پالاتا سپيكەرى نۇرلان نىعماتۋليننىڭ توراعالىعىمەن وتكەن قازاقستان رەسپۋبليكاسى پارلامەنتى ءماجىلىسىنىڭ جالپى وتىرىسىندا دەپۋتاتتار «بايقوڭىر كەشەنىن جالداۋ كەلىسىمىنە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن قابىلدادى. كەلىسىم قازاقستان رەسپۋبليكاسى مەن رەسەي فەدەراتسياسىنىڭ ۇكىمەتى، 1994 جىلعى 10 جەلتوقساندا قابىلدانعان ەدى. 

تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين قۇجاتتى تانىستىرا وتىرىپ، رەسەي فەدەراتسياسى «بايقوڭىر» كەشەنىن 20 جىلدان استام ۋاقىت جالعا الىپ كەلە جاتقانىن ايتتى. جالعا الۋ تۋرالى شەشىم 1994 جىلى، ەكونوميكالىق قيىن جاعدايعا بايلانىستى قازاقستان عارىش ايلاعىن ۇستاپ تۇرا المايتىن كەزدە قابىلدانعان بولاتىن.

مۋسين رەسپۋبليكالىق بيۋدجەتكە جىل سايىن كەشەندى پايدالانۋ ءۇشىن رەسەي 115 ميلليون دوللار كولەمىندە قارجى تولەپ وتىرعانىن ايتتى. كەشەندى جالعا العان 27 جىل ىشىندە رەسپۋبليكالىق بيۋدجەتكە 3 ميلليارد اقش دوللارىنان استام قاراجات تۇسكەن.

حاتتامادا رەسەي فەدەراتسياسىنىڭ «بايقوڭىر» كەشەنىن جالداۋ مەرزىمىن 2050 جىلعا دەيىن ۇزارتۋعا قاتىستى كەلىسىمنىڭ 4-بابىنا وزگەرىستەر ەنگىزۋ كوزدەلگەنى دە جازىلعان.

Abai.kz