موڭكە بي. الاشۇبار ءتىلىڭ بولادى، ءدۇدامالداۋ ءدىنىڭ بولادى
(تومەندە موڭكە بي كورىپكەلدىڭ بولجامىن جيناستىرا جاريالاپ وتىرمىز. - www.abai.kz)
ازارسىڭ، جۇرتىم، ازارسىڭ،
ازارىڭنىڭ بەلگىسى:
قۇرامالى، قورعاندى ءۇيىڭ بولادى،
اينىمالى، توكپەلى ءبيىڭ بولادى.
حالىققا ءبىر تيىن پايداسى جوق
اي سايىن باس قوسقان جيىن بولادى.
ىشىنە شىنتاق اينالمايتىن
ەجىرەي دەگەن ۇلىڭ بولادى.
اقىل ايتساڭ اۋىرىپ قالاتىن
بەدىرەي دەگەن قىزىڭ بولادى.
الدىڭنان كەس-كەستەپ وتەتىن
كەكىرەي دەگەن كەلىنىڭ بولادى.
ىشكەنىڭ سارى سۋ بولادى،
بەرسەڭ ءيتىڭ ىشپەيدى،
بىراق ادام وعان قۇمار بولادى.
قينالعاندا شاپاعاتى جوق جاقىنىڭ بولادى.
يت پەن مىسىقتاي ىرىلداسقان،
ەركەك پەن قاتىنىڭ بولادى...
ازارسىڭ، جۇرتىم، ازارسىڭ،
ازارىڭنىڭ بەلگىسى:
جاس بالادان ءبيىڭ بولار،
جاس بالشىقتان ءۇيىڭ بولار،
ات جاقسىسى اربادا بولار،
جىگىت جاقسىسى ساۋدادا بولار.
كولدىڭ سۋى ءبىتىپ، تابانى قالار،
اتتىڭ جۇيرىگى كەتىپ، شابانى قالار.
جاقسىنىڭ اتاعى كەتىپ، ازابى قالار،
اۋليەنىڭ ارۋاعى كەتىپ، مازارى قالار.
ءسوزدىڭ ماڭىزى كەتىپ، سامالى قالار،
ءسويتىپ، اقىلى جوق، ساناسىزدىڭ زامانى بولار.
(تومەندە موڭكە بي كورىپكەلدىڭ بولجامىن جيناستىرا جاريالاپ وتىرمىز. - www.abai.kz)
ازارسىڭ، جۇرتىم، ازارسىڭ،
ازارىڭنىڭ بەلگىسى:
قۇرامالى، قورعاندى ءۇيىڭ بولادى،
اينىمالى، توكپەلى ءبيىڭ بولادى.
حالىققا ءبىر تيىن پايداسى جوق
اي سايىن باس قوسقان جيىن بولادى.
ىشىنە شىنتاق اينالمايتىن
ەجىرەي دەگەن ۇلىڭ بولادى.
اقىل ايتساڭ اۋىرىپ قالاتىن
بەدىرەي دەگەن قىزىڭ بولادى.
الدىڭنان كەس-كەستەپ وتەتىن
كەكىرەي دەگەن كەلىنىڭ بولادى.
ىشكەنىڭ سارى سۋ بولادى،
بەرسەڭ ءيتىڭ ىشپەيدى،
بىراق ادام وعان قۇمار بولادى.
قينالعاندا شاپاعاتى جوق جاقىنىڭ بولادى.
يت پەن مىسىقتاي ىرىلداسقان،
ەركەك پەن قاتىنىڭ بولادى...
ازارسىڭ، جۇرتىم، ازارسىڭ،
ازارىڭنىڭ بەلگىسى:
جاس بالادان ءبيىڭ بولار،
جاس بالشىقتان ءۇيىڭ بولار،
ات جاقسىسى اربادا بولار،
جىگىت جاقسىسى ساۋدادا بولار.
كولدىڭ سۋى ءبىتىپ، تابانى قالار،
اتتىڭ جۇيرىگى كەتىپ، شابانى قالار.
جاقسىنىڭ اتاعى كەتىپ، ازابى قالار،
اۋليەنىڭ ارۋاعى كەتىپ، مازارى قالار.
ءسوزدىڭ ماڭىزى كەتىپ، سامالى قالار،
ءسويتىپ، اقىلى جوق، ساناسىزدىڭ زامانى بولار.
ەرتەڭىنە سەنبەيتىن كۇنىڭ بولادى.
بەتىڭنەن الىپ تۇسەر ءىنىڭ بولادى.
الاشۇبار ءتىلىڭ بولادى،
ءدۇدامالداۋ ءدىنىڭ بولادى.
ايەلىڭ بازارشى بولادى،
ەركەگىڭ قازانشى بولادى،
جىلقى جۇلدىز بولادى،
قوي قۇندىز بولادى.
كەبىر - جەرگە تەڭەلەدى،
ايەل - ەرگە تەڭەلەدى،
كول - تەڭىزگە تەڭەلەدى.
سيىر - وگىزگە تەڭەلەدى.
اقىرزامان ادامى -
ساعىنىپ تاماق جەمەيدى،
اششىنى - اششى دەمەيدى،
تاپقانىن ولجا دەيدى،
"الھام" بىلگەنىن مولدا دەيدى.
ءبىر-بىرىنە قارىز بەرمەيدى،
شاقىرماسا، كورشى كورشىگە كىرمەيدى.
سارىلىپ كەلىپ توسادى،
قۇنى جوق قاعازدى سۋداي شاشادى...
