سىرىم دات. ارقانكەرگەن: وركەننىڭ تۇسپالىن تەرەڭدەتسەك
وركەن كەنجەبەك بولعان وقيعاعا قاتىستى دەگەن بارلىق نۇسقالاردى قاراستىرىپتى. الايدا، بەتىن سىيپاپ وتكەنى كورىنىپ تۇر.تەرەڭىرەك دەندەۋگە شاماسى جەتسە دە، جۇرەگى داۋالامادى ما ەكەن؟...
وركەن كەنجەبەك. تىلسىم تەراكتىنىڭ 10 تۇسپالى
«ازا بويىم قازا بولدى...» دەيدى قازاق. قىتاي-قازاق شەكاراسىنداعى قاسىرەتكە شابالانىپ، شامىرقانىپ جاتپاي، كۇشتىك قۇرىلىمدار «بۇل - توتەنشە جاعداي» دەپ باعاسىن بەرىپ تاستادى. بىراق، توتەنشەلىكتىڭ اۋقىمى تەرەڭ بولعاندىقتان دا، ەلباسى بۇل تەراكتى دەپ تولعانىپ، بۇگىن سونى ازا تۇتۋ كۇنى ەتىپ بەكىتتى.
باستىعى بىزدەن بولماعان راديولاردان باسقا مەدياسى ويىن-ساۋىقتان ءبىر ءسات باس تارتتى. مەملەكەتتىك تۋلار ءتۇسىرىلدى. ءبىزدىڭ ساقشىلاردىڭ ءبىر وتريادىن ءولتىرىپ، ارتىنان ورتەپ، اتىن ايداپ، اۆتوماتىن تىعىپ كەتكەن جايعا جاي قاراۋ مۇمكىن ەمەس. قابىرعامىز قايىسا وتىرىپ، «ارقانكەرگەن» زاستاۆاسىنداعى تىلسىم جاعدايدىڭ ون تۇيتكىلىن تاراتۋعا تىرىستىق.
وركەن كەنجەبەك بولعان وقيعاعا قاتىستى دەگەن بارلىق نۇسقالاردى قاراستىرىپتى. الايدا، بەتىن سىيپاپ وتكەنى كورىنىپ تۇر.تەرەڭىرەك دەندەۋگە شاماسى جەتسە دە، جۇرەگى داۋالامادى ما ەكەن؟...
وركەن كەنجەبەك. تىلسىم تەراكتىنىڭ 10 تۇسپالى
«ازا بويىم قازا بولدى...» دەيدى قازاق. قىتاي-قازاق شەكاراسىنداعى قاسىرەتكە شابالانىپ، شامىرقانىپ جاتپاي، كۇشتىك قۇرىلىمدار «بۇل - توتەنشە جاعداي» دەپ باعاسىن بەرىپ تاستادى. بىراق، توتەنشەلىكتىڭ اۋقىمى تەرەڭ بولعاندىقتان دا، ەلباسى بۇل تەراكتى دەپ تولعانىپ، بۇگىن سونى ازا تۇتۋ كۇنى ەتىپ بەكىتتى.
باستىعى بىزدەن بولماعان راديولاردان باسقا مەدياسى ويىن-ساۋىقتان ءبىر ءسات باس تارتتى. مەملەكەتتىك تۋلار ءتۇسىرىلدى. ءبىزدىڭ ساقشىلاردىڭ ءبىر وتريادىن ءولتىرىپ، ارتىنان ورتەپ، اتىن ايداپ، اۆتوماتىن تىعىپ كەتكەن جايعا جاي قاراۋ مۇمكىن ەمەس. قابىرعامىز قايىسا وتىرىپ، «ارقانكەرگەن» زاستاۆاسىنداعى تىلسىم جاعدايدىڭ ون تۇيتكىلىن تاراتۋعا تىرىستىق.
