ماسكەۋگە باتىس ەلدەرى تاراپىنان سانكتسيالار سالىنىپ جاتقان تۇستا، ورىس ۆاليۋتاسى كۇرت قۇنسىزدانىپ جاتىر.

رەسەي ورتالىق بانكى اقشا-نەسيە ساياساتىن قاتايتۋ جونىندە مالىمدەمە جاساعانىنا قاراماستان، 7 ساۋىردە رۋبل اقش ۆاليۋتاسىنا قاراعاندا بەس ايدان بەرگى ەڭ تومەنگى مينيمۋمعا جەتتى.

رەسەيمەن قاتار قازاقستان مەن بەلارۋس ۆاليۋتالارى دا السىرەپ جاتىر.

8 جەلتوقساندا قازاقستان بيرجا قورىندا دوللاردىڭ ورتاشا باعامى 433 تەڭگەنى قۇرادى. اي باسىندا دوللار 426,94 تەڭگەگە ساتىلعان.

قازاقستان ۇلتتىق بانكى تەڭگە باعامىنىڭ تومەندەۋىنە ءرۋبلدىڭ السىرەۋى جانە مۇنايعا قاتىستى باعانىڭ تۇراقسىزدىعى اسەر ەتىپ جاتقانىن ءتۇسىندىردى.

بانكتىڭ مونەتارلىق وپەراتسيالار دەپارتامەنتىنىڭ ديرەكتورى نۇرجان تۇرسىنحانوۆ ورىس ۆاليۋتاسىنىڭ السىرەۋىنە سانكتسيالار ارتىپ، رۋبل وبليگاتسياسىنداعى شەتەلدىك ينۆەستورلاردىڭ قاشىپ جاتقانى سەبەپ بولۋدا دەيدى.

بۇل ارادا بەلارۋس ءرۋبلى دە رەكوردتىق دەڭگەيگە ءتۇسىپ، 2,66 دوللارعا باعالاندى.

Credit Suisse قارجى توبىنىڭ ساراپشىلارى ءرۋبلدىڭ السىرەۋىنە شىعىس ۋكرايناداعى اسكەري ەسكالاتسيا قاۋىپى دە سەبەپ بولىپ جاتقانىن ايتتى.

Abai.kz