ازارسىڭ، جۇرتىم، ازارسىڭ،
ازارىڭنىڭ بەلگىسى:
اقىر زامان حالقىنىڭ
شايدان باسقا اسى جوق،
جاقىننان باسقا قاسى جوق.
لاعىنەت قامىتى موينىندا،
جۇمىستان قولىنىڭ بوسى جوق.
ارقاشان دا ولاردىڭ
كوڭىلىنىڭ حوشى جوق.
بار شارۋاسى ءتۇپ-تۇگەل
ەندى مۇنىڭ نەسى جوق...
زامان اقىر بولاردا -
جەر تاقىر بولار،
حالقى پاقىر بولار.
بالالار جەتىم بولار،
ايەلدەر جەسىر بولار،
«ءا» دەسە، «ءما» دەيتىن كەسىر بولار.
باس قوسىلعان جەرلەردە
ايەل جاعى دەن بولار،
جامان-جاقسى ايتسا دا،
وزىنىكى ءجون بولار.
وراي سالىپ باستارىن،
جالپىلداتىپ شاشتارىن،
تاقىمدارى جالتىلداپ،
ەمشەكتەرى سالپىلداپ،
ۇيات جاعى كەم بولار
سويتكەن زامان كەز بولسا،
تۇزەلۋى قيىن بولار.
ازارسىڭ، جۇرتىم، ازارسىڭ،
ازارىڭنىڭ بەلگىسى:
قۇبىلادان شىققان كۇن
جانىپ شىعار دەپ ەدى.
جالعانى جوق بۇل ءسوزىم
انىق شىعار دەپ ەدى.
بالعىن-بالعىن كولدەردەن،
بالىق شىعار دەپ ەدى.
ەكى باسى قايقايىپ،
قايىق شىعار دەپ ەدى.
قازاق، سەنىڭ سورىڭا
قىردا - قوقان، ويدا - ورىس،
جارىپ شىعار دەپ ەدى...
قىلمىسى جاققان قىلىقتى،
الىپ شىعار دەپ ەدى.
قىلمىسى جاقپاس قىرسىقتى
ەكى ەتىگى سۋ بولىپ،
ءبىر جاراتقان تاڭىرگە
نالىپ شىعار دەپ ەدى.
اۋىلدارىن شۋ قىلعان،
جاۋلىقتارىن تۋ قىلعان،
زايىپ شىعار دەپ ەدى.
كەلىنى - ايعىر، كەمپىرى
ساياق شىعار دەپ ەدى.
ءبىر ۋىسقا تولمايتىن
اياق شىعار دەپ ەدى.
ازارسىڭ، جۇرتىم، ازارسىڭ،
ازعانىڭنىڭ بەلگىسى:
تايپاق-تايپاق كولدەردەن
بالىق شىعار دەپ ەدى.
ول بالىقتى اۋلايتىن
ءۇش اشالى شانىشقى
قايىق شىعار دەپ ەدى.
قامىس جاققان پەندەلەر
الىپ شىعار دەپ ەدى.
قامىس جاقپاس قىرسىقتى
ەكى ەتەگى سۋ بولىپ،
ءبىر جاراتكان تاڭىرگە
نالىپ شىعار دەپ ەدى.
جاۋلىقتارىن تۋ قىلعان،
اۋىلدارىن شۋ قىلعان،
زايىپ شىعار دەپ ەدى.
وقشانتاي جوق، كىسە جوق،
بەلبەۋ شىعار دەپ ەدى.
جۇگىنىس جوق، مالداس جوق،
كولبەۋ شىعار دەپ ەدى.
ازارسىڭ، جۇرتىم، ازارسىڭ،
ازارىڭنىڭ بەلگىسى:
زامان اقىر ادامى
مەنمەن شىعار دەپ ەدى.
ءۇي باسىنا تاق ەتكەن
كەلىن شىعار دەپ ەدى.
كەلىسىمەن كىرجيىپ،
ساياق شىعار دەپ ەدى.
ءبىر ۋىسقا تولمايتىن
اياق شىعار دەپ ەدى.
قاي جاق بولسا - قونىسىڭ،
سول جاق شىعار دەپ ەدى.
بۇزاۋ، تايىنشا، تاناعا
جۇك ارتىلار دەپ ەدى.
اعىپ جاتقان داريا
سۋى تارتىلار دەپ ەدى.
ءوزى بولعان جىگىتكە
قىز ارتىلار دەپ ەدى.
كوكەك ايى بولعاندا،
كەمپىر كۇيلەر دەپ ەدى.
ەندىگىنىڭ قاتىنى
بايىن بيلەر دەپ ەدى.
«تۋعان بايىم بولار!»-دەپ،
ارۋاق شىعار دەپ ەدى.
سول ارۋاقتىڭ ىشىنەن
ىڭعايى جوق جاماننىڭ
پىشاعى مەن شاقپاعى،
قالىپ شىعار دەپ ەدى.
بەس قويعا العان وگىزىڭ
تەگىن دەرسىڭ دەپ ەدى.
ەگىن ەگىپ، تارىنىڭ
سوگىن جەرسىڭ دەپ ەدى.
جالاڭ اياقشار يتتەرىن
بەگىم دەرسىڭ دەپ ەدى.
الىسقا دەگەن قامىستان
ءۇي شىعادى دەپ ەدى.
سول ءۇيىڭنىڭ ىشىنەن
قۇنىس جاۋىرىن، قوي بۇتتى،
بي شىعادى دەپ ەدى.
«اباي-اقپارات»
"تۇران" ءانسامبلى - تولعاۋ