1) «دەدوۆششينا». ەستەرىڭىزدە بولسا، وسى جاعدايعا بايلانىستى العاش ءباسپاسوز ءماسليحاتىن شاقىرعاندا، الىمجەتتىكتى دە ءبىر بولجام ەتىپ قاراستىرعان ەدى. 12 شەكاراشى مەن قورىقشىنىڭ ولىگى تابىلعاندا، بۇل نۇسقا وزەكتى بولىپ قالار بەرەر مە ەدى... ءسال كەيىنىرەك ورتەنگەن ءۇيدىڭ استىنان تاعى 2 جىگىتتىڭ ءمايىتى، ودان سوڭ 15 اك-74 اۆتوماتى تابىلعاندا، بۇنىڭ الىمجەتتىك ەمەس ەكەنىنە رەسمي وكىلدەردىڭ وزدەرى سەنبەي قالدى. «اشىنعان ارىستان ايعا شابادى» دەگەنمەن، يت تەپكى كورگەن جالعىز ادامنىڭ ءبىر زاستاۆانى جايراتىپ تاستاۋى اقىلعا سىيمايدى.
2) اراق. الدىن-الا ناقتىلانعان تەرگەۋ ناتيجەلەرىنە سۇيەنسەك، وقىس وقيعا مامىردىڭ 27-سىنەن 28-ىنە قاراعان ءتۇنى بولعان. بۇل كۇن - كەڭەستىك كۇنتىزبەدە شەكاراشىلار مەرەكەسى. اسكەريلەردىڭ 23 اقپاندى تويلاعانى سياقتى، بۇل مەرەكەنى دە اتاۋسىز قالدىرماي، مۇمكىن ءسال «اششى سۋدان» سىلتەپ كەپ جىبەرىپ، جاپپاي توبەلەس - ۆاكحاناليا بولدى ما ەكەن دەگەن ەكىنشى نۇسقا بولعان. الايدا، 14 ءمايىتتىڭ دەنەسىنەن الكوگولدىڭ ءبىر پروميللە دە مولشەرى تابىلمادى.
3) وت. بۇل نۇسقا تۋماي جاتىپ، ءبىراز ادامنىڭ باسىندا ءولىپ قالدى. سەبەبى، ساربازدار قازارماسى ءتۇپ-تۇقيانى قالماي ورتەنىپ كەتتى دەگەننىڭ وزىندە، ودان 200 مەتر قاشىقتىقتا ورنالاسقان ۇيشىكتەگى قورىقشىنى كىم ءولتىردى؟ 15-ءشى شەكاراشى نەگە قاشىپ كەتتى؟ 14 ادامنىڭ بىرەۋى دە لاپىلداپ جانعان ءورتتى سەزبەگەن بە؟ دەمەك، بۇل نۇسقا اجەتكە جارامايدى.
4) قىتاي. زاستاۆاعا اسكەري توپتىڭ، دۇرىسى ديۆەرسانتتاردىڭ شابۋىل جاساۋ مۇمكىندىگىن ەشكىم جوققا شىعارمايدى. بىراق، بۇل قىتايلىق ءدارى ءشوپ تەرۋشىلەر ەمەس-اۋ. سەبەبى، ولار ابدەن ىزاعا بۋلىققان كۇننىڭ وزىندە، ءبىر زاستاۆانى كارتادان جوق قىلۋ ءۇشىن كاسىبي قانىشەرلەرگە جۇگىنۋ كەرەك ەكەنىن بىلەدى. ونى ىسكە اسىرعان كۇننىڭ وزىندە، ەرتەڭىنە شەكارا كۇشەيىپ، «ارقانكەرگەننىڭ» ورنىنا ءبىر ەمەس، ءۇش زاستاۆا ورنايتىنىن، بۇلاي بولسا كۇندەرى قاراڭ، بيزنەستەرى «كاپۋت» بولاتىنىن ولار سەزەدى، بىلەدى. سوندىقتان، بۇل قاراپايىم ءشوپ تەرۋشىلەردىڭ قولى ەمەس، جو-جوق ولاي ەمەس...
