يندۋستريا جانە ينفراقۇرىلىمدىق دامۋ ۆيتسە-ءمينيسترى مارات قاراباەۆ تۇرعىن ءۇي باعاسىنىڭ ءوسۋ بولجامى نەگىزسىز دەپ سانايدى. 

ۆيتسە-مينيسترگە بريفينگ بارىسىندا "قازاقستاندا جىلجىمايتىن مۇلىك باعاسى كوتەرىلەدى دەپ بولجانۋدا. كوكتەمگە قاراي پاتەرلەردىڭ باعاسى 30%-عا ءوسۋى مۇمكىن دەيدى. ساراپشىلار مۇنداي وزگەرىستەردى قۇرىلىس ماتەريالدارىنىڭ قىمباتتاۋىمەن بايلانىستىرادى. بۇل بولجام قانشالىقتى شىندىققا جاناسادى، پاتەرلەردىڭ قىمباتتاۋىنىڭ العى شارتتارى بار ما؟" دەگەن سۇراق قويىلدى.

"مۇنداي فاكتورلار جوق جانە كۇتىلمەيدى. مەنىڭ ويىمشا، 30% قىمباتتايدى دەگەن بولجام نەگىزسىز. زاۋىتتاردا قۇرىلىس ماتەريالدارىنىڭ باعاسى تۇراقتى. ەگەر جىلدىڭ ورتاسىمەن سالىستىرساق كەرىسىنشە باعا تۇسكەن", - دەدى مارات قاراباەۆ.

ونىڭ ايتۋىنشا، قازاقستان ىشكى نارىقتىڭ 60 پايىزىن قۇرىلىس ماتەريالدارىمەن قامتاماسىز ەتەدى. لينولەۋم، تۇسقاعازدار، كەراميكالىق پليتكالار نەگىزىنەن ەلگە يمپورتتالادى. الايدا الداعى ەكى جىلدا ىشكى نارىقتى وتاندىق تاۋارلارمەن قامتاماسىز ەتەتىن جوبالار بار.

Abai.kz