بۇگىن ەلورداسى نۇر-سۇلتان قالاسىنداعى ۇلتتىق اكادەميالىق كىتاپحانادا باس ءمۇفتي ناۋرىزباي قاجى تاعانۇلىنىڭ جەتەكشىلىگىمەن قازاق جانە ورىس تىلدەرىندە شىققان «تاپسىرلەر تاڭداۋلىسى» ءتورت تومدىق كىتابىنىڭ تانىتىمى ءوتتى.

ءىس-شاراعا اقپارات جانە قوعامدىق دامۋ ۆيتسە-ءمينيسترى مارات ءازىلحانوۆ، قمدب توراعاسى، باس ءمۇفتي ناۋرىزباي قاجى تاعانۇلى، مەملەكەت جانە قوعام قايراتكەرلەرى – مىرزاتاي جولداسبەكوۆ، عاريفوللا ەسىم، ورالباي ابدىكارىموۆ، حالىق قاھارمانى باقىتجان ەرتاەۆ، نۇر-مۇباراك يسلام مادەنيەتى ۋنيۆەرسيتەتىنىڭ رەكتورى مۇحامماد اش-شاححات ءال-جيندي، سونداي-اق سەنات دەپۋتاتتارى نۇرتورە ءجۇسىپ پەن دانا نۇرجىگىت، ءدىني باسقارمانىڭ ءبولىم باسشىلارى مەن وبلىس يمامدارى قاتىستى.

يگى ءىس-شارا قاسيەتتى قۇران وقۋمەن باستالسا، باس ءمۇفتي ناۋرىزباي قاجى تاعانۇلى جيىنعا قاتىسۋشىلاردى ەل تاۋەلسىزدىگىنىڭ 30 جىلدىعىمەن قۇتتىقتاپ، ىزگى تىلەگىن، العىسىن ءبىلدىردى

- «تاۋبەنىڭ زورى – تاۋەلسىزدىك» دەگەن ءسوز بار. ۇلان-عايىر دالامىزدا اسىل ءدىنىمىزدىڭ قانات جايىپ، عۇلامالاردىڭ، ءبىلىمدى ازاماتتاردىڭ شىعۋى، وسىنداي ەڭبەكتەردىڭ جارىق كورۋى – تاۋەلسىزدىكتىڭ ارقاسى. سيريانىڭ الەپپو قالاسىنان شىققان مۇحاممەد ءالي ءاس-ءسابۋنيدىڭ ايگىلى «ءسافۋاتات-ءتافاسير» ءتاپسىر كىتابى قازاق جانە ورىس تىلىندە جارىق كورىپ وتىر. ءتورت تومنان تۇراتىن بۇل ەڭبەكتى شىعارۋداعى ماقساتىمىز – قاسيەتتى قۇران اياتتارىن حالىققا دۇرىس تاپسىرلەۋ، حالىققا ءابۋ حانيفا ءمازھابىن ۇستانۋدىڭ ماڭىزدىلىعىن دارىپتەۋ، جاستارعا دۇرىس ءدىني مالىمەت بەرۋ، ەلىمىزدە ءدىن تۇتاستىعىن قالىپتاستىرۋ، دەسترۋكتيۆتى ءدىني اعىمداردىڭ يدەولوگياسىنا تويتارىس بەرۋ. قازاق جانە ورىس تىلىندە جازىلعان ءتاپسىر كىتابى وقىرمانعا جەڭىل، ىقشامدى بەرىلۋىمەن ەرەكشەلەنەدى» ،- دەدى باس ءمۇفتي.

جيىننىڭ قۇرمەتتى قوناقتارى، ەل اعالارى ءدىني باسقارمانىڭ يگى باستامالارىنا ساتتىلىك تىلەپ، جىلى لەبىزدەرىن ءبىلدىردى جانە قۇندى ەڭبەكتىڭ جارىق كورۋىمەن قۇتتىقتادى.

Abai.kz