جالقى سۇراعىمىزدى ءدال وسىلاي توتەسىنەن قويۋىمىزدىڭ بىردەن-ءبىر سەبەبى – جەر كوميسسياسىنىڭ مۇشەسى مۇحتار تايجاننىڭ الەۋمەتتىك جەلىدەگى جازباسى بولدى. ول ءوزىنىڭ Facebوok-تەگى جەكە پاراقشاسىندا جەر كوميسسياسىنىڭ WhatsApp-تاعى توبىنان (چاتىنان) «جۇمىس توبىنىڭ قۇرامى مەن جەتەكشىلەرىن تاعايىنداۋ بويىنشا «سىرتتاي داۋىس بەرۋ» تۋرالى حاتتاماسىن» كورگەنىن جازدى.

مەن ەشقانداي دا سىرتتاي داۋىس بەرۋگە قاتىسقان جوقپىن!

وعان كوميسسيا توراعاسى، قر ۇكىمەت باسشىسىنىڭ ورىنباسارى ەرالى توعجانوۆتىڭ قولى قويىلعان ەكەن.

ول: «جەر كوميسسياسىندا ەشقانداي دا «قوڭىراۋ شالۋ» ارقىلى سىرتتاي داۋىس بەرۋ دەگەن بولماۋى كەرەك. بارلىعى اشىق تالقىلانىپ، داۋىس بەرۋ دە اشىق ءجۇرۋى ءتيىس!

كەشكە جەر كوميسسياسى چاتىندا جۇمىس توپتارىنىڭ قۇرامى جانە جەتەكشىلەرى بويىنشا وسىنداي «سىرتتاي» داۋىس بەرۋ حاتتاماسىن كورىپ قالدىم.

قانداي سىرتتاي داۋىس بەرۋ حاتتاماسى تۋرالى اڭگىمە بولۋى مۇمكىن، ەگەر مەن ول تۋرالى ءبىرىنشى رەت ەستىپ تۇرسام؟ مەن ەشقانداي دا سىرتتاي داۋىس بەرۋگە قاتىسقان جوقپىن! سىرتتاي داۋىس بەرۋ وتكەنى تۋرالى مۇلدەم بىلگەن جوقپىن! نەگە ونى جوق دەگەندە چاتتا وتكىزبەگەن؟

ال ەگەر ەرتەڭ باسقا دا ماڭىزدى ماسەلەلەر بويىنشا تاعى دا وسىلاي «تەلەفون شالۋ ارقىلى سىرتتاي» داۋىس بەرۋ ۇيىمداستىرسا نە بولادى؟ وسىلاي چاتتا حاتتاماسىن كورىپ وتىرامىز با؟

ساپارحان وماروۆ، بۇل نە ينتريگا، نە قىلعان «قوڭىراۋ شالۋ» ارقىلى جابىق داۋىس بەرۋ؟

جاڭا جانىبەك قوجىقپەن سويلەستىم. ول دا وسىلاي ايتىپ وتىر. ەشكىم سىرتتاي داۋىس بەرۋ تۋرالى ەسكەرتپەپتى»، - دەپ جازدى.

ءبىز مۇحتار بولاتحانۇلىنا حابارلاسىپ، ماسەلەنىڭ ءمان-جايىن سۇراپ-بىلدىك.

قازاقستاننىڭ 80% تەرريتورياسىن جەكەنىڭ قولىنا بەرىپ قويىپ، وتىرمايمىز!

مۇحتار تايجان، جەر كوميسسياسىنىڭ مۇشەسى:

- مەن كەشە جەر كوميسسياسىنىڭ چاتىنان كوميسسيانىڭ جۇمىسشى توپتارىنىڭ (ەكونوميكالىق، قۇقىقتىق ت.ب.) بەكىتىلىپ قويعانى تۋرالى حاتتامانى كورىپ قالدىم. وعان كوميسسيا توراعاسى ەرالى توعجانوۆ قول قويىپتى. ءمورى دە بار. بۇل شەشىمدى ەندىگى داۋىسقا سالىپ، كوميسسيا مۇشەلەرى ماقۇلداپ، قابىلداپ قويعانىن ايتتى.

