كوممۋنيستىك رەجيمنىڭ تۇركى حالىقتارىنا جاساعان قياناتى قيساپسىز. سونىڭ ءبىرى -  ءتۇبى ءبىر، تۋىس حالىقتاردىڭ باس كوتەرەر زيالىلارىن تۇگەلگە جۋىق قىرىپ سالدى. سول زيالىلارمەن بىرگە حح عاسىردىڭ باسىندا جاڭا زامان تالابىنا ساي قايتا جاڭعىرىپ كەلە جاتقان تۇركى حالىقتارىنىڭ تۇتاستىعى دا تۇنشىقتىرىلدى. ماسەلەن، الاش قايراتكەرلەرى سول ۋاقىتتاعى وزگە  تۇركى ەلدەرىنىڭ وقىمىستى، اعارتۋشىلارى، ساياسي قايراتكەرلەرىمەن تىعىز قارىم-قاتىناستا بولعانى جانە تاۋەلسىزدىك جولىنداعى كۇرەستەردە بىرلەسە قيمىلداعانى تاريحتان ءمالىم.

مىنە، وسى ءبىر كونەدەن كەلە جاتقان باۋىرلاستىق پەن تۇركى تەكتەس ەلدەردىڭ بوستاندىعى جولىنداعى كۇرەستە دىزە قوسقان تۇركى حالىقتارى زيالىلارىنىڭ دوستىعى مەن بولاشاق ءۇشىن بىرلەسە اتقارعان ءىرى قىزمەتتەرىنىڭ ءبىر كۋاسى -

كوممۋنيستىك رەجيمنىڭ تۇركى حالىقتارىنا جاساعان قياناتى قيساپسىز. سونىڭ ءبىرى -  ءتۇبى ءبىر، تۋىس حالىقتاردىڭ باس كوتەرەر زيالىلارىن تۇگەلگە جۋىق قىرىپ سالدى. سول زيالىلارمەن بىرگە حح عاسىردىڭ باسىندا جاڭا زامان تالابىنا ساي قايتا جاڭعىرىپ كەلە جاتقان تۇركى حالىقتارىنىڭ تۇتاستىعى دا تۇنشىقتىرىلدى. ماسەلەن، الاش قايراتكەرلەرى سول ۋاقىتتاعى وزگە  تۇركى ەلدەرىنىڭ وقىمىستى، اعارتۋشىلارى، ساياسي قايراتكەرلەرىمەن تىعىز قارىم-قاتىناستا بولعانى جانە تاۋەلسىزدىك جولىنداعى كۇرەستەردە بىرلەسە قيمىلداعانى تاريحتان ءمالىم.

مىنە، وسى ءبىر كونەدەن كەلە جاتقان باۋىرلاستىق پەن تۇركى تەكتەس ەلدەردىڭ بوستاندىعى جولىنداعى كۇرەستە دىزە قوسقان تۇركى حالىقتارى زيالىلارىنىڭ دوستىعى مەن بولاشاق ءۇشىن بىرلەسە اتقارعان ءىرى قىزمەتتەرىنىڭ ءبىر كۋاسى -

1926 جىلى 26 اقپان پەن 6 ناۋرىز كۇندەرى باكۋ قالاسىندا وتكەن ءبىرىنشى تۇركىتانۋشىلار قۇرىلتايى. وسى قۇرىلتايدان تۇسىرىلگەن كينوحرونيكا ساقتالىپتى. سونى youtube.com cايتىنان الىپ6 نازارلارىڭىزعا ۇسىنىپ وتىرمىز.

قۇرىلتاي دا بارلىق تۇركى ەلدەرىنەن جينالعان عالىمدار، ساراپشىلار تۇركى تىلدەرىنىڭ لاتىن قارپىنە اۋىستىرۋ ماسەلەلەرىن قاراستىرىپ، اۋقىمدى شەشىمدەرگە كەلگەن. وسى قۇرىلتايدىڭ شەشىمدەرى ۇكىمەتتىك دارەجەدە قابىلدانىپ، ارتىنان بارلىق تۇركى رەسپۋبليكالارى لاتىن قارپىنە كوشتى. قۇرىلتايعا قاتىسقانداردىڭ بارلىعى ستاليندىك جۇيەنىڭ قۇربانى بولىپ، 30-شى جىلدارى اتىلىپ كەتتى.
وسى قۇرىلتايعا قازاقستاننان احمەت بايتۇرسىنۇلى, ءنازىر تورەقۇلوۆتار قاتىسىپ، ءسوز سويلەگەن.

بۇل سول كەزەڭدەگى ەل اعالارى كوممۋنيستىك رەجيمنىڭ قۇرساۋىنا قىسىلىپ بارا جاتقان تۇركى ەلدەرىنىڭ جازبا ءتىلىن لاتىن قارپىنە كوشىرىپ، ءبۇتىن تۇركى تەكتەس ۇلتتاردىڭ ءتىل ارقىلى بەرىلەتىن ۇلتتىق جانىن ساقتاپ قالۋعا جاساعان جۇمىستارىنىڭ ءبىرى.

وسىنداي اۋقىمدى ىستەردىڭ تامىرىن قيعان كوممۋنيستىك رەجيمنىڭ كەسىرىنەن ءبىز ءالى كۇنگە دەيىن ءتىل، ءدىل، تاريحي جاد، ۇلتسىزدانۋ، ۇلتتىق پسيحولوگيا سياقتى كۇردەلى ماسەلەلەرمەن كۇرەسىپ جاتىرمىز.

دەسە دە، كەيىنگى جىلدارى تۇركى تىلدەس ەلدەر اراسىنداعى ساياسي، ەكونوميكالىق، مادەني-رۋحاني بايلانىستاردىڭ قايتا جاڭعىرىپ، قالىپتى جۇمىس ىستەي باستاعانى كوڭىلگە ءۇمىت ۇيالاتادى. كەشە عانا قىرعىزستاندا وتكەن تۇركىتىلدەس ەلدەردىڭ پارلامەنتتىك اسسامبلەياسىنىڭ وتىرىسى سونىڭ ءبىر ايعاعى. تۇبىندە تۇركى حالىقتارىنىڭ مەملەكەتتىك دارەجەدەگى جان-جاقتى وداقتاستىعى - الەمدەگى ءىرى ءارى ىقپالدى وداقتاردىڭ بىرەگەيىنە اينالاتىنى ءسوزسىز. البەتتە، بۇل وداقتىڭ نىعايۋىنا مۇددەلى ەمەس ساياسي كۇشتەر دە جەتەرلىك. ونىڭ استارىندا الەمدى بيلەگەن تۇركى جۇرتىنىڭ اسىل رۋحى قايتا ويانا ما دەگەن قاۋىپ جاتقانى تاعى راس.

«اباي-اقپارات»