الماتىدا ەل اراسىندا "باراحولكا" اتانىپ كەتكەن نارىق تاعى دا وتقا وراندى.  ءورتتىڭ ۆيدەوسى الەۋمەتتىك جەلىلەردە تاراپ كەتتى. كۋاگەرلەر "كەنجەحان" بازارى ورتەنگەنىن ايتۋدا. 

"29 ءساۋىر كۇنى ساعات 09:25-تە الماتى قالاسىنىڭ تجد-عا سولتۇستىك اينالىم، 116, "كەنجەحان-1" نارىعىندا كونتەينەرلەر ورتەنىپ جاتقانى تۋرالى حابارلاما كەلىپ ءتۇىستى. ءورت ورنىنا 6 مينۋتتا جەتكەن ءورت سوندىرۋشىلەر ءۇش اۆتوبولشەكتەر ورنالاسقان كونتەينەرلەردىڭ وتقا ورانعانىن كورگەن. باسقا كونتەينەرلەرگە ءورتتىڭ تاراپ كەتۋ قاۋپى تۋىندادى. دەرەۋ ارادا شارا قابىلدانىپ، ءورت 9 مينۋتتىڭ ىشىندە اۋىزدىقتالدى. 09:49-دا اۋماعى 40 شارشى مەتر بولاتىن ءورت ءسوندىرىلدى. باسقا كونتەينەرلەرگە ءورتتىڭ ءوتىپ كەتۋىنىڭ الدىن الدىق", - دەدى تجد وكىلى.

ەستەرىڭىزدە بولسا الماتى قالاسىنداعى نارىقتاردا بۇعان دەيىن بىرنەشە ءىرى ءورت بولعان ەدى.

Abai.kz