مەنى تاڭقىلدىرىپ وتىرعانى دا وسى، ويتكەنى مەن داۋىس بەرۋ قاشان، قاي جەردە وتكەنىن بىلمەيمىن! ءتىپتى، وسىنداي شەشىم قابىلدانعالى جاتىر دەگەن حابارلاما دا بولعان جوق. الدىڭعى وتىرىستا دا ءبىز كوميسسيانىڭ جۇمىسشى توپتارىن بەكىتكەن جوقپىز. جۇزبە-ءجۇز وتىرىپ داۋىس بەرمەدىك.

سوسىن، مەن سۇراستىرا باستادىم. كوميسسيا حاتشىسى تۇرات تەمىرجانوۆقا حابارلاستىم. ول كوميسسيانىڭ ءار مۇشەسىنە قوڭىراۋ شالۋ ارقىلى، داۋىس بەرۋ جاسالعانىن ايتتى. ياعني، جاڭاعى سەكرەتاريات جەركومنىڭ ءار مۇشەسىنە جەكە-جەكە حابارلاسىپ، داۋىستارىن الىپتى-مىس.

مەن دە وسى كوميسسيانىڭ مۇشەسىمىن. سول ءۇشىن دە جاڭاعى جازبانى جاريالادىم عوي. ارقايسىسىنا قوڭىراۋ شالۋ دەگەن نە؟ بىزدە رەگلامەنت بار ەمەس پە؟ وندا «قوڭىراۋ شالىپ داۋىس بەرۋ» دەگەن اتىمەن جوق.

سوسىن، كوميسسيانىڭ وزگە دە مۇشەلەرىنە حابارلاسىپ، سۇراستىردىم. مۇرات ابەنوۆ، باقىتجان بازاربەك، جانىبەك قوجىقتارعا... ولارعا حابارلاسىپتى. جۇمىسشى توپ جەتەكشىلەرى مەن مۇشەلەرىنىڭ كانديداتۋراسىن «اقىلداسامىز» دەپ حابارلاسىپتى. اقىلداسۋ – داۋىس بەرۋ ەمەس!

ەگەر «داۋىس بەرۋ» پروتسەسى رەسمي جاريالانباي جاتىپ، سىزگە اقىلداسايىق دەسە، وندا دا ءسىزدىڭ پىكىرىڭىز – ءسىزدىڭ داۋىسىڭىز بولادى دەپ ەسكەرتەپەسە، جاي عانا اقىلداسامىز دەسە، كىم تەرىس ويلاسىن؟..

ماعان دا حابارلاسقان، بىراق الدىڭعى وتىرىس وتەردەن بۇرىن حابارالسقان. ماعان دا «اقىلداسايىق» دەگەن. نەگىزى ءبىز بۇل جۇمىسشى توپتار مەن ولاردىڭ جەتەكشىلەرىن سەنبى كۇنگى وتىرىستا اقىلداسىپ، بەكىتۋىمىز كەرەك ەدى.

«جەكە قوڭىراۋ شالىپ، داۋىس بەرۋ» دەگەن قاي رەكلامەنتتە جازىلعان؟ بۇلاي بولمايدى! ەگەر ەرتەڭ، جەردى جەكە مەنشىككە بەرۋ تۋرالى حاتتامانى دا وسىلاي جەكە-جەكە قوڭىراۋ شالىپ كەلىستىك دەپ تۇرسا شە؟ وندا نە ىستەيمىز؟ كوميسسيا كىم ءۇشىن، نە ءۇشىن قۇرىلدى؟ بۇكىل حالىق قازىر بىزگە قاراپ وتىر. مەنىڭ تالابىم – كوميسسيانىڭ ءار مۇشەسى جەكە-جەكە، جاريا تۇردە، حالىقتىڭ الدىندا داۋىس بەرۋى كەرەك! اشىق داۋىس بەرسىن! كىمنىڭ قالاي داۋىس بەرىپ جاتقانىن حالىق تا كورسىن!

