قازاق قوعامى، قازاقستان قوعامى اتىلعالى تۇرعان جانارتاۋ ىسپەتتى. ەلارالىق ءھام ەلىشىلىك، ۇلتتىق ماسەلەلەردەن باستاپ تۇرمىستىق دەڭگەيگە دەيىنگىنىڭ بارلىعى قوعامنىڭ، وندا دا قازاق قوعامىنىڭ قاتاڭ باقىلاۋىندا. اسىرەسە، ەل-جۇرت اقوردا ءھام اقوردا اينالاسىنا شوعىرلانعان اق جەيدەلى از قاۋىمنىڭ (بيلىكتەگىلەر) ءار ايتقان ءسوزى، ءار باسقان ءىزىن اڭدىپ قاراپ وتىر. سەبەبى دە تۇسىنىكتى. ساياسات ساباقتاستىعىن دارىپتەيتىن قازاق بيلىگى مەن قالت-قۇلت ەتىپ كۇن كورىپ جۇرگەن قازاق قوعامىنىڭ اراسى كۇن ساناپ الشاقتاپ جاتقانىن بيلىكتەگىلەر دە ءبىلىپ وتىرسا كەرەك. ەندەشە بيلىك قوعام تالابىمەن ساناسۋى كەرەك-ءتى. ال، «ەستيتىن ۇكىمەت» كونتسەپتسياسىن ۇستاناتىن اقوردا بيلىگى ەل پىكىرىن ەستىپ ءجۇر مە؟

قازىرگى قازاق قوعامىنىڭ كۇن تارتىبىندەگى ەكى ماسەلەنىڭ ءبىرى – پايداسى – جەكە، پالەسى – ورتاق ەاەو بولسا، ەكىنشىسى – جەر تاعدىرى. وسى ەكى ماسەلەگە قاتىستى دا ەل الاڭداۋلى. ءوز تالاپ-تىلەكتەرىن ءتۇرلى مىنبەرلەردەن ەل بيلىگىنە جەتكىزگەن. ەندى سوعان ساي شەشىم كۇتۋدە.

اۋەلى، اقش-تىڭ دۇركىن-دۇركىن سانتسياسىنىڭ توپەسىنە ءتۇسىپ، تىرشىلىگى تالتىرەكتەپ تۇرعان رەسەيدىڭ مونوپولياسىنا اينالعان (تاۋار اينالىمىنىڭ 92 پايىزى رەسەيگە تيەسىلى) ەاەو-دان شىعۋ كەرەكتىگىن قوعام وكىلدەرى، ساياساتكەرلەرى مەن ەكونوميست، ساراپشىلارى تالاي جەردە جەتەلەرىنە جەتكىزىپ تۇرىپ ايتتى. ال ءبىزدىڭ بيلىكتەگى شەن ۇستاعاندار بۇل وداقتان شىعۋعا ارەكەت ەتپەك تۇگىلى، سەرىكتەس ىزدەپ الدىنا كەلگەن مينيسترگە ەل تەرريتورياسىنا كوز الارتقان ورىس دەپۋتاتتارى ءۇشىن سۇراۋ سالۋعا دا (ديپلوماتيا تىلىمەن) جارامادى. ءجا، بۇل تۋرالى جازدىق. قايتالامايىق...

بۇگىنگى ءسوز – جەر تاعدىرىنا، قازاقستان پارلامەنتى قابىلداپ جاتقان جەر كودەكسىنە قاتىستى بولماق.

14 ءساۋىر كۇنى ءماجىلىس «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» قر زاڭىنىڭ جوباسىن ەكىنشى وقىلىمدا ماقۇلدادى.

اتالعان زاڭ جوباسى پرەزيدەنت قاسىم-جومارت توقاەۆتىڭ زاڭ شىعارۋ باستاماسى تارتىبىمەن دايىندالعان. ماقساتى – شەتەلدىكتەرگە، شەتەلدىك قاتىسى بار زاڭدى تۇلعالارعا، قر ازاماتتىعى جوق جەكە تۇلعالارعا، ازاماتتىق الماعان قانداستارعا اۋىل شارۋاشىلىعى ماقساتىنداعى جەر ۋچاسكەلەرىن جەكە مەنشىك جانە جال قۇقىعىمەن پايدالانۋعا تىيىم سالۋ بولعان.

ال 7 ءساۋىر كۇنى ءماجىلىس پالاتاسى اتالعان زاڭ جوباسىنا ازدى-كەم تۇزەتۋلەر ەنگىزىپ، ءبىرىنشى وقىلىمدا ماقۇلداعان.

