اتىراۋ وبلىستىق پروكۋراتۋراسىنىڭ باق وكىلدەرىنە ارنالعان كەزەكتى بريفينگى ەكى تاقىرىپتى قوزعادى. ونىڭ ءبىرىنشىسى –«اللا-ايات» جانە «اتا جولى» جشس-ءنىڭ زاڭسىز ارەكەتتەرى بولسا، ەكىنشىسى وبلىستاعى تابيعات قورعاۋ زاڭنامالارىنىڭ ساقتالۋى. بريفينگتى وبلىس پروكۋرورىنىڭ ورىنباسارى مۇرات تولەۋباەۆ جۇرگىزدى.
«اللا-ايات» جانە «اتا جولى» («اق جول») دەپ تە اتالادى، قوزعالىستارى جاقىندا سوزىلمالى، اۋىر دەرتتەردەن زارداپ شەككەن ناۋقاستاردى كۇن ساۋلەسى ارقىلى ەمدەمەك بولعان جالعان ىلىمدەرى ارقىلى اشكەرە بولىپ، جۇرتتىڭ جاعاسىن ۇستاتقان ەدى. ول اكادەميك فارحاد ابدوللاەۆتىڭ ءىلىمىن ءوزىنىڭ نەگىزىنە الىپ، ناۋقاس جانداردى، سونىڭ ىشىندە، ناشاقورلار مەن ماسكۇنەمدەردى دە، ءدارىسىز، اۋىرتپاي قۇلان-تازا ايىقتىراتىن بولعان-مىس. قۇزىرلى ورگاندار تيىم سالعانشا تالايدى قارماعىنا ءتۇسىرىپ، قالتاسىن قامپايتىپ ۇلگەرگەن الاياقتاردىڭ «ەمىنە» قازىر پسيحوتەحنولوگيانى قولدانۋ ارقىلى ادامداردىڭ جۇيكەسىنە كۇش ءتۇسىردى دەگەن ايىپ تاعىلىپ وتىر. «كۇنمەن ەمدەۋ» ءادىسىنىڭ دە سالدارى جەتىپ-ارتىلادى. مەديتسينالىق ساراپتاماعا سۇيەنسەك، «كۇن ساۋلەسىن تىكە كوز جانارىنا تۇسىرۋدەن كوزدىڭ الدىڭعى جانە ارتقى بولىگىنىڭ ءبۇلىنۋى، ياعني، ەلەكترووفتالميا، كوزدىڭ ىشكى تور قابىعىنىڭ كۇيۋى، حوريورەتەنيت اۋرۋلارى پايدا بولعان».

اتىراۋ وبلىستىق پروكۋراتۋراسىنىڭ باق وكىلدەرىنە ارنالعان كەزەكتى بريفينگى ەكى تاقىرىپتى قوزعادى. ونىڭ ءبىرىنشىسى –«اللا-ايات» جانە «اتا جولى» جشس-ءنىڭ زاڭسىز ارەكەتتەرى بولسا، ەكىنشىسى وبلىستاعى تابيعات قورعاۋ زاڭنامالارىنىڭ ساقتالۋى. بريفينگتى وبلىس پروكۋرورىنىڭ ورىنباسارى مۇرات تولەۋباەۆ جۇرگىزدى.
«اللا-ايات» جانە «اتا جولى» («اق جول») دەپ تە اتالادى، قوزعالىستارى جاقىندا سوزىلمالى، اۋىر دەرتتەردەن زارداپ شەككەن ناۋقاستاردى كۇن ساۋلەسى ارقىلى ەمدەمەك بولعان جالعان ىلىمدەرى ارقىلى اشكەرە بولىپ، جۇرتتىڭ جاعاسىن ۇستاتقان ەدى. ول اكادەميك فارحاد ابدوللاەۆتىڭ ءىلىمىن ءوزىنىڭ نەگىزىنە الىپ، ناۋقاس جانداردى، سونىڭ ىشىندە، ناشاقورلار مەن ماسكۇنەمدەردى دە، ءدارىسىز، اۋىرتپاي قۇلان-تازا ايىقتىراتىن بولعان-مىس. قۇزىرلى ورگاندار تيىم سالعانشا تالايدى قارماعىنا ءتۇسىرىپ، قالتاسىن قامپايتىپ ۇلگەرگەن الاياقتاردىڭ «ەمىنە» قازىر پسيحوتەحنولوگيانى قولدانۋ ارقىلى ادامداردىڭ جۇيكەسىنە كۇش ءتۇسىردى دەگەن ايىپ تاعىلىپ وتىر. «كۇنمەن ەمدەۋ» ءادىسىنىڭ دە سالدارى جەتىپ-ارتىلادى. مەديتسينالىق ساراپتاماعا سۇيەنسەك، «كۇن ساۋلەسىن تىكە كوز جانارىنا تۇسىرۋدەن كوزدىڭ الدىڭعى جانە ارتقى بولىگىنىڭ ءبۇلىنۋى، ياعني، ەلەكترووفتالميا، كوزدىڭ ىشكى تور قابىعىنىڭ كۇيۋى، حوريورەتەنيت اۋرۋلارى پايدا بولعان».
«اتا جولى» بىرلەستىگى جارعىسىنا سايكەس وڭتۇستىك قازاقستان وبلىسىنىڭ تاريحي ورىندارىنا تۋريستىك ساپارلار ۇيىمداستىرۋى كەرەك ەكەن. ءىس جۇزىندە، ونىڭ ارەكەتى زاڭعا بىرنەشە جاعىنان قايشى كەلەدى. بىرىنشىدەن، ول باسقا وبلىستارداعى «اتالاردىڭ» باسىنا بارىپ، سيىنۋدى ۇيىمداستىراتىن بولدى. ەكىنشىدەن، وتىرىك ەمدەۋ، ارۋاقپەن تىلدەسۋ ارقىلى قۇراندى ءتۇسىندىرۋ سياقتى ارەكەتتەرگە بارا باستادى. «ارۋاقتاردىڭ باسىنا» بارعانداردىڭ ارقايسىسى 30 مىڭنان 70 مىڭ تەڭگەگە دەيىن تولەگەن جانە بىردە-ءبىرىنىڭ قولىنا قارجىسىنىڭ قايدا كەتكەنى جايلى ءبىر جاپىراق قاعاز دا بەرىلمەگەن. ونىڭ ۇستىنە، «تازارۋ» جانە «ايىعۋ» ءۇشىن «اتانىڭ باسىنا» بىرنەشە رەت بارۋ كەرەك دەپ ۇيىتقان ۇيىمداستىرۋشىلاردىڭ ولاردان ءۇستى-ۇستىنە اقشا العانى انىقتالىپ وتىر. تاعى ءبىر دەرەك، وزدەرىن پايعامبار ەسەبىندە كورسەتكەن اعىم جەتەكشىلەرىنىڭ كوپتى تۇندە كوسموستان ەنەرگيا الاتىنىنا يلاندىرىپ، ەل ۇيقىعا جاتقاندا «وردا» جينالىستارىن وتكىزگەندەرى جايلى دەرەكتەر بار. پروكۋراتۋرا وكىلدەرى ءبىر قاراعاندا شالا ساۋاتتى جانداردىڭ تىرلىگىندەي كورىنەتىن ىسكە كوبىنە-كوپ كۇيزەلىس نەمەسە قايعى-قاسىرەت ۇستىندەگى ادامدار ۇرىنىپ قالعان دەپ ءتۇسىندىردى.

«اتىراۋ» گازەتى 18.05.2009 جىل
http://ag.atyrauakparat.kz/