قىرعىزستاننىڭ ارنايى كۇشتىك قۇرىلىمدارى تەررورلىق توپ مۇشەلەرىن ۇستادى. توپقا سيريادان تاپسىرما بەرىلىپ وتىرعان. ولاردىڭ ماقساتى "قىرعىزستان جەرىندە قارۋلى جيھاد جاساۋ بولعان" دەيدى ۇلتتىق قاۋىپسىزدىك قىزمەتكەرلەرى.

«ۇستالعان توپ مۇشەلەرى سيريادان تاپسىرما الىپ وتىرعان. ولاردىڭ ماقساتى ەلدەگى ساياسي جانە قوعامدىق جاعدايدى ۋشىقتىرىپ، قارۋلى جيھاد جاساۋ بولعان. توپتىڭ كەي مۇشەلەرى سيرياداعى حالىقارالىق تەررورلىق ۇيىمداردىڭ بازاسىندا جاتتىعۋدان وتكەن.»، — دەيدى ۇلتتىق قاۋىپسىزدىك قىزمەتكەرلەرى.

سودىرلاردى ۇستاۋ وپەراتسياسى 5-ناۋرىزدا وتكەن. توپتىڭ قۇرامىندا قىرعىزستان جانە باسقا دا ەلدىڭ ازاماتتارى بار. ولار ءدىني كوزقاراسى ءۇشىن بەيبىت تۇرعىندارعا شابۋىل جاساپ، قولدان جاسالعان جارىلعىشتى قولدانباق بولعان. قازىرگى تاڭدا توپقا مۇشە بولۋى مۇمكىن دەگەن وزگە دە ازاماتتار ىزدەستىرىلۋدە.

Abai.kz