وقيعا قازاق-قىتاي شەكاراسىنا وتە جاقىن ماڭدا وتكەندىكتەن دە، ارينە بۇل قىتايدىڭ اگرەسسياسى دەپ قابىلداۋعا بولار ەدى. بىراق، بەيجىڭنىڭ ءدال قازىر بىزگە قىرىن قارايتىنداي ساياسي دا، ەكونوميكالىق تا، باسقالاي سەبەبى، باستىسى انىق تاعار ايىبى جوق. شەكارامىز تولىق دەليميتاتسيالانعان، داۋلى تۇستارى جوق. قىتاي كومپانيالارىنىڭ ەلىمىزدەگى مۇناي-گاز سالاسىنداعى ۇلەسى 24 پايىزدان اسىپ كەتتى. قازاقستان مەن قىتاي اراسىنداعى ساۋدا اينالىمى ادام تاڭقالارلىقتاي دەڭگەيدە - بىلتىر 21,3 ملرد دوللارعا جەتتى. ءارى بۇل بەيجىڭدە وتكەلى وتىرعان شانحاي ىنتىماقتاستىعى ۇيىمىنىڭ كەزەكتى باسقوسۋى قارساڭىندا تىپتەن قاجەت ەمەس. ال ەگەر بۇل قىتاي مەن قازاقستاننىڭ اراسىنا وت سالۋ ءۇشىن ۇيىمداستىرىلعان ارانداتۋ دەسەڭىز...و-و، وندا نۇسقالارىڭىز كوكتەي قاۋلايدى.
الدىمەن ەسكە تۇسەتىنى - شۇار سەپاراتيستەرى. بىراق ءبىز وسى نۇسقانى وسى جەردە تۇنشىقتىرا سالايىق. ءتىپتى، قىتاي وكىمەتى وسى قىرعىندى قالادى دەگەننىڭ وزىندە، ارى قاراي شابۋىلىن جالعاستىرا بەرۋى كەرەك ەمەس پە؟ نەگە قازاق شەكاراسىن تاس-ءتۇيىن ەتىپ بەكىتكەنشە، اي كاراپ وتىردى؟ تاك-تاك. ءتىپتى اۋقىمدى گەوساياسات تۇرعىسىنان الىپ قاراساڭىز دا، بەيجىڭگە ماسكەۋدىڭ كوڭىلى كەرەك. باسقاسىن بىلاي قويعاندا، يران جانجالىنا قاتىستى بالانستىڭ باسىن رەسەي مەن قىتاي بىرلەسىپ باسىپ تۇر. جاڭا عانا قازاق پەن قىتاي شەكىسسە، قىتايدىڭ بىزدە جوعالتار مول دۇنيەسى بار ەكەنىن دە ايتتىق. دەمەك، قىتاي ەمەس-اۋ، ءاي قىتاي ەمەس.
5) رەسەي. قازاق ەلى ونسىز دا باسىن ءيىپ، كەدەن وداعىنا كىرىپ، كورشىنىڭ ونى-مۇنى تالاپتارىن تاقىل-تۇقىل ىستەپ جاتقانىن بىلەسىزدەر. ءبىرازىمىز وسىعان شامدانىپ تا ءجۇر. «قارا قىتاي قاپتاسا، سارى ورىس اكەڭدەي بولادى» دەگەن ماتەلدى تەرىمىزبەن سەزىنىپ كورگەن ەشبىرىمىز جوق. وسىندايدا «قىتايدان قورقا ءتۇسسىن، ورىستىڭ قولتىعىنا تىعىلا ءتۇسسىن» دەگەن ويمەن ورىس تىڭشىلارى جاسادى-اۋ دەپ جورتا سالعىڭ كەلەدى. ءالى دە ورىسشا سويلەپ، سولاي ويلاپ، ۇلتتىق جاڭعىرۋىمىزدىڭ وتتىعىن تۇتاتا الماي جۇرگەندە رەسەي ءبىزدىڭ امبيتسيامىزدى باسۋ ءۇشىن قىر كورسەتتى دەگىڭ كەلمەيدى ەكەن... ونىڭ ۇستىنە «ارقانكەرگەندە» قايعىلى وقيعا بولعان كەزدەرى استانانىڭ تورىندە رەسەي پرەمەر-ءمينيسترى ديما مەدۆەدوۆتىڭ الدىنا قازى تارتىپ، قىمىز قۇيىپ جاتتىق. جاقىندا جاڭا دا ەسكى پرەزيدەنتى ۆ.پۋتين كەلەدى دەسەك، انىق رەسەي اگرەسسياسى دەگەن بولجام بىلجىراپ قالادى.
