قازىر قازاق قوعامى، قازاقستان قوعامى قر ۇكىمەتىنىڭ رەسەيلىك سبەر كومپانيالار توبىمەن جاساسقان «ەلەكتروندى ۇكىمەت» (eGov) پلاتفورماسىن جاساۋ تۋرالى، قازاقستاننىڭ تسيفرلىق ترانسفورماتسياسى بويىنشا جوبالاردى جۇزەگە اسىرۋ تۋرالى مەموراندۋمدى قىزۋ تالقىلاۋدا.

اتالعان مەموراندۋمعا 3 قىركۇيەككۇنى، شىعىس ەكونوميكالىق فورۋم اياسىندا قول قويعان. قول قويۋشىلار: قر پرەمەر-ءمينيسترى اسقار مامين مەن سبەر كومپانيالار توبىنىڭ باسشىسى گەرمان گرەف. بۇل پروتسەسسكە قازاقستان جانە رەسەي پرەزيدەنتتەرى كۋا بولعان.

جوبا 5 جىلدىلعا ارنالعانىن، قۇنى – 500 ملن دوللار بولاتىنىن قر تسيفرلىق دامۋ، يننوۆاتسيا جانە اەروعارىش ءوندىرىسى ءمينيسترى باعدات ءمۋسيننىڭ ءوزى مالىمدەگەن.

تالعان كەلىسىم تۋرالى وسىعان دەيىن ەش جەردە، ەشبىر ساياسي، قوعامدىق مىنبەرلەردە، ەشبىر اقپارات كوزدەرىندە ايتىلعان جوق، تالقىلانعان جوق. سوندىقتان دا، قازاق قوعامى، قازاقستان قوعامى، اتالعان سالا ماماندارى بۇل جوباعا قارسىلىق بىلدىرۋدە. ساراپشىلار مەن قوعام بەلسەندىلەرى قر ۇكىمەتىنىڭ بۇل شەشىمى – قازاقستان ءۇشىن، ونىڭ تاۋەلسىزدىگى مەن ازاماتتارىنىڭ قاۋىپسىزدىگى ءۇشىن قاتەر توندىرەتىنىن ايتىپ، دابىل قاعۋدا. قوعامدا «eGov پورتالى رەسەيدىڭ باقىلاۋىنا وتەدى»، «قازاقستاندىقتاردىڭ بارلىق جەكە دەرەكتەرى رەسەيگە قولجەتىمدى بولادى»، دەگەن پىكىرلەر ايتىلۋدا.

بۇگىن وسى جانە وزگە دە ساۋالدارعا قاتىستى قر تسيفرلىق دامۋ، يننوۆاتسيا جانە اەروعارىش ءوندىرىسى ءمينيسترى باعدات مۋسين ءوزىنىڭ Facebook-تەگى جەكە پاراقشاسىندا جاۋاپ بەرىپتى. سونىمەن، مينيستر مۋسين بۇيدەيى:

باعدات مۋسين، قر تسيفرلىق دامۋ، يننوۆاتسيا جانە اەروعارىش ءوندىرىسى ءمينيسترى:

- الەۋمەتتىك جەلىلەردە تۋىنداعان سۇراقتارعا بارىنشا ءبىر پوست ارقىلى تۇسىنىكتەمە بەرىپ، اقپارات تاپشىلىعىنا جانە بۇرىن ايتىلعان اقپاراتتىڭ دۇرىس تۇسىندىرىلمەۋىنە بايلانىستى پايدا بولعان كوزقاراستاردىڭ باسىن اشقىم كەلەدى.

بىرىنشىدەن، eGov.kz پورتالى تەك قانا قازاقستانعا تيەسىلى جانە ەشكىمگە بەرىلمەيدى!

«قازاقستاندىقتاردىڭ بارلىق دەرەكتەرى رەسەي فەدەراتسياسىنا قولجەتىمدى بولادى» دەگەن تۇسىنىك قيسىنسىز.

نەلىكتەن؟ قازاقستاندا تاۋەلسىزدىك العالى بەرى شەتەلدىك قۇرىلىمداردا جۇمىس ىستەيتىن كوپتەگەن مەكەمەلەر بار، دەسە دە ولاردىڭ ءبارى ءبىزدىڭ مالىمەتتەردى الا الادى دەگەن ءسوز ەمەس.

ەلەكتروندىق ۇكىمەتكە كەلەتىن بولساق، بۇل جەردە بىرەۋ بىرەۋگە اقپارات بەرەدى دەگەن سۇراقتىڭ تۋىنداماۋى دا كەرەك. جالپى، eGov.kz نە ەكەنىن قىسقاشا تۇسىندىرەيىن.

eGov - بۇل بارلىق مەملەكەتتىك بازالارمەن قۇرسىم ارقىلى قوسىلعان «ۆيترينا» عانا. بۇل بازالارعا نەمەسە جۇيەلەرگە ەشكىم ەشقاشان قول جەتكىزە المايدى! وتكەن ايدا باستالعان تالداۋ قازاقستاندىق مەملەكەتتىك سەكتوردا 400 + اقپاراتتىق جۇيە بار ەكەنىن كورسەتتى. بۇل مەملەكەتتىك جىلجىمايتىن مۇلىك بازاسى سياقتى ءىرى بازالاردان باستاپ، وليمپيادا جۇلدەگەرلەرى تىركەلگەن شاعىن بازالارعا دەيىن.

