ادۆوكات قىزمەتى جانە زاڭ كومەگى تۋرالى كەيبىر زاڭ جوبالارى قايتا قارالادى. بۇل تۋرالى ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى قانات مۋسين Facebook-تەگى پاراقشاسىندا جازدى. 

«بۇگىن ءماجىلىس بيۋروسى ماڭىزدى شەشىم قابىلدادى. ول تۋرالى سىزدەرمەن ءبولىسۋدى ءجون كورىپ وتىرمىن. سەناتقا تۇزەتۋلەرمەن قايتارىلعان «ادۆوكاتتىق قىزمەت جانە زاڭ كومەگى سۇراقتارى جونىندەگى قازاقستان رەسپۋبليكاسىنىڭ كەيبىر زاڭنامالاىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا تالقىلاۋ ءوتتى. كەيبىر تۇزەتۋلەر زاڭ جوباسىنىڭ تۇجىرىمدامالىق نورمالارىن قوزعايدى جانە ءماجىلىس پوزيتسياسىمەن ساي كەلمەيدى دەپ ويلايمىز.

وسىعان وراي، زاڭ جوباسىنىڭ بولەك نورمالارى، سونىڭ ىشىندە زاڭ كونسۋلتانتتارىنىڭ رەسپۋبليكالىق القاعا ەركىن مۇشەلىك ەتۋ ماسەلەسى بويىنشا كەلىسپەۋشىلىك تۋىنداماۋى ءۇشىن ءماجىلىس پەن سەنات دەپۋتاتتارىنىڭ قاتارىنان كەلىستىرۋشى كوميسسيا قۇرۋ تۋرالى ۇسىنىستى پالاتانىڭ پلەنارلىق وتىرىسىنا ەنگىزۋ تۋرالى شەشىم قابىلداندى»، - دەدى قانات مۋسين.

Abai.kz