كەشە كەشكىسىن اقتوبە وبلىسى، بايعانين اۋدانىنىڭ تۇرعىندارى تۇسىنىكسىز كۇي كەشتى. ناقتىراق ايتساق، جەرگىلىكتى ۋاقىتپەن ساعات 22:40-تا اسپاندا بەلگىسىز سىزىقتار پايدا بولىپ، بۇكىل اۋىل تۇرعىندارىنىڭ ۇرەيى ۇشتى. اۋەلى نۇكتە سياقتى پايدا بولعان جارىق كەيىن يرەك-يرەك سىزىققا اينالدى. اسپاندا زيگزاگ سەكىلدى يرەلەڭدەپ جۇرگەن وتتى سىزىقتار كەيىن ۇيدەگى ەلەكتر شامى سەكىلدى، قاق توبەمىزگە تۇرىپ الدى. سودان سوڭ، الگى شام ۇلكەيە بەردى، ۇلكەيە بەردى. اقىرى، جارىلىپ تىندى. ياعني، ءتۇتىن سەكىلدى جان-جاققا تاراپ كەتتى. شامامەن 3 مينۋتقا سوزىلعان  بۇل قۇبىلىستى اركىم ءارتۇرلى جورىدى. ءبىرى اقىرزامان كەلدى دەسە، ەندى بىرەۋلەرى ۇشاتىن تارەلكەلەر كورىنىس بەردى دەپ، وزىنشە توپشىلاپ جاتتى. بىراق، 3 مينۋتقا سوزىلعان وسى كورىنىس  ءار ادامنىڭ جۇرەگىنە قورقىنىش ۇيالاتقانى راس. قورىقپاي قايتەدى، كوك ءجۇزىن ءتىلىپ جۇرگەن وتتى سىزىقتار بۇرىن ءدال وسىلاي ويقاستاپ كورمەگەن اسپاندا. دەرەۋ  عالامتور كومەگىنە جۇگىندىك. باقساق، ءبىزدىڭ زارە-قۇتىمىزدى قاشىرىپ، كوك جۇزىندە پايدا بولعان قۇبىلىستار رەسەي ۇشىرعان «توپول» قۇرلىقارالىق بالليستيكالىق زىمىرانىنىڭ ىزدەرى ەكەن. كەشە ماسكەۋ ۋاقىتىمەن 21:39 مينۋتتا «توپول» بالليستيكالىق زىمىرانى استراحانداعى «كاپۋستين يار» پوليگون ايماعىنان قازاقستانداعى «سارى شاعان» پوليگون ايماعىنا ۇشىرىلعان. زىمىراننىڭ دىتتەگەن جەرىنە ءدال جەتىپ، جارىلعانى تۋرالى اقپاراتتى رەسەيلىك اقپارات قۇرالدارى ءسۇيىنشى سۇراپ جازدى.

كەشە كەشكىسىن اقتوبە وبلىسى، بايعانين اۋدانىنىڭ تۇرعىندارى تۇسىنىكسىز كۇي كەشتى. ناقتىراق ايتساق، جەرگىلىكتى ۋاقىتپەن ساعات 22:40-تا اسپاندا بەلگىسىز سىزىقتار پايدا بولىپ، بۇكىل اۋىل تۇرعىندارىنىڭ ۇرەيى ۇشتى. اۋەلى نۇكتە سياقتى پايدا بولعان جارىق كەيىن يرەك-يرەك سىزىققا اينالدى. اسپاندا زيگزاگ سەكىلدى يرەلەڭدەپ جۇرگەن وتتى سىزىقتار كەيىن ۇيدەگى ەلەكتر شامى سەكىلدى، قاق توبەمىزگە تۇرىپ الدى. سودان سوڭ، الگى شام ۇلكەيە بەردى، ۇلكەيە بەردى. اقىرى، جارىلىپ تىندى. ياعني، ءتۇتىن سەكىلدى جان-جاققا تاراپ كەتتى. شامامەن 3 مينۋتقا سوزىلعان  بۇل قۇبىلىستى اركىم ءارتۇرلى جورىدى. ءبىرى اقىرزامان كەلدى دەسە، ەندى بىرەۋلەرى ۇشاتىن تارەلكەلەر كورىنىس بەردى دەپ، وزىنشە توپشىلاپ جاتتى. بىراق، 3 مينۋتقا سوزىلعان وسى كورىنىس  ءار ادامنىڭ جۇرەگىنە قورقىنىش ۇيالاتقانى راس. قورىقپاي قايتەدى، كوك ءجۇزىن ءتىلىپ جۇرگەن وتتى سىزىقتار بۇرىن ءدال وسىلاي ويقاستاپ كورمەگەن اسپاندا. دەرەۋ  عالامتور كومەگىنە جۇگىندىك. باقساق، ءبىزدىڭ زارە-قۇتىمىزدى قاشىرىپ، كوك جۇزىندە پايدا بولعان قۇبىلىستار رەسەي ۇشىرعان «توپول» قۇرلىقارالىق بالليستيكالىق زىمىرانىنىڭ ىزدەرى ەكەن. كەشە ماسكەۋ ۋاقىتىمەن 21:39 مينۋتتا «توپول» بالليستيكالىق زىمىرانى استراحانداعى «كاپۋستين يار» پوليگون ايماعىنان قازاقستانداعى «سارى شاعان» پوليگون ايماعىنا ۇشىرىلعان. زىمىراننىڭ دىتتەگەن جەرىنە ءدال جەتىپ، جارىلعانى تۋرالى اقپاراتتى رەسەيلىك اقپارات قۇرالدارى ءسۇيىنشى سۇراپ جازدى. دالىرەك ايتساق، ينتەرفاكس  جانە ريا نوۆوستي اقپارات اگەنتتىكتەرى بۇل جاڭالىقتى العاشقىلاردىڭ ءبىرى بولىپ تاراتتى. بىراق، ءبىزدىڭ كوكەيىمىزدە ءبىر سۇراق قالدى. مۇنداي زىمىراندار ءبىرىنشى رەت ۇشىپ وتىرعان جوق. بۇرىن ۇشىپ وتكەنى بايقالماي قالاتىن زىمىران بۇل جولى نەگە اسپاندا كورىنىس بەردى ەكەن. بارىنەن بۇرىن، جەرگىلىكتى حالىقتىڭ ۇرەيىن ۇشىرىپ، مازاسىن الدى بۇل كورىنىس. عالامتورداعى  مالىمەتتەرگە  سۇيەنسەك، بۇل قۇبىلىس  رەسەيدىڭ بىرنەشە  ايماعىندا كورىنگەن. سونىمەن قاتار، اتىراۋ، اقتوبە وبلىسىنىڭ ءبىراز اۋداندارىندا باقىلاۋعا مۇمكىندىك تۋدى،

وسىلايشا، قايتا پرەزيدەنت تاعىنا وتىرعالى بەرى قازاقستانعا ءبىرىنشى رەسمي ساپارىن جاساعان ۆلاديمير پۋتين زىمىران ۇشىرىپ قورقىتا كەلدى. جالعا سۇراپ كەلگەن اقتوبە مەن قوستانايدى بەرمەسەڭدەر توبەلەرىڭنەن تاستاپ جىبەرەمىن دەگەنى بولسا كەرەك. وسىندايدا، «قاپ، باياعىدا اتوم بومباسىنىڭ بىرەۋىن وزىمىزدە قالدىرعاندا كىم كورىنگەن بۇلايشا باسىنباس ەدى» دەپ بارماق تىستەيمىز.

«ماسا-اقپارات»