2021 جىلدىڭ سوڭىنا دەيىن رەسەي قورعانىس مينيسترلىگى باتىس اسكەري وكرۋگىندە 20-عا جۋىق جاڭا قۇراما مەن اسكەري بولىمدەر قۇرادى. بۇل تۋرالى قورعانىس ءمينيسترى سەرگەي شويگۋ مالىمدەدى.

شويگۋدىڭ ايتۋىنشا، بۇل ستراتەگيالىق اۆياتسيالىق رەيستەردىڭ قارقىندىلىعىن جانە رەسەي شەكارالارىندا اسكەري كەمەلەردىڭ سانىن ارتتىرعان ناتو ەلدەرىنە جاۋاپ بولادى.

سونداي-اق، ول سوڭعى جەتى جىلدا اقش اسكەري-اۋە كۇشتەرىنىڭ ەۋروپاداعى ستراتەگيالىق بومبالاۋشى ۇشاقتارىنىڭ ۇشۋ جيىلىگى 14 ەسەگە ارتقان. سوڭعى جىلدارداعى اسكەري جاتتىعۋلار سانى ءبىر جارىم ەسەگە وسكەن.

- باتىستىق ارىپتەستەرىمىزدىڭ ارەكەتتەرى الەمدەگى قاۋىپسىزدىك جۇيەسىن بۇزادى جانە ءبىزدى قارسى شارالار قابىلداۋعا ءماجبۇر ەتەدى. ءبىز ءوز اسكەرلەرىمىزدىڭ جاۋىنگەرلىك قۇرامىن ۇنەمى جەتىلدىرىپ وتىرامىز. جىل سوڭىنا دەيىن باتىس اسكەري وكرۋگىندە 20-عا جۋىق قۇرامالار مەن اسكەري بولىمدەر قۇرىلادى,- دەدى رف قورعانىس مينيسترلىگى.

ايتا كەتەيىك، ناۋرىزدىڭ اياعىندا دونباسستا قاقتىعىستىڭ شيەلەنىسۋى كەزىندە رەسەي ۋكراينا شەكاراسىنا جاقىن جەردە اسكەرلەرىن جىبەردى. بۇعان كيەۆ پەن باتىس ەلدەرى الاڭداۋشىلىق بىلدىرگەن. الايدا، رەسەي مۇنى اسكەري جاتتىعۋ دەپ ءتۇسىندىردى.

Abai.kz