الماتى وبلىسى بويىنشا سىبايلاس جەمقورلىققا قارسى قىزمەت الماتى وبلىسىنىڭ كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ باسشىسىنا جانە مەردىگەرلىك ۇيىمنىڭ باسشىلىعىنا قاتىستى اسا اۋىر سىبايلاس جەمقورلىق قىلمىس جاسادى دەگەن كۇدىكپەن سوتقا دەيىنگى تەرگەۋدى باستادى. بۇل تۋرالى  ۆەدومستۆونىڭ ءباسپاسوز قىزمەتى ءوزىنىڭ  Telegram پاراقشاسىندا حابارلادى.

- باسقارما باسشىسى جشس باسشىلىعىنان "بيزنەستىڭ جول كارتاسى-2025" بيزنەستى قولداۋ مەن دامىتۋدىڭ مەملەكەتتىك باعدارلاماسى شەڭبەرىندە وبلىس اۋماعىندا وبەكت سالۋ ءۇشىن بولىنگەن 666 ملن.تەڭگەنى قۇرايتىن شارت سوماسىنىڭ 15% ەسەبىنەن  «كەرى قايتارۋ» رەتىندە بۇرىن كەلىسىلگەن 90 ملن. تەڭگەدەن 33 500 اقش دوللارى سوماسىندا پارا الدى دەپ كۇدىكتەلۋدە.

باسشى سونىمەن قاتار بولىنگەن قاراجات ەسەبىنەن سالىنعان جۇمىستاردى مەملەكەتتىك ساتىپ الۋ بويىنشا كونكۋرس جەڭىمپازى دەپ تانىعان جانە وبەكتىدە ورىندالعان جۇمىستاردىڭ كولەمىن ودان ءارى كەدەرگىسىز قابىلداعان.

وسى قىلمىستى ىسكە قاتىستى لاۋازىمدى تۇلعا، مەردىگەر ۇيىمنىڭ قۇرىلتايشىسى مەن ديرەكتورى اسا ءىرى كولەمدە پارا الدى دەگەن كۇدىكپەن ۇستالىپ، الماتى وبلىسىنىڭ ۋاقىتشا ۇستاۋ يزولياتورىنا قامالدى.  قازىر ولاردى قاماۋدا ۇستاۋ شارتىن تاڭداۋ تۋرالى ماسەلە شەشىلۋدە. تەرگەۋ جالعاسۋدا، - دەلىنگەن حابارلامادا.

ۆەدومستۆودا  قىلمىستىق ءىس جۇرگىزۋ كودەكسىنىڭ 201-بابىنا سايكەس تەرگەۋ مۇددەسىندەگى باسقا دا مالىمەتتەر جاريالانۋعا جاتپايتىنىن ايتتى.

Abai.kz