«سق-فارماتسيا» كومپانياسىنىڭ بۇرىنعى باسشىسى بەرىك ءشارىپتىڭ ىسىنە قاتىستى سوت وتىرىسىنا دەنساۋلىق ساقتاۋ ءمينيسترى الەكسەي تسوي كۋاگەر رەتىندە شاقىرتىلۋى مۇمكىن. بۇل تۋرالى nege.kz-كە سىلتەمە جاساپ Abai.kz حابارلايدى.

تسويدى كۋاگەر رەتىندە شاقىرتۋ جونىندە ءوتىنىمدى سوتقا ادۆوكات ەرلان ماكەن ايتقان. «باستى سوت تالقىلاۋىنا دەنساۋلىق ساقتاۋ ءمينيسترى الەكسەي تسويدى شاقىرتۋدى سۇرايمىن. ويتكەنى جابىرلەنۋشى تاراپتىڭ (جابىرلەنۋشى – دسم) وكىلى قويىلعان سۇراقتاردىڭ جارتىسىنا دا جاۋاپ بەرە الماي وتىر»، – دەدى ادۆوكات.

مينيسترلىك وكىلىنىڭ ويىنشا، ءمينيستردى سوتقا شاقىرتۋ – باسى ارتىق شارۋا.

«ءوتىنىمدى قاناعاتتاندىرماۋدى سۇرايمىن. قورعانۋشى تاراپ «سۇراقتارىما جاۋاپ بەرە المادى» دەيدى. مەن جاۋاپ بەرۋگە ءتيىستى سۇراقتاردى جازىپ الىپ وتىرمىن. ءمينيستردى سوتقا شاقىرتۋ – باسى ارتىق شارۋا. مينيسترلىك ماعان سەنىمحات بەرگەن»، – دەدى مينيسترلىكتىڭ وكىلى ورالوۆ.

ەستەرىڭىزدە بولسا «سق-فارماتسيانىڭ» بۇرىنعى باسشىسى ب.ءشارىپتىڭ ءۇيىن ءتىنتۋ بارىسىندا زاڭسىز ساقتالعان تراۆماتيكالىق قارۋ تابىلعان. ودان بولەك، ب.ءشارىپ «2000 دارىگەردىڭ ۆيرۋس جۇقتىرۋىنا سەبەپكەر بولدى»، «قىتايدان ەكى رەت قۇرقول قايتتى»، «مەملەكەتتىڭ اقشاسىن-تالان-تاراجعا سالدى» دەپ ايىپتالعان.

Abai.kz