اعىمداعى كەزەڭدە ءبىزدىڭ مىندەتىمىز - ءارتۇرلى تەحنولوگيالاردا جازىلعان، كەيدە باعدارلاماشى ەتيكاسى مەن ەسكىرگەن قۇجاتتاماسىز جۇزدەگەن جۇيەلەردىڭ ورنىنا، بارلىق دەرەكتەر بىرىڭعاي پلاتفورمادا رەتتەلگەن جانە تۇسىنىكتى بولاتىن ونداعان جۇيەلەرگە ءوتۋ. قازىر eGov-تى ميلليونداعان ەسكى قۇرىلعىلارمەن سالىستىرۋعا بولادى، ولاردىڭ ورنىنا ءبىز ساپالى زاماناۋي تەحنولوگيامەن جابدىقتالعان پلاتفورمانى ورناتقىمىز كەلەدى. ءبىز حالىق ءۇشىن دە، ەكونوميكا ءۇشىن دە بارىنشا وڭ ناتيجە الۋ ماقساتىندا تسيفرلاندىرۋدىڭ «قۇراقتالعان» مودەلىنەن تۇتاس پلاتفورمالىق مودەلىنە وتەتىن كەز كەلدى.

IT سالاسىنداعى كەز كەلگەن شەشىم، اسىرەسە حالىقارالىق شەشىم كيبەر قالقان مەن ازاماتتاردىڭ مۇددەلەرىن قورعاۋ جونىندەگى ۋاكىلەتتى ورگانداردىڭ ۇسىنىمىن ەسكەرە وتىرىپ قابىلدانادى. ءبىز قازاقستان تاراپى باعدارلامالىق قامتاماسىز ەتۋ مەن تەحنيكالىق قولداۋدى تالاپ ەتەتىن ۆەندور سياقتى بولۋى كەرەك دەگەن تالاپ قويىپ وتىرمىز. سبەر بارلىق قولجەتىمدىلىكتى بەرە وتىرىپ، بارلىق كومپونەنتتەردىڭ باستاپقى كودتارىن كورسەتەدى جانە بارلىعىن قازاقستانداعى سەرۆەرلەرگە ورنالاستىرادى دەپ كەلىستىك.

ەكىنشىدەن، بولىنەتىن 500 ملن-نىڭ بارلىعى سبەر-گە جۇمسالمايدى.

مەموراندۋم – كەلىسىم-شارت ەمەس. ۇكىمەت تسيفرلىق ترانسفورماتسيا مۇمكىندىگىن قاراستىراتىن مەموراندۋمعا قول قويدى، ونىڭ باعالاۋ قۇنى شامامەن 500 ملن.

بۇل نە دەگەن ءسوز؟ بۇل اتالعان سومانىڭ ءبىر بولىگى جەرگىلىكتى IT نارىعىنا ينۆەستيتسيالاناتىنىن بىلدىرەدى. بۇل قاراجاتتى قازاقستاندىق كومپانيالار پلاتفورمالىق ءتاسىلدى ەنگىزۋ بويىنشا جۇمىس شەڭبەرىندە جۇمسايدى. سومانىڭ ەكىنشى بولىگى - ينفراقۇرىلىمدىق شەشىمدەرگە كەتسە، ءۇشىنشى بولىگى عانا سبەر-دەن شەشىمنىڭ ءوزىن ساتىپ الۋعا ارنالاتىن بولادى.

ۇشىنشىدەن، پلاتفورمالىق مودەلدى ەنگىزۋگە قازاقستاننىڭ IT كومپانيالارى مىندەتتى تۇردە قاتىسادى.

پلاتفورمالىق مودەلدى ەنگىزۋدىڭ تانىستىرىلىمى مەن تالقىلاۋى قوعام بەلسەندىلەرى مەن IT نارىق وكىلدىرىنەن تۇراتىن ساراپتامالىق كوميسسيامەن (70-تە 30) بىرلەسىپ وتەتىن بولادى. نيەت بىلدىرۋشىلەر جەكەگە ءوز بايلانىس مالىمەتتەرىن قالدىرا الادى، ساراپتامالىق كەڭەس ءتىزىمىن جاساۋ كەزىندە ەسكەرەتىن بولامىز. سبەر پلاتفورمانىڭ جۇمىس ىستەۋىن كورسەتىپ، وقىتاتىن ساراپشىلارمەن سەسسيالار ۇيىمداستىرادى، سودان كەيىن عانا ءبىز پلاتفورمادا جۇمىس ىستەيمىز. بۇل جوبانى ىسكە اسىرۋعا ءبىزدىڭ IT كومپانيالار جۇمىلدىرىلادى.

Abai.kz