6) اقش. مۇحيتتىڭ ارعى بەتىندەگى ماستودونتتى نەگە بولسىن، نە ءۇشىن بولسىن كىنالاۋعا ىڭعايلى-اق. قالاي دەسە، ءداستۇرلى «زۇلىمدىق ورداسى» دەپ قۇتىلامىز ءا... بىراق، ايىپتاۋ ءۇشىن الدىمەن الىپ فاكتى كەرەك، فاكتى بولسا دا ونى جاھانعا جار سالىپ ايتۋ ءۇشىن زور ك...ەن كەرەك! بۇل، بىلاي ايتساڭ، وزىنە ءولىم تىلەۋ عانا. بىراق، مىنا سايكەستىككە نازار اۋدارماي كەتپەسە تاعى بولمايدى. كۇل-تالقانى شىققان زاستاۆانى تەك 2 تاۋلىكتەن سوڭ، ياعني 30 مامىردا تاۋىپ الدى. زاستاۆالار اراسىنداعى كەزەكتى حال ءبىلىسۋ وسىنشالىقتى كەش جۇرە مە؟ نەگە زاستاۆانى ەرتەرەك ىزدەمەدى؟ ال 30 مامىردا نە بولعانىن بىلەسىزدەر... استانادا الەمدىك جانە ءداستۇرلى دىندەر كوشباسشىلارىنىڭ IV Cەزدى ءوتتى. سەزدتە نۇرسۇلتان نازارباەۆ تاعى دا الەمدىك باستامالارىن قايتالاپ ايتتى، يسلامدى قورعاشتادى، جاھاندىق جۇيەنىڭ قازىرگى قالپىن سىنعا الدى. بۇل دا سوندا جاي سايكەستىك پە؟ ايتىپ وتىرعانىمىزدىڭ اقش-قا دىم قاتىسى جوق. كوپ سايكەستىكتىڭ ءبىرى عانا.
7) كونتراباندا. «ارقانكەرگەندەگى» احۋالدى رەسەي عىلىم اكادەمياسى شىعىستانۋ ينستيتۋتىنىڭ عالىمى، ساياساتتانۋشى، جۋرناليست الەكساندر كنيازەۆ بۇل وقيعا كەدەن رەجيمىن كۇشەيتۋگە قارسى كونتراباندالىق قىلمىستىق توپتاردىڭ ءىسى دەپ باعالايدى. كەيىنگى 2 جىلدىڭ كولەمىندە قىتايمەن شەكارادا دا، قىرعىز شەكاراسىندا دا قازاقستاننىڭ كەدەن وداعىنا كىرۋىنە بايلانىستى باقىلاۋ كۇشەيىپ كەتتى دەگەنگە كەلەدى ءسوز رايى. كنيازەۆ 2010 جىلى قىرعىز بارىمتاشىلارىنىڭ قازاقستان شەكاراسىنان ىعىپ بارا جاتىپ، قارۋلى قاقتىعىس ۇيىمداستىرا جازعانىن ەسكە سالادى. الەكساندر اعا بىرنارسەنى ءبىلىپ ايتاتىن ساراپشى بولعاندىقتان، سوزىنە سەنگىڭ-اق كەلەدى. سوندىقتان، بۇل نۇسقانى سەنىمدى جورامالدار قاتارىنا جاتقىزا قويايىق.
8) «رەمبو». «بوەۆوە براتستۆو» وداعىنىڭ جەتەكشىسى، اۋعان سوعىسىنىڭ ارداگەرى سەرگەي پاشەۆيچ «ارقانكەرگەن» زاستاۆاسىنا شابۋىل جاساعان ءدىني راديكالدار دەگەندى ايتتى. ءتىپتى، ولاردى پاكىستان لاگەرلەرىندە دايىنداعانى دا بولۋى مۇمكىن دەپ سوقتى. بۇل دا اقىلعا سىيمايتىن جورامال. پاشەۆيچ الدىمەن پاكىستاندا دايىندالىپ، ىسىلعان «ا-ليا» «رەمبولاردىڭ» تاڭداۋى نەگە ادام اياعى باسپايتىن، كولىك بارمايتىن، قياڭ-قۇزداعى جازعى زاستاۆاعا تۇسكەنىن ايتىپ بەرە مە ەكەن؟ شىن لاڭكەس بولسا، قۇداي ساقتاسىن، بۇدان دا زورىنا بارار ەدى عوي...
