پرەزيدەنت توقاەۆتىڭ قىزمەتكە كىرىسكەنىنىڭ 2 جىلدىعىنا ارنالعان ماتەريالداردىڭ بىرازىمەن تانىستىم.

سودان ءبىر تۇيگەنىم: بىزدە جەكە باسقا تابىنۋدىڭ ەكىنشى كەزەڭى باستالعان سىڭايلى. ويتكەنى، ول ماتەريالداردىڭ دەنى - اسپانعا بورىك لاقتىرىپ، تەك قانا جەتىستىكتەرگە توقتالۋ. جاعىمپازدانۋ ەلەمەنتتەرى دە بوي كورسەتە باستاعان سياقتى.

مەنىڭشە، قوعام دا، بيلىك تە نۇرسۇلتان نازارباەۆتىڭ تۇسىندا ورىن العان كۋلتتى ەش قايتالاماۋىمىز كەرەك! سول دا جەتەدى. ءبىر ادامنىڭ ايتقانىنان شىقپايتىن اۆتوريتارلى، ۆوليۋنتاريستىك جۇيەگە قايتا ورالۋ - قاتە!

مەنىڭشە، توقاەۆقا دەگەن كوزقاراس مەيلىنشە وبەكتيۆتى بولۋى شارت.

جاقسى باستاماسى بوپ جاتسا، قولدايىق.

حالىققا كەسىرى تيەتىن شەشىم قابىلداپ جاتسا، اشىق تا وركەنيەتتى تۇردە سىنايىق، بالاما ۇسىنىس ايتايىق.

جانە دە پرەزيدەنتكە ورىندى سىن ايتقان ادام مىندەتتى تۇردە قۋدالانۋى شارت ەمەس. ونى دا باستان وتكەردىك. جەتەدى!

جاڭا قازاقستاندا وسىنداي وزىق ءارى ازات ويلى ۇلتتىڭ مەنتاليتەتىنە ساي كەلەتىن ساياسي ءداستۇر ورناتا السا، توقاەۆتىڭ جاراعانى!

وسى كۇندەرى جاريالانعان ءبىر جاقتى ماقتاۋ ماتەريالدارىنداعى ءبىر قىزىق تەندەنتسيانى بايقادىڭىزدار ما؟ "ەكى جىلدىڭ ىشىندەگى ولقىلىقتار مەن كەمشىلىكتەرگە پرەزيدەنت ەمەس، الەمدىك داعدارىس، كوۆيد، ۇكىمەت پەن اكىمدەر كىنالى" دەگەن وي قوعام ساناسىنا مىقتاپ ەنگىزىلىپ جاتقانداي.

جانر زاڭدىلىعى بويىنشا، بۇدان كەيىن "ول كەمشىلىكتەرگە بۇرىنعى پرەزيدەنت كىنالى" دەگەن اقتالۋدى دا ەستيتىن شىعارمىز...

پرەزيدەنتتىڭ ءبىر دە ءبىر كەمشىلىگى نە قاتەلىگى ايتىلمايدى.

ءبىر كەمشىلىگىن مەن ايتايىن: پارلامەنتكە، ءوزى قۇرعان نسود-قا بيلىككە اشىقتان-اشىق، ءپرينتسيپتى ءارى تاباندى سىن ايتىپ، سونىمەن بىرگە، ۇلتتىق، مەملەكەتتىك تۇرعىدا بيلىكپەن ديالوگقا بارۋعا دايىن دەموكراتيالىق كۇشتەردىڭ ەنگىزىلمەۋى!

ءامىرجان قوساننىڭ جازباسى

Abai.kz