شاحانوۆ ءمۋسيننىڭ "جوباسى" ما؟
رەسەيلىك سايتتاردىڭ (bezpontow.ru) بىرىندە «پرەزيدەنت اكىمشىلىگىنىڭ جەتەكشىسى قوعامدىق پىكىردى تولىق قاداعالاپ وتىر، رەسمي جانە جالعان وپپوزتسيالىق ءباسپاسوزدى، مۇحتار شاحانوۆتىڭ ۇلتشىل-پاتريوتتارىن دا سول باسقارادى» دەگەن اقپارات جاريالاندى. وسىعان وراي اقىن قوعام قايراتكەرى مۇحتار شاحانوۆتىڭ پىكىرىن بىلگەن ەدىك. اقىن بىلاي دەدى:
- ايتا بەرەدى عوي. بىراق، مەنىڭ ۇستانعان ومىرلىك باعىتىم بار. ونى ءتۇسىنۋ ءۇشىن مەنىڭ «بۇگىنگى داۋىردەگى اقىندىق-ازاماتتىق ۇستانىمىم» دەگەن ولەڭىمدى ۇعىنۋى كەرەك اركىم. الدىمەن سول ولەڭىمدى وقىپ بەرەيىن:
ولەڭ قۇراۋ - اقىندىقتىڭ كوپ قىرىنىڭ ءبىر ءتۇرى.
تەك سول ءۇشىن ونى ارداقتاۋ، جونسىزدەۋ ءھام كۇلكىلى.
ءداۋىرى مەن بيلىگىنە سانالعانمەن الىمدى،
ۇلتىن ساتقان اقىندار بار، بىراق جىرى دارىندى...
ەرلىگى جوق، ەلدىگى جوق، اۋزى عانا بەلسەنەر،
سوزدەن ءىسى الشاق جاتسا، وعان قالاي ەل سەنەر؟
نەگە بۇگىن ۇلت مۇددەسى ناۋقاس جانداي تەڭسەلەر؟..
مۇنداي شاقتا اقىندىق كۇش تەك شىندىقپەن
ولشەنەر.
ناعىز اقىن ءار كەزەڭدە ءوزىن قاعىپ ۇلەستەن،
ۇلتتىق رۋحي مۇددە شىڭى - شىندىق ءۇشىن كۇرەسكەن.
شىندىق كاۋسار اقىندىققا بولۋ كەرەك اسىل ءان،
شىندىقتى ايتىپ ەر ماحامبەت ايىرىلعان باسىنان.
«اقىندار از سىن ساعاتتا سوزدەن ءىسى زورايعان»،
دەسەكتاعى «اباي قاشان جول ىزدەپتى وڭايدان؟»
ەل، ۇلت جايلى سىرلارىمەن،
رەسەيلىك سايتتاردىڭ (bezpontow.ru) بىرىندە «پرەزيدەنت اكىمشىلىگىنىڭ جەتەكشىسى قوعامدىق پىكىردى تولىق قاداعالاپ وتىر، رەسمي جانە جالعان وپپوزتسيالىق ءباسپاسوزدى، مۇحتار شاحانوۆتىڭ ۇلتشىل-پاتريوتتارىن دا سول باسقارادى» دەگەن اقپارات جاريالاندى. وسىعان وراي اقىن قوعام قايراتكەرى مۇحتار شاحانوۆتىڭ پىكىرىن بىلگەن ەدىك. اقىن بىلاي دەدى:
- ايتا بەرەدى عوي. بىراق، مەنىڭ ۇستانعان ومىرلىك باعىتىم بار. ونى ءتۇسىنۋ ءۇشىن مەنىڭ «بۇگىنگى داۋىردەگى اقىندىق-ازاماتتىق ۇستانىمىم» دەگەن ولەڭىمدى ۇعىنۋى كەرەك اركىم. الدىمەن سول ولەڭىمدى وقىپ بەرەيىن:
ولەڭ قۇراۋ - اقىندىقتىڭ كوپ قىرىنىڭ ءبىر ءتۇرى.