9) ارانداتۋ. ايتەۋىر، سىرتتان كەلگەن ءبىر جاۋ وبرازىن الايىق. مىسالى، قانداي دا ءبىر ەلدىڭ تاۋەلسىزدىگىن شايقاۋ ءۇشىن «100 ارەكەت» ستسەناريى جۇزەگە اسىرىلادى دەگەن جورامال بار. ءارين، سىرتقى كۇشتەر تاراپىنان. ايتالىق، بىلتىر تارازداعى، اقتوبەدەگى تەراكتىلەر ارقىلى ەلىمىزدىڭ ىشكى اسكەرىنىڭ بەرىكتىگىن تەكسەرىپ كورسە، ەندى سىرتقى اسكەرىمىز - شەكاراشىلاردى ىڭعايسىز جەردەن سوعىپ كوردى. مۇمكىن، بۇل كونسپيرولوگيا دا شىعار، بىراق بۇل فاكتى ساياسات دەگەن سۇرقيا دۇنيەدە اراڭداتۋ دەگەن ارامدىق بارىن جوققا شىعارا المايدى.
10) «حالك». جارايدى، وسى جەردە ءتىرى قالعان سوڭعى شەكاراشىنىڭ جورامالىنا كەلەيىك. ول كەشە تابىلدى... ەندى مىنا قىزىققا قاراڭىز، بۇگىن «ينتەرفاكس» اگەنتتىگى تاراتقان حاباردا «ونىڭ بەكەتكە ءوز اياعىمەن كەلگەنى، قولىندا تاپانشاسى بولعانى جانە اقىل-ەستەن ايرىلىپ، تىلدەن قالعانى» حاقىندا ايتىلدى. بۇعان دەيىن بىرنەشە كۇن ماڭايداعى تاۋدىڭ ۇڭگىرىندە تۇنەلتكەنى دە باياندالدى. ەگەر ءتىل-اۋىزدان قالسا، ول ۇڭگىردە بولعانىن قالاي جەتكىزگەن؟ ارتىنشا ءىىم ءمينيسترى قالمۇحانبەت قاسىموۆتىڭ ايتۋىنشا، ونى كەشە كەشكىسىن ءبىر يەسىز قىستاقتان ىزدەۋشى جاساق قولعا تۇسىرگەن («ناشلي» دەمەيدى، «زادەرجان» دەيدى). «ون بىل ۆ گراجدانسكوي ودەجدە. ون دوپراشيۆالسيا، دال پوكازانيا»، - دەگەنىنە قاراعاندا، ونىڭ اقىل-ەسى اۋىسپاعان، ءتىل-اۋىزى امان بوپ تۇرعانى ەمەس پە؟ تاعى ءبىر قازىرگە انىق فاكتى - سوڭعى شەكاراشى سول كۇنى زاستاۆادا كەزەكشى بولعان.