ءماجىلىستىڭ بارلىق كوميتەتتەرى اتالعان زاڭ جوباسىنا وڭ قورىتىندىلارىن بەرگەن. جۇمىس توبىنىڭ 3 وتىرىسى وتكەن. وعان  مۇددەلى ۋاكىلەتتى ورگاندار، ساياسي پارتيالار، قوعامدىق ۇيىمدار، اۋىل شارۋاشىلىعى تاۋار وندىرۋشىلەرى وكىلدەرىنىڭ قاتىسقان. كەيىن ءماجىلىستىڭ اگرارلىق ماسەلەلەر كوميتەتى اتالعان زاڭ جوباسىن ەكىنشى وقىلىمدا ماقۇلداۋدى جانە ونى سەناتىنىڭ قاراۋىنا جىبەرۋدى ۇسىنعان. ال 14 ءساۋىر كۇنى ءماجىلىس زاڭ جوباسىن ماقۇلداپ، سەناتتىڭ قاراۋىنا جىبەرگەن.

ەندى مىنا قىزىقتى قاراڭىز. قازتاگ اگەنتتىگى «شەتەلدىكتەرگە جەر قۇقىن بەرۋدى ماجىلىستەگى «Nur Otan» دەپۋتاتتارى تالاپ ەتتى», - دەگەن تاقىرىپپەن ماتەريال جاريالاپتى.

وندا «Nur Otan» پارتياسىنان سايلانعان ءتورت دەپۋتاتتىڭ اتتارى اتالادى. ولار: سامات مۋساباەۆ، عاني تاشقاراەۆ، مەيرامبەك تولەپبەرگەن جانە اسقاربەك ۇيسىمباەۆ.

جەر كودەكسىنىڭ 48 بابى، 2 بولىمىندەگى: «ساۋدا-ساتتىقتىڭ (كونكۋرستاردىڭ، اۋكتسيونداردىڭ) جەڭىمپازدارىنا – شەتەلدىكتەر مەن ازاماتتىعى جوق ادامدارعا اۋىل شارۋاشىلىعى ءوندىرىسىن، ورمان ءوسىرۋدى، قوسالقى اۋىل شارۋاشىلىعىن جۇرگىزۋ ءۇشىن جەر ۋچاسكەلەرى جيىرما بەس جىلعا دەيiنگى مەرزىممەن جالداۋ شارتتارىمەن ۋاقىتشا جەر پايدالانۋعا بەرىلەدى»، - دەگەن سويلەمدەگى «اۋىل شارۋاشىلىعى ءوندىرىسىن، ورمان ءوسىرۋدى، قوسالقى اۋىل شارۋاشىلىعىن جۇرگىزۋ ءۇشىن» دەگەن ءسوزدى – «ورمان ءوسىرۋ ءۇشىن» دەپ وزگەرتۋدى ۇسىنىپتى. قازتاگ اگەنتتىگى سولاي دەپ جازادى: «ۆ پۋنكتە 2 ستاتي 48 زەمەلنوگو كودەكسا، كوتورايا سەيچاس گلاسيت «ينوسترانتسام ي ليتسام بەز گراجدانستۆا – پوبەديتەليام تورگوۆ (كونكۋرسوۆ، اۋكتسيونوۆ) زەمەلنىە ۋچاستكي دليا ۆەدەنيا سەلسكوحوزيايستۆەننوگو پرويزۆودستۆا، لەسورازۆەدەنيا، پودسوبنوگو سەلسكوگو حوزيايستۆا پرەدوستاۆليايۋتسيا ۆو ۆرەمەننوە زەملەپولزوۆانيە نا ۋسلوۆياح ارەندى سروكوم دو 25 لەت»، سلوۆا «دليا ۆەدەنيا سەلسكوحوزيايستۆەننوگو پرويزۆودستۆا، لەسورازۆەدەنيا، پودسوبنوگو سەلسكوگو حوزيايستۆا» نۋر-وتانوۆتسى پرەدلوجيلي زامەنيت سلوۆامي «دليا ۆەدەنيا لەسورازۆەدەنيا».

ء(بىز جوعارىداعى سويلەمدى زاڭدا قالاي جازىلعان، سول كۇيى قالدىردىق. ەسكەرتۋ: وسى 2-تارماقتىڭ قولدانىسى قر 30.06.2016 № 5-VI زاڭىمەن، 2021 جىلدىڭ 31 جەلتوقسانىنا دەيىن توقتاتىلعان. موراتوري ەنگىزىلگەن).

