفيرانىڭ جەكە كونتسەرتى الماتىداعى بالۋان شولاق اتىنداعى سپورت سارايىندا ناۋرىزدىڭ 21-ءى كۇنى ساعات 20.00-دە باستالادى. بيلەتتەردى سپورت سارايىنىڭ كاسساسىنان، «مەلومان» دۇكەندەر جەلىسىنەن ساتىپ الۋعا جانە zakazbiletov.kz سايتىنان تاپسىرىس بەرۋگە بولادى. قۇنى: فان زونا - 7000, تريبۋنالار - 12 000, VIP-ورىندار - 20 000 تەڭگە.

الاش-انىقتاما

زەمفيرا تالعاتقىزى رامازانوۆا 1976 جىلى 26 تامىزدا باشقۇرتستان استاناسىندا دۇنيەگە كەلگەن. ەڭبەك جولىن راديوستانسىنىڭ دىبىس وپەراتورى بولىپ باستاعان ول سول كەزدەرى روك مۋزىكامەن اۋەستەنىپ، 90-جىلداردىڭ سوڭىندا ءوزى قۇرعان توپتىڭ شىعارماشىلىعىن دامىتۋعا كىرىسەدى. «سنەگ»، «پوچەمۋ» دەگەن اندەر زەمفيرانىڭ تۇڭعىش تۋىندىلارى بولعانىمەن، ونىڭ «اريۆەدەرچي» انىنە وزگەلەردەن بۇرىن كليپ ءتۇسىرىلدى دە، ەفيرگە شىقتى. وسىدان كەيىن زەمفيرانىڭ تالانتىنا كوپشىلىك ءتانتى بولدى. ول 13 جىل ىشىندە بەس ستۋديالىق البوم شىعاردى. ءانشىنىڭ داۋىسى - مەتستسو-سوپرانو مەن كونترالتونىڭ ارالىعى. ونىڭ «اريۆەدەرچي» جانە «پوچەمۋ» اندەرى «حح عاسىرداعى ورىس روگىنىڭ 100 ۇزدىك ءانى» تىزىمىنە ەنگەن. مۋزىكانت بۇقارالىق اقپارات قۇرالدارى ءۇشىن تۇيىق. «زەمفيرا» ەسىمىنىڭ ءتۇبىرى اراب تىلىنەن اۋدارعاندا «باس يمەيتىن، ءور» دەگەن ماعىنانى بىلدىرەدى.

"الاش ايناسى" گازەتى