كوميسسيانىڭ ءار مۇشەسىنە جاۋاپكەرشىلىك جۇكتەلگەن! ءبىز قازىر جەر تاعدىرىن شەشىپ جاتىرمىز. ول دەگەنىڭىز – مەملەكەتىڭ نەگىزى، ەرتەڭى! سوندىقتان دا مەن ۇكىمەت باسشىسى اسقار ءماميننىڭ اتىنا بىرنەشە ۇسىنىس جولدادىم. ول ۇسىنىستارىمدى جەلىدەگى جەكە پاراقشامدا جازىپ تا جاتىرمىن. ءبارى اشىق، جۇرت كورسىن، ءبىلسىن!

كەشەگى ماسقارالىقتىڭ بولۋىنىڭ ءبىر سەبەبى – قازىر جەر كوميسسياسى توراعاسىندا ءبىر عانا ورىنباسار بار. ونىڭ ءوزى قر اۋىل شارۋاشىلىق ءمينيسترى ساپارحان وماروۆ. بۇل دەگەنىڭىز بارىپ تۇرعان مونوپوليزم.

«جالعىز عانا ورىنباسارى بار» دەگەن بىزدەن باسقا بىردە-ءبىر ۇيىمدا، كوميسسيا نەمەسە مقۇرىلىمدا جوق. ءبىزدىڭ مەملەكەتتىڭ وزىندە 4 ۆيتسە-پرەمەر، ءار مينيسترلىكتە ءتورت-تورتتەن ورىنباسارى بار. سوندىقتان، مەن پرەمەر-مينيستر اسقار مامينگە جەر كوميسسياسىنا ەڭ ازىندا 2 ورىنباسار تاعايىنداۋدى ۇسىنامىن. ونىڭ ءبىرى ماقۇل، مينيستر وماروۆ بولسىن. ال ەكىنشىسى رەتىندە مەن كوميسسيا مۇشەسى اقىلبەك كۇرىشباەۆتى ۇسىنار ەدىم. مەن بۇل كىسىمەن العاشقى جەر كوميسسياسىندا دا بىرگە جۇمىس ىستەدىم. سوندىقتان، ءوز تاڭداۋىما قاتەلەسپەيمىن.

ال كوميسسيانىڭ ەكونوميكالىق توبىن باسقارۋعا ءوز كانديداتۋرامدى, قۇقىقتىق توپتى باسقارۋعا باقىتجان بازاربەكتىڭ كانديداتۋراسىن ۇسىنامىن. سوندا ەشقانداي دا جاسىرىن داۋىس بەرۋ دەگەن بولمايدى! ال ءبىر عانا ورىنباساردىڭ، ساپارحان وماروۆتىڭ مونوپولياسى جالعاسا بەرسە، كەشەگىندەي ماسقارالىقتار ءالى دە بولادى. ءبىز ونداي «جاسىرىن داۋىس بەرىپ» شەشۋ دەگەنگە توزبەيمىز! مۇنىڭ اياعى ۇلكەن داۋعا ۇلاسادى. جولعالتارىمىز جوق. قازاقستاننىڭ 80% تەرريتورياسىن جەكەنىڭ قولىنا بەرىپ قويىپ، وتىرمايمىز!

تاقىرىپقا تۇزدىق:

جەر كوميسسياسىنا بۇل جولى كىمدەر كىردى؟ 

العاشقى وتىرىستا قانداي ۇسىنىستار ايتىلدى؟

جەردەن ايىرىلساق، مەملەكەتتەن دە ايىرىلامىز!

ەرالى توعجانوۆ ەسكەرۋى كەرەك!

Abai.kz