ماجىلىسمەندەر ءوز سوزدەرىندە اتالعان زاڭ جوباسى («قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى») ورمان ءوسىرۋ ماقساتىندا جەر بەرۋگە شەكتەۋ قويمايتىنىن ايتقان ەكەن.

قازتاگ اقپاراتىندا: «جەر كودەكسىنىڭ 138 بابىنا سايكەس، «ورمان ءوسىرۋ ماقساتىنداعى قوسالقى جەرلەر (زەملي زاپاسا) وسى كودەكستە كورسەتىلگەن تالاپ ەرەجەلەرىنە سايكەس، جەكەگە نەمەسە جەر پايدالانۋ قۇقىعىمەن بەرىلەدى. ونىڭ ۇستىنە، زاڭ جوباسىنىڭ كونتسەپتسياسى تەك اۋىل شارۋاشىلىق ماقساتىنداعى جەرلەردى فەرمەرلىك (شارۋا قوجالىقتارىنا) جانە ا/ش ءوندىرىسى ماقساتتارىنا جەكەگە نەمەسە جالعا بەرۋگە تىيىم سالۋدى كوزدەيدى»، دەيدى دەپۋتاتتار»، - دەپ جازىلعان.

مىنە، وسى تالقىلانعان زاڭ جوباسى قازىر ءماجىلىستىڭ ماقۇلداۋىن الىپ، سەناتتىڭ قاراۋىنا جىبەرىلگەن. ال بۇل تۋرالى الەۋمەتتىك جەلىنىڭ قازاقتىلدى سەگمەنتى نە دەيدى؟ دەپۋتاتتاردىڭ وزدەرى نە دەيدى؟

دەمپارتيا جەتەكشىسى جانبولات ماماي: «دەمەك، بيلىك قازىر تىپ-تىنىش وسى زاڭدى قابىلداتىپ، جەردى وڭدى-سولدى قىتاي̆ كومپانيالارى مەن ازاماتتارىنا ۇلەستىرۋگە جول اشىپ الماق. قارا ورمان جەرىمىزدى بەرسە، قازاقتىڭ ەلدىگىنەن نە قالماق؟ تاۋەلسىزدىك دەگەن جاي̆ اتى بار دا، زاتى جوق نارسە بولىپ قالماي̆ ما؟! باستىسى، قازىر ميتينگ بولماي̆، حالىق الاڭعا شىقپاسا بولدى بيلىككە. كوميسسيا قۇرىپ، ەلدى الداۋسىراتىپ وتىرعانى دا سول.

مىنە، وسى سەبەپتى ءبىز اشىق تالاپ قويامىز بيلىككە: اۋىل شارۋاشىلىعى عانا ەمەس، جالپى قازاقتىڭ جەرى شەتەلدىكتەرگە جالعا بەرىلمەسىن ءارى ساتىلماسىن! اۋىل شارۋاشىلىعى جەرلەرى قازاقستان ازاماتتارىنا دا ساتىلماسىن!

اعاي̆ىن، وسى تالاپتى ورىنداتپاساق، وتانىمىزدان، جەرىمىزدەن اي̆رىلامىز! اتا-بابامىز جەر ءۇشىن جانىن بەرىپ، قۇربان بولۋعا دايار بولدى. ال ءبىز قالاي̆شا ۇندەمەي̆ وتىرامىز؟ جەر استى باي̆لىقتارىن ساتىپ، ءبارىن مەنشىكتەپ العان بيلىككە سوڭعى قالعان دۇنيەمىز — جەرىمىز بەن وتانىمىزدى ساۋداعا سالدىرامىز با؟ نامىسى بار قازاق مۇنداي̆دا تىنىش وتىرا الماس!»، - دەپ جازادى.

جەر كوميسسياسىنىڭ مۇشەسى مۇحتار تايجان: «مەن ماجىلىستەگى جۇمىس توبىنىڭ جەتەكشىسى بەرىك وسپانوۆتىڭ رەسمي جاۋابىمەن تانىسىپ شىقتىم. باسقا دە دەرەككوزدەردى قارادىم.

قىسقا-نۇسقا:

ورماندى پايدالانۋ – بۇل دايىن ورمانداردى پايدالانۋ دەگەن ءسوز. وعان شەتەلدىكتەرگە تىيىم سالىنعان. بۇل دۇرىس. 

