قازىر ءبىز بيلىكتىڭ اينالاسىنا، ءتىپتى كىشىگىرىم شەنەۋنىكتىك قىزمەتكە جاستار بارىپ جاتسا قۋانامىز. جاستاردىڭ وسكەنى، وربىگەنى جاقسى. بىراق سول جاستاردىڭ اراسىندا لاۋازىمدى قىزمەتكە قولى جەتسە، سول قىزمەتپەن بىرگە تۋىلعانداي بولىپ، وزدەرىن ءبىر كۇندە سونداي بولا قالعانداي سەزىنىپ، سول قىزمەتتەن ايىرىلىپ قالماۋدىڭ جولىندا اناعان دا جاعىمپازدانىپ، مىناعان دا جاعىمپازداناتىندارىنىڭ بارى كوڭىلگە كىربەڭ تۇسىرەدى.

ءار ادام مەيلى جاسى بولسىن، ۇلكەنى بولسىن ءوزىنىڭ تەگىن، شىققان ورتاسىن، ءتۇپ-تامىرىن ءبىلۋى شارت. جالپى، قازاق تەكتى حالىق قوي. سول تەكتى حالىقتىڭ ءتىلىن، تاريحىن، مادەنيەتىن، مۇددەسىن مەنسىنبەۋ – تەكسىزدىك. مۇنداي تەكسىزدىككە جول بەرمەۋى ءۇشىن قالتالىلار، شەندىلەر مەن شەكپەندىلەر ءبىرىن-ءبىرى قولداپ، حالىقتىڭ مۇددەسىن ۇمىتۋدى دوعارۋ كەرەك!

جاستارعا سىن ارتپاس بۇرىن الدىمەن الدىڭعى بۋىن جاعىمسىز ارەكەتتەردەن تىيىلۋى كەرەك. الدىڭعى بۋىن اراسىندا جارىسا توي تويلاۋ، ورىنسىز ناۋقانشىلدىققا سالىنۋ، داڭعويلىق، كورسەقىزارلىق، اسىرەقۇمارلىق تىيىلماي جاستاردى جوندەۋ قيىن.

تورەگەلدى شارمانوۆتىڭ جازباسى

Abai.kz