تەك سول ءۇشىن ونى ارداقتاۋ، جونسىزدەۋ ءھام كۇلكىلى.
ءداۋىرى مەن بيلىگىنە سانالعانمەن الىمدى،
ۇلتىن ساتقان اقىندار بار، بىراق جىرى دارىندى...
ەرلىگى جوق، ەلدىگى جوق، اۋزى عانا بەلسەنەر،
سوزدەن ءىسى الشاق جاتسا، وعان قالاي ەل سەنەر؟
نەگە بۇگىن ۇلت مۇددەسى ناۋقاس جانداي تەڭسەلەر؟..
مۇنداي شاقتا اقىندىق كۇش تەك شىندىقپەن
ولشەنەر.
ناعىز اقىن ءار كەزەڭدە ءوزىن قاعىپ ۇلەستەن،
ۇلتتىق رۋحي مۇددە شىڭى - شىندىق ءۇشىن كۇرەسكەن.
شىندىق كاۋسار اقىندىققا بولۋ كەرەك اسىل ءان،
شىندىقتى ايتىپ ەر ماحامبەت ايىرىلعان باسىنان.
«اقىندار از سىن ساعاتتا سوزدەن ءىسى زورايعان»،
دەسەكتاعى «اباي قاشان جول ىزدەپتى وڭايدان؟»
ەل، ۇلت جايلى سىرلارىمەن،
جىرى بيىك تۇرعانىمەن،
ءىسى ءۇشىن مەن ماحامبەتتى بيىك قويام ابايدان!
بۇل ادامدىق ۇستانىمىم قالىپتاسقان تالايدان.
كىم تانىسا ماحامبەتتى شىندىعىنان تانىسىن.
حالقىن مۇڭعا قالدىرعانمەن،
ساتقىنعا باس الدىرعانمەن،
ەڭكەيتپەستەن ساقتاي ءبىلدى ول ۇلتىنىڭ ءور نامىسىن.
جۇرت سوندىقتان ءپىر تۇتادى ماحامبەتتەي ارىسىن!..
...................................................................................
كۇرەس ءالى ءجۇرىپ جاتىر شىندىق ءۇشىن، ار ءۇشىن...
شىندىعى جوق پەندەلەردى باسار ۋاقىت كوشكىنى.
داڭققا مويىن سوزعانىمەن،
توم-توم ولەڭ جازعانىمەن،
شىندىعى ولگەن اقىنداردىڭ اقىن ەمەس ەشبىرى!
شىندىعى ولگەن مىنەزسىزدىك بولماق كىمنىڭ ماقتانى؟
قازىر بارلىق سالالاردى مىنەزسىزدەر قاپتادى.
باسشىلارعا جاعىمپازدىق بۇل كەزەڭدە دارا كۇش،
سودان اقىنسىماقتاردىڭ كوبى «تۋفلي جالاعىش».
شىنشىل اقىن بولۋ دەگەن - ازاپتىڭ ەڭ ازابى،
سول ازاپقا توزە ءبىلۋ - عاجاپتىڭ ەڭ عاجابى.
سوڭعى ون جىلدا ءوز تىلىمدە، وي-سانامدا جاڭعىرار،
ءبىر جاقسى ولەڭ وقىماپپىن ءوزىمدى تاڭ قالدىرار.
قانشاما جىر جاڭالىقسىز، تۇيسىگى جوق، الدى بار،
ءسوز تىركەسى نەگىزىندە تەك ۇيقاسى ءسان قۇرار.
اقىندىق كۇش - ايتىلماعان وي-سەزىمدەر جيىنى،
ول بيىكتەن بوي كورسەتۋ - قيىننىڭ ەڭ قيىنى!
باستى ماقسات - ءوز حالقىڭنىڭ سان عاسىرلىق اعىسىن،
جەڭىسى مەن جەڭىلىسىن، ءتىلىن، رۋحىن، نامىسىن،
جۇرەگىڭنىڭ ساناسىنان، ەلەگىنەن وتكىزۋ،
جانە ونىڭ قاسىرەتىن،
ۇلتقا، تىلگە باس يەتىن،
قالىڭ ەلگە جىرمەن، ىسپەن، مىنەزىڭمەن جەتكىزۋ.