ال ورمان ءوسىرۋ – بۇل اعاش وتىرعىزۋ، ورمان ءوسىرۋ دەگەن ءسوز. بۇعان شەتەلدىكتەرگە رۇقسات بەرىلگەن. كەيبىر مۇناي كومپانيالارى مەن جەر قويناۋىن ءتيىمسىز پايدالانۋشىلارعا بۇل زاڭمەن مىندەتتەلگەن. بۇل دا دۇرىس.

مەن بۇل تەرميندەردىڭ ايىرماشىلىعىنا ءمان بەرمەپپىن. تىيىم سالىنعانىنا قاراماستان، ورماندى شەتەلدىكتەرگە جالعا بەرمەك دەپ ويلادىم. دابىل قاعۋدىڭ قاجەتى جوق. ورماندى شەتەلدىكتەرگە جالعا دا، ساتۋعا دا بەرمەيمىز. ورمان وسىرۋگە، اعاش وتىرعىزۋعا عانا رۇقسات بەرىلەدى»، - دەپ جازىپتى.

ال دەپۋتات بەىرك وسپانوۆ: «مەملەكەت باسشىسى باستاماشىلىق ەتكەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى پارلامەنت ماجىلىسىمەن ماقۇلدانىپ، پارلامەنت سەناتىنىڭ قاراۋىنا جىبەرىلگەنى بەلگىلى، ول شەتەلدىك جەر پايدالانۋشىلاردىڭ، شەتەلدىك قاتىسۋمەن بىرلەسكەن كاسىپورىنداردىڭ، سونداي-اق قانداستاردىڭ اۋىلشارۋاشىلىعى ماقساتىنداعى جەر ۋچاسكەلەرىن يەلەنۋىنە تولىق تىيىم سالۋدى ەنگىزەدى.

وسىعان بايلانىستى، جەر كودەكسىنەن بارلىق ءتيىستى زاڭنامالىق نورمالار الىنىپ تاستالدى.

سونىمەن قاتار، جەر كودەكسىندە شەتەلدىكتەرگە ورمان ءوسىرۋ ءۇشىن اۋىل شارۋاشىلىعى جەرلەرىن جالعا بەرۋ نورمالارى ساقتالعانىنا قاتىستى باق-تا پايدا بولعان اقپاراتقا بايلانىستى كەلەسىنى تۇسىندىرگىم كەلەدى.

جەر كودەكسىنە سايكەس ورمان ءوسىرۋ ءۇشىن بوسالقى، ونەركاسىپتىك (سانيتارلىق ايماقتار), سونداي-اق كولىك (ورماندى قورعاۋ جولاقتارى) جەرلەرىنەن جەر بەرىلەدى.

بۇل رەتتە ورمان كودەكسىنە سايكەس ورمان ءوسىرۋ - بۇل بۇرىن ورمان استىندا بولماعان اۋماقتاردا جاساندى ورمان ەكپەلەرىن قۇرۋ جانە ءوسىرۋ.

اتاپ ايتقاندا، ارال تەڭىزىنىڭ ءتۇبى جاتاتىن بوسالقى جەرلەردە تەرىس پروتسەستەردىڭ الدىن الۋ ماقساتىندا ورمان مەليوراتسيالىق جۇمىستار جۇزەگە اسىرىلادى. بۇدان باسقا، ەلدىڭ جەكەلەگەن وڭىرلەرىندە (قىزىلوردا، ماڭعىستاۋ جانە ت.ب.). سونداي-اق شولەيتتەنۋدى جانە قۇمنىڭ جىلجۋىن بولدىرماۋ ءۇشىن اۋىلدىق ەلدى مەكەندەردىڭ جەرلەرىندە ورمان ەكپەلەرىن (يزەن جانە ت.ب.) وتىرعىزۋ بويىنشا جۇمىستار جۇزەگە اسىرىلادى.

وسىلايشا، مۇنداي ماقساتتار ءۇشىن نەگىزىنەن بوس جەرلەر، ياعني قانداي دا ءبىر شارۋاشىلىق قىزمەتتى جۇرگىزۋگە جارامسىز جەرلەر، مىسالى، توزعان، بۇلىنگەن، ءشولدى جەرلەر، وندا توپىراقتىڭ پايدالى قاسيەتتەرى تومەن دەڭگەيدە جانە قولدانىستاعى ورماندى پايدالانباۋ (ورماندى پايدالانۋ) ەمەس، ورمان ءوسىرۋ شارالارى جۇرگىزىلەتىن بولادى.

