بۇگىن جالپى وتىرىستا ءماجىلىس توراعاسى نۇرلان نىعماتۋلين  «قازاقستان رەسپۋبليكاسى پارلامەنتىنىڭ كوميتەتتەرى مەن كوميسسيالارى تۋرالى» زاڭعا سايكەس ءماجىلىستىڭ زاڭناما جانە سوت - قۇقىقتىق رەفورما كوميتەتىنىڭ توراعاسىنا دەپۋتات ارمان قوجاحمەتوۆتىڭ كانديداتۋراسىن ۇسىندى.

نۇرلان نىعماتۋلين ۇسىنىپ وتىرعان كانديداتتىڭ بىلىكتى زاڭگەر وسى سالادا كوپتەگەن قىزمەتتەردى ابىرويمەن اتقارىپ كەلە جاتقانىن العا تارتا كەلىپ:

- ارمان تولەشۇلى ءۇش شاقىرىلىمدا ءماجىلىس دەپۋتاتى، سونىڭ ىشىندە، وسى  زاڭناما جانە سوت – قۇقىقتىق رەفورما كوميتەتىنىڭ مۇشەسى بولىپ جۇمىس ىستەدى. وسى كوميتەتتىڭ جۇمىسىن جاقسى بىلەدى، تاجىريبەسى دە، ءبىلىمى دە  جەتكىلىكتى، - دەدى.

ايتا كەتۋ كەرەك، جالپى وتىرىس بارىسىندا وسى ۋاقىتقا دەيىن ءماجىلىستىڭ كوميتەتىن باسقارىپ كەلگەن ءماجىلىس دەپۋتاتى قانات ءمۋسيننىڭ وكىلەتتىگىن  مەرزىمىنەن بۇرىن توقتاتۋ تۋرالى قاۋلى قابىلداندى.

Abai.kz