دەمەك، جاۋ سىرتتان بولسا دا، ىشتەن بولسا دا، بار قۇپيانى ول وزىنە بۇگىپ وتىر دەگەن ءسوز. بىراق، ونى ىزدەۋشى جاساق ۇستاعاندا، قولىندا زاستاۆا كومانديرىنىڭ تاپانشاسى تابىلعان. ال زاستاۆا كومانديرى كىم ەدى؟ ارينە، التىنبەك كەرەەۆ. باتىس قازاقستان وبلىسى، تاسقالا اۋدانى، مەرەي اۋىلىنىڭ تۋماسى. 28 جاستا بولعان جىگىت الماتى قالاسىنداعى ۇلتتىق قاۋىپسىزدىك كوميتەتىنىڭ اسكەري ينستيتۋتىن 2006 جىلى ءبىتىرىپ شىققان. 20-21 جاستاعى سارىاۋىز شەكاراشىلاردىڭ اراسىنداعى ەڭ سىرالعىسى وسى بولىپ تۇرعاندا، ونىڭ تاپانشاسى نەگە سوڭعى ساربازدىڭ قولىندا جۇرەدى؟ كەزەكشى شەكاراشىنىڭ قولىندا تابەل بويىنشا تاپانشا ەمەس، اۆتومات بولاتىنىن ەسكەرسەك، نەگە اك-74-ءىن ۇستاپ شىقپاعان؟ ەگەر قارۋ-جاراقتىڭ ءبارى، ونىڭ ىشىندە كەزەكشى ساربازدىڭ اۆتوماتى دا ورتەنگەن ۇيدەن تابىلسا، وندا بۇل تارتىپكە باعىنباۋ، جارعىنى ورىنداماۋ بولىپ تۇر عوي...
ايتپاقشى، قاشقىن ساربازدىڭ پاۆلودار وبلىسىنىڭ تۋماسى بولۋى مۇمكىن دەگەن دە نۇسقالار ايتىلىپ جاتىر. كىم ءبىلسىن، بىراق ەگەر بۇل شىنىمەن جالعىز ادامنىڭ كوپكە قارسى شاپقانى بولسا، وندا ول «حالك» شىعار (اقىلعا سىيماعاندىعى ءۇشىن كوميكس كەيىپكەرىمەن سالىستىرىپ تۇرمىز). جاقسى، الدىمەن كومانديردى جايراتىپ، تاپانشاسىن تارتىپ الدى دەيىك. سوسىن جالعىز پيستولەتپەن 13 ادامدى قۋالاپ ءجۇرىپ ءولتىرىپ، ولاردى ءبىر جەرگە جيناپ، ورتەپ بارىپ، جاساعان ىسىنە وكىنىپ، جىندانىپ كەتتى دەۋ ستيۆەن كينگتىڭ قيالىنداعى ستسەناري ەمەس پە؟
ءتۇيىن
بۇدان وزگە دە تەحنيكالىق ءھام يدەولوگيالىق جۇمباقتار كوپ-اق. نەگە شەكاراشىلار باسقالارعا، مىسالى كورشى «سارىبوكتەر» زاستاۆاسىنا دابىل بەرە الماعان؟ زاستاۆادا بولعان 6 جىلقى قايدا قاشىپ كەتتى؟ ازىرگە رەسمي تەرگەۋ ناتيجەسى شىققانشا وسىلاي «شالا-ساراپشى» بولۋ دا جاقسى شىعار. الايدا، ءبىز ايدىڭ-كۇننىڭ امانىندا، تىلسىم، تۇسىنىكسىز جاعدايدا 15 ادامىمىزدان ايرىلىپ قالدىق. السىزدىك پە؟ السىزدىك! قايبىر كۇشتىنىڭ نىساناسىنا ىلىنگەن بايقۇس كۇشىكتىڭ ءحالىن سەزگەندەي بولدىق. شىڭداپ، زۇلمات كەلسە، قاھار تۇسسە، فەيسبۋكتە تىرقىلداپ پىكىر جازۋدان باسقاعا شاماڭ كەلمەيتىنىندى ءبىلۋ نەتكەن قاسىرەت ەدى! وسى كۇندەرى الدىڭعى ەكى سويلەمنىڭ ابستراكتسيالى كۇيىن كەشتىك. ايتپاعىمىز، اللا جار بولسىن! قازا بولعان شەكاراشىلار يماندى بولسىن!