سونداي-اق، ازاماتتار كوبىنەسە «ورمان ءوسىرۋ» جانە «ورمان پايدالانۋ» ۇعىمدارىن شاتاستىراتىندىعىن اتاپ وتكەن ءجون. ورمان كودەكسىندە شەتەلدىك ازاماتتار مەن شەتەلدىك زاڭدى تۇلعالارعا ۇزاق مەرزىمدى ورمان پايدالانۋ ءۇشىن جەربەرۋگە تىيىم سالىنادى. ياعني، دايىن ورمان رەسۋرستارىن پايدالانۋعا تىيىم سالىنادى، ال ولاردى وسىرۋگە تىيىم سالىنبايدى.

وسىعان بايلانىستى، زاڭ جوباسىنىڭ ورمان وسىرۋگە قاتىستى ەرەجەلەرى مەملەكەت باسشىسىنىڭ تاپسىرماسىنا تولىق سايكەس كەلەدى، ويتكەنى ولار اۋىل شارۋاشىلىعى ماقساتىنداعى جەرلەرگە اسەر ەتپەيدى»، - دەيدى.

دەپۋتات سامات مۋساباەۆ: «48-باپتىڭ 2-تارماعىنداعى «اۋىل شارۋاشىلىعى ءوندىرىسىن، ورمان ءوسىرۋدى، قوسالقى اۋىل شارۋاشىلىعىن جۇرگىزۋ ءۇشىن» دەگەن سوزدەر «ورمان ءوcipy ءۇشىن» دەگەن سوزدەرمەن اۋىستىرىلسىن;» دەگەن سوزدەردى بىرقاتار ازاماتتار تۇسىنبەي نەمەسە تۇسىنسە دە ادەيى داۋ تاقىرىبىنا اينالدىرىپ جاتىر ەكەن.

باسقالاردا شارۋام جوق، مەن ءتاۋىر كورەتىن ءىنىمىز مۇحتار تايجانعا عانا ءبىر اۋىز لەبىز ارناعىم كەلەدى.

مەن مۇحتاردىڭ ەل مەن جەرگە جانى اشيتىن ازاماتتىعىن مويىندايمىن، قۇرمەتتەيمىن. جەر كوميسسياسىنا كىرىپ قازاق جەرىنىڭ تاعدىرى ءۇشىن باسىن بايگەگە تىگىپ جۇرگەن ازاماتتىعىن ۇناتامىن جانە ونىڭ جەر تۋرالى ايتىپ جۇرگەن ۇسىنىستارىنىڭ (اۋىل شارۋاشىلىعى جەرلەرى ەشكىمگە: شەت ەلدىكتەرگە دە، قازاقتارعا دا ساتىلماۋى كەرەك دەگەن) بارلىعىن قولدايمىن!

ال، زاڭعا ەنگىزىلگەن ۇسىنىسقا كەلسەم، بۇنىڭ ءمانىسى مىناداي:

ءبىرىنشى، «ورمان ءوسىرۋ ءۇشىن» دەگەن سوزدەردى مەن نەگە قولدايمىن؟

زاڭنان ءۇزىندى كەلتىرەر بولسام «لەسورازۆەدەنيە، ياعني، ورمان ءوسىرۋ – بۇرىن ورمان نەمەسە وسىمدىك (اعاش) جابىندىسى بولماعان اۋماقتارعا قولدان اعاش ەگىپ، كوگالداندىرۋ;

لەسوپولزوۆانيە، بۇل زاڭدى جانە ەكونوميكالىق رەگلامەتتەرگە ساي ورمان رەسۋرستارىن پايدالانۋ» دەگەن سوزدەردى كورەمىز.

ءبىز ارىپتەستەرىمىزبەن بىرگە وزگەرىس ۇسىنعان تارماقتاعى «ورمان ءوسىرۋ ءۇشىن» دەگەن سوزدەردى «ورمان پايدالانۋ ءۇشىن» دەگەن سوزدەرمەن شاتاستىرماۋلارىڭىزدى سۇرايمىن.

بۇل سوزدەردىڭ ماعىناسىن ءارى قاراي اشار بولساق، كەز-كەلگەن جەردى پايدالانۋشى، ول مۇناي سالاسىنا كەلگەن ينۆەستور ما، جول سالۋعا كەلگەن ينۆەستور ما، زاۋىت پەن فابريكا سالۋشى ازاماتتار ما، ءبارىبىر قازاق جەرىنە ورمان ءوسىرۋى ءتيىس!

