"جەرگىلىكتى جانە ورتالىق ورگاندارعا سىن ايتقان ازاماتتار مەن بەلسەندىلەردى قۋعىنداپ، قاماۋعا الىپ جاتىر. قاڭتار ايىندا وتكەن پارلامەنت سايلاۋىنان كەيىن ونلاين-باق-تارعا قارسى قورقىتۋ ارەكەتتەرى، ونىڭ ىشىندە "قىزمەت كورسەتۋدەن باس تارتۋ" (DDoS) سەكىلدى شابۋىلدار كۇشەيدى", - دەپ جازىلعان 21 قىركۇيەكتە جاريالاعان باياندامادا.

Freedom House 2019 جىلى قاسىم-جومارت توقاەۆ پرەزيدەنت قىزمەتىنە كىرىسكەننەن كەيىن رەفورمالارعا ۋادە بەرگەنىن، بىراق ۇكىمەتتىڭ ارەكەتتەرى ۋادەلەرگە سايكەس كەلمەيتىنىن اتاپ وتكەن. بيلىك وپپوزيتسيا وكىلدەرىن قاماۋعا الىپ، بىرقاتار اقپارات قۇرالدارى ۇكىمەتكە جاقىن ادامداردىڭ قاراماعىنا وتكەن.

باياندامادا قازاقستان — رەسەي، بەلارۋس، يران جانە قىتاي سەكىلدى ولكەلەرمەن ءبىر قاتاردا ورنالاسقان.

Freedom House مالىمەتىنە قاراعاندا، قازاقستاندىقتار نەگىزىنەن Facebook, Instagram الەۋمەتتىك جەلىلەرى، Telegram جانە YouTube كانالدارىنداعى پىكىرلەرى ءۇشىن قۋعىندالادى.

بۇدان بولەك قازاقستان بيلىگى كونتەنتكە، اقپاراتتارعا جانە بايلانىس تەحنولوگيالىق كومپانيالارعا جاڭا ەرەجەلەر ەنگىزگەن 48 مەملەكەتتىڭ قاتارىنا قوسىلعان.

باياندامادا 70 ولكەنىڭ ينتەرنەت ەركىندىگىنە باعا بەرىلگەن. بۇل ءۇشىن 2020 جىلدىڭ ماۋسىم ايىنان 2021 جىلدىڭ مامىر ايىنا دەيىن ءۇش كاتەگوريا بويىنشا (ازاماتتاردىڭ ينتەرنەت قولدانۋىنا توسقاۋىل قويۋ، كونتەنتكە شەكتەۋ ەنگىزۋ جانە قولدانۋشىلاردىڭ قۇقىقتارىنىڭ ساقتالۋى) ينتەرنەت ەركىندىگى باعالانعان.

Freedom House ۇيىمىنىڭ مالىمەتىنە سايكەس، ينتەرنەت ەركىندى ميانمادا، بەلارۋستا جانا ۋگاندادا بىردەن ناشارلاعان. "ينتەرنەتى ەركىن ەمەس" ەلدەردىڭ قاتارىنا قازاقستاننان بولەك ازەربايجان (35), رەسەي (30), وزبەكستان (28), پاكىستان (27) جانە يران (16) كىرگەن.

"ينتەرنەتى ەركىن ەلدەردىڭ" قاتارىنا گرۋزيا (77) مەن ارمەنيا (71) بار. ولار العاشقى ۇشتىك يسلانديا، ەستونيا جانە كانادامەن قاتار ورنالاسقان.

Abai.kz