بۇلاردىڭ ىشىنەن ءبىزدىڭ نازارىمىزدى ءبىرىنشى مەن بەسىنشى نۇسقا اۋدارىپ وتىر. الايدا، اسكەرلەستەرىنەن تاياق جەپ، ولاردى قىرىپ سالعاننىڭ وزىندە، ونداي ءىستى اتقارعان ادام نە وزىنە قول جۇمساۋعا، نە شالعايعا،ءتىپتى قىتايعا ءوتىپ كەتۋگە قاۋقارى بولار ەدى. پسيحولوگيالىق تۇرعىدان. سەبەبى، ءبىر ەمەس، بىرنەشە ساربازدى ءارى قورىقشىنى ءولتىرۋدى جان كۇيزەلىسىنەن اتقارعاننىڭ وزىندە وڭاي شارۋا ەمەس، مىقتى ازىرلىك پەن پسيحولوگيالىق ۇيلەسىمدى قاجەت ەتەدى. ونىڭ ۇستىنە مايىتتەردىڭ ءۇيتىلۋى مەن ونى ىستەگەن ادامنىڭ تابىلا قويۋىندا قىيسىن جوق. شەكاراشىلاردى قىرىپ، ولاردى ورتەپ، ءوزى سول ماڭدا جۇرمەي-اق، ەڭ بولماسا اتتىڭ ءبىرىن ءمىنىپ قاشىپ نەگە كەتپەدى؟ ولاردى تاۋ اراسىندا سويىپ، جاسىرىپ، جان سوزۋعا دا بولار ەدى عوي. بۇل - نە بولسا دا ءىز تاستاۋشىلاردىڭ جانە دە اسا كاسىپقوي، جان جاقتى جاعدايمەن ساناسا الاتىن ونى ءوز پايداسىنا شەشە بىلەتىن مامانداردىڭ شارۋاسى.
بۇل جەردە ۆلاديسلاۆ چەلاحتى ءىز تاستاۋ ايعاعى رەتىندە قالدىرىپ وتىر. ول قىلمىستى ىستەگەندەردىڭ كىم ەكەنىن اجىراتپاي دا قالعان بولۋى كەرەك. ياعني، ودان بۇل قىلمىستى اشۋعا قاجەتتى قانداي دا ءبىر دەرەك الۋ مۇمكىن ەمەس. ماسەلەن، مۇنى، ۇرلاپ كەتىپ، قالعاندارىن قىرىپ بولعانشا ۇستايدى دا، بولعاسىن مۇنى بوساتىپ قويا بەرەدى، قولىنا تاپانشانى ۇستاتىپ. بولدى. ياعني، قىلمىستىڭ ءىزىن شاتاستىرۋ امالدارى جاسالىپ وتىر.
ءبىزدىڭ ويىمىزدى بەسىنشى نۇسقا الاڭداتادى.
سەبەبى، بىرىنشىدەن، شاڭقاي كەڭەسىنىڭ قارساڭى. ەكىنشىدەن، قازاق باسشىسىنىڭ الەمدىك اۋقىمداعى اسىرە ساياسي بەلسەندىلىگىن باسۋ مەن تاۋەلدىلىكتى ارتتىرا ءتۇسۋ قىيسىنى. ۇشىنشىدەن، ەۋرازيالىق «وداقتىڭ» ءبىر ناقتى ماسەلەگە تىرەلىپ وتىرعاندىعى، ول - بىرىڭعاي اسكەري كۇشتى بىرىكتىرۋ ورنىنا ازىرگە اسكەري وداقتان ارىگە اڭگىمەنىڭ بارا قويماۋى. اتالمىش وقيعا سوعان ماجبۇرلەۋدىڭ العىشارتىن قالىپتاستىرار جايت. تورتىنشىدەن، بولعان وقيعانىڭ اسا اۋقىمدى جانە ەل تاريحىندا العاش رەت شەكارادا ورىن الۋى.بەسىنشىدەن، قىلمىستىڭ مەيلىنشە قاتال ءارى ناقتى ىسكە اسىرىلعاندىعى. التىنشىدان، سول تۇستاعى كورشى تاراپىنان بۇعان دەيىن ورىن العان ورىس-گۇرجى 2008.08.08 سوعىسىنىڭ ايدىڭ كۇننىڭ امانىندا اياۋسىز ورىن العانى. جەتىنشىدەن، تۇركىلىك ورتاق يدەيالاردىڭ بارىنشا بەلسەنە باستاۋى.ت.ت.
«اباي-اقپارات»