جەرىمىزگە، ەلىمىزگە كەلگەن كەز-كەلگەن كومپانيا نەمەسە جەكە تۇلعاعا ءوزى پايدالاناتىن اۋماقتا، بولماسا سول وبلىس پەن قالا اۋماعىنداعى كوگالداندىرۋ جۇمىسىنا ارالاسسىن.

ارالدىڭ قۇرعاپ كەتكەن تابانى جاتىر ەرنى كەزەرىپ. ماڭعىستاۋدىڭ ۇلانعايىر اۋماعى جاتىر قىلتاناق وسپەيتىن. جەر استى سۋلارى ازايعان سوڭ كوشپەلى قۇمدار تۇتاس اۋىلداردى باسىپ تاستاپ جاتقانىن دا كوزىمىز كورىپ وتىر. قۇمدى توقتاتۋعا مەملەكەتتىك بيۋدجەتتەن دە قىرۋار قاراجات ءبولىنىپ جاتىر. سەكسەۋىل مەن جىڭعىل، توراڭعى مەن توبىلعى ەگىلسە، جەردىڭ كوركى دە كىرەدى، جەرگىلىكتى جۇرتقا پايداسى دا تيەدى!

ەندەشە، ءبىزدىڭ ەلگە كەلىپ پايداعا كەنەلۋگە نيەتتى ينۆەستور نەگە ورمان ءوسىرىپ، جەرگە پايداسىن تيگىزبەۋى كەرەك؟ قازاقستاندا جۇزدەگەن شەتەلدىك مۇناي كومپانيالارى بار. پايدالى قازبانى سورىپ الىپ جاتىر، ال، سول الىنعان مۇنايدان قورشاعان ورتاعا، جەرگە كەلگەن زياندى ەسەپتەپ جاتقان ەشكىم جوق. شاڭى شىعىپ، سورى تۇز بولعان جەر جاتىر. كەنىن پايدالانىپ وتىرعان اۋماعىنا اعاش وتىرعىزسىن، كوگالداندىرسىن نەمەسە باسقا دا قاجەت اۋماقتارعا تال-تەرەك ەگىلىپ جەرگە جاعداي جاسالسىن.

ەكسىن، ءوسىرسىن ورماندى. ەلباسىنىڭ تىكەلەي تاپسىرماسىمەن نۇر-سۇلتاندى اينالا ەگىلگەن ورمان بەلدەۋىنىڭ ارقاسىندا استانامىزداعى جەل مەن بوراننىڭ ازايعانىن كورىپ وتىرمىز عوي. جەلدىڭ وتىندە تۇرعان اۋىلدار مەن قالالاردى اينالدىرا ورمان ەگىلسە نەسى جامان، نەگە قورقامىز؟

ەڭ باستىسى، ەل پرەزيدەنتى قاسىم-جومارت توقاەۆ تاپسىرعان «جەر شەتەلدىكتەرگە ساتىلماۋى ءتيىس» دەگەن ۇستانىمنان اينىمايمىز!

شەتەلدىك ينۆەستورلار ورمان ەگۋگە، كوگالداندىرۋعا العان جەردى باسقا ماقساتتا پايدالانا المايدى. سەبەبى، بۇل زاڭمەن بەكىتىلگەن!»، - دەپ جازادى.

ءتۇيىن. 2020 جىلدىڭ 1 قىركۇيەگى كۇنى پرەزيدەنت قاسىم-جومارت توقاەۆ قازاقستان حالقىنا جولداۋىندا 2021 جىلدىڭ 31 جەلتوقسانىندا جەر ءموراتوريىنىڭ مەرزىمى اياقتالاتىنىن ەسكە سالدى. جانە «شەتەلدىكتەرگە جەر ساتىلمايتىنىن» ايتتى.

ال 12 ناۋرىزدا پرەزيدەنت توقاەۆ  ا/ش جەرلەرىن شەتەلدىكتەرگە ساتۋ جانە جالعا بەرۋگە تىيىم سالاتىن زاڭ جوباسىن ءماجىلىس قاراۋىنا تاپسىردى. ءماجىلىس 7 جانە 14 ءساۋىر كۇندەرى اتالعان زاڭ جوباسىن تالقىلاپ، ءبىراۋىزدان ماۇقلدادى.

Abai.kz