جەتكىزە الماي دىرىلدەسەڭ... ول - شوشىنۋ، توسىلۋ،
ۇركەكتەردىڭ، قورقاقتاردىڭ قاتارىنا قوسىلۋ.
وندايلاردىڭ ماڭدايىنا ماڭگىلىككە سور قاتقان،
ەشقاشاندا شىنشىل اقىن شىققان ەمەس قورقاقتان!
ال ءبىز بولساق ءتىلدى قورعاپ، رۋحتى قولداپ وتاندىق،
تىلدەن قاشقان قۇلىقسىزعا،
كوسموپوليت ۇلتسىزعا،
ەلدەن ەرەك «اسىرە ۇلتشىل»، «حالىق جاۋى» اتاندىق.
اقىنعا ەگەر رۋحىنا ساي كۇرەسكەرلىك قونباسا،
ودان ۇلكەن ءورىس كۇتۋ، جەڭىس كۇتۋ دالباسا!
مىنە، مەنىڭ اقىندىق، ازاماتتىق ۇستانىمىم. وسى كۇرەس جولىندا كەلە جاتىرمىز. مەن ەشكىمگە باسىمدى يمەيمىن. بيلىك باسىنداعىلاردىڭ كوپشىلىگىنە ۇلت كەرەك جوق، ءتىل كەرەك جوق، رۋحاني قۇندىلىقتار كەرەك جوق. ولار قارىن مۇددەسىن عانا العا شىعاردى. سوندىقتان ولارمەنەن ءبىزدى ارالاستى دەۋ، بايلانىستى دەۋ بۇل - پەندەلەردىڭ ايتىپ جۇرگەن شارۋاسى. مەن اقىندىق ۇستانىمىمنان ەشۋاقىتتا اينىعان ەمەسپىن. مەن قازاقستاننىڭ بىردە-ءبىر ناگراداسىن العان ادام ەمەسپىن. ويتكەنى، «وتان - ءبىزدىڭ ەڭ ۇلكەن انامىز، اركىم ءوز اناسى ءۇشىن جاساعان قىزمەتىنە جىلۋ، ماداق دامەتپەۋ كەرەك، بىراق، ءوزىنىڭ دارالانعان پەرزەنتتەرىن ماراپاتتاپ وتىرۋى شارت» دەگەن ۇستانىمىم بار. بۇعان ەشكىم قارسى ەمەس. بىراق، ول وتە ادىلەتتى بولۋى كەرەك. ال، قازىر كەز كەلگەن ۇرىنىڭ، تۇرمەدە شىرۋگە ءتيىستى ۇرىنىڭ ەكى وردەن، ءۇش مەدالى بار. سولاردىڭ قاتارىندا جۇرگىم كەلمەيدى. مەنىڭ قازاقستاننان العان قۇرمەت قاعازىم دا جوق. شەتەلدىڭ سىيلىقتارىن الامىن. 25-تەن استام مەملەكەت ماعان وزدەرىنىڭ ءارتۇرلى دەڭگەيدەگى ماراپاتتارىن بەرگەن. سوندىقان مەن ءوز ۇستانىمىمەن كەلە جاتقان اداممىن. بيلىككە جالپاقتامايمىن. مىنە، قازىر جارتى جىل بولدى «جالىن» جۋرنالىن تەگىن شىعارىپ كەلەمىز. ەشكىم بىزگە ايلىق بەرمەيدى. ويتكەنى، بيلىك جاعالاسىپ جاتىر بىزبەنەن. جۋرنالدى شىعارماي جاتىر. سوندىقتان، ءبىز ەلدىك، ۇلتتىق مۇددە توڭىرەگىندە كەلە جاتىرمىز، ايتسە دە، قولىمىزدا كۇش جوق.
سۇحباتتىڭ تولىق نۇسقاسىن - www.arasha.kz - http://arasha.kz/post/859 وقي الاسىزدار.
