وسىعان دەيىن اقش "اۋعان دەموكراتياسىنا" دەپ تريلليون دوللار جۇمسادى دەگەن اقپار وقىدىم - راس-وتىرىگىن قايدام...

ولارعا جەل بەرگەن سول اقشا عوي.

اۋعان ۇكىمەتى دە ەكىجۇزدى ساياسي ويىن ويناعان سياقتى: اقش-قا ءبىر ۋادە، اقشاسى مەن قارۋىن العان سوڭ، ونى وزدەرى تالىپتەرگە ساتىپ، نە ولارمەن ءبولىسىپ وتىرعان با دەۋگە بولادى...

ءوز كەزەگىندە تالىپتەر ء"دىندى جامىلىپ" ارابتاردى سورىپ وتىردى. ءسويتىپ، اۋعان ۇكىمەتى دە، تالىپتەر دە، وسىنداي استىرتىن كەلىسىم ارقىلى ەكى جەپ بيگە شىعىپ ءجۇردى...(اناۋ پرەزيدەنت قاشقان سوڭ تابىلعان ميلليونداعان دوللارلار سونىڭ دالەلى بولار مۇمكىن)

سونىمەن، اۋعاندار "قۇدا دا تىنىش، قۇداعي دا تىنىش" دەگەندەي ءومىر ءسۇرىپ جاتتى... - اندا-ساندا "تەراكت جاساپ" قويۋدى دا ۇمىتپادى...

وسى اعىل-تەگىل جاعدايدى بايدەن ءبۇلدىردى... - اقش اقشاسىمەن بىرگە كەتىپ قالدى.

اقش كەتكەسىن "دجيحاد" دەپ جەل ۇرلەپ وتىرعان ارابتار دا ات باسىن تارتا قالدى...

ءسويتىپ، "اۋعاندىق پروبلەمانى" جالعاستىرۋدىڭ اقش-قا دا، ارابقا دا، تىپتەن، الەمدە ەشكىمگە دە ەش ءمان-ماعىناسى قالمادى...

ىلەزدە ءبارى دە ء"وز كۇنىڭدى ءوزىڭ كور" دەگەن ساياساتقا كوشتى...

(تەك قىتاي عانا "بۇل جەردە بىزگە پايدالى قانداي "ساياسي ويىن" بار؟" دەگەن قادامدار جاساۋدا... ولار ۇنەمى سولاي).

ال، حالىقارالىق قاۋىمداستىق "كەرەك بولسا، حالىقارالىق نورماعا ساي گۋمانيتارلىق كومەك بەرەمىز، سەندەرگە بەرەتىن ودان ارتىق زات جوق" دەدى...

ودان ءارى: "اۋعانىستاندا قايسىڭ مەملەكەتتى بيلەيسىڭ - ول ءوز شارۋاڭ، سوعىس-سوعىسپا، مەملەكەتتى دىنمەن باسقاراسىڭ با، جوق الەمدىك قالىپقا ۇمتىلاسىڭ با - ارالاسپايمىز!" - دەدى.

"الايدا، ءدىنىڭدى نە ت.ب. جەلەۋمەن سىلتاۋراتىپ سىرتقا قاۋىپ توندىرە باستاساڭ - تۇمسىعىڭدى بۇزامىز" - دەدى.

اقش قازىر ول "تۇمسىقبۇزعىش جۇدىرىقتى" ورتا ازيا ەلدەرىنىڭ بىرىندە ۇستاماقشى...

رەسەي ءوزى "تۇمسىقبۇزعىش" بولعىسى كەلەدى...

(رەسەي، ءتىپتى، تاليباندى ماسكەۋگە شاقىرىپ الىپ، "ازىرگە تىنىش وتىرا تۇرىڭدارشى، ءبىز ەس جيىپ العانشا" دەدى دە.... ويتكەنى، تالىبتەر ماسكەۋدەن كەلە سالا "بىزگە بەيبىتشىلىك قاجەت. مەملەكەتتى كوتەرۋ قاجەت. بارلىعىمەن جاقسى بولۋ قاجەت" دەپ جاريالادى..

بىراق، ولار وسى سوزىندە تۇرمادى. سەبەبى، ولار ونداي "بەيبىتشىلىككە" ۇيرەنبەگەن. مەملەكەتتى بەيبىت تۇردە باسقارۋ تاجىريبەسى وندا جوق. وندا ءاربىر كوماندير ءتالىپ ء"بىر ءوزى ءبىر مەملەكەت" بولعىسى كەلەدى. تىپتەن، تالىبتەردىڭ ەندى ءوزارا سوعىسىپ كەتۋى ابدەن مۇمكىن نارسە...

سوندىقتان، قازىر تالىبتەر بۇرىنعى قارقىنمەن، جيعان-تەرگەن قارۋىمەن كورشى ەلدەرگە ءتيىسۋىمىز مۇمكىن دەپ، باياعى "اۋەنىنە" باسا باستادى...

(ارينە، سولاي ەتسە بۇرىنعىداي "قويىڭدار ەندى، ءما ساعان اقشا" دەپ سىرتتان تاعى اقشا اعىلا ما دەگەن ەسكى دامەمەن...).

سول سەبەپتى، ولار قازىر دە بۇرىنعىداي ەكى ءجۇزدى سويلەۋدە: ءبىرى - مەملەكەتىمىزدى دامىتامىز دەيدى، ەكىنشىسى - ءدىندى جەلەۋ ەتىپ كورشىلەردىڭ جاعاسىنا جارماسامىز دەيدى...

بىراق، ولار ونى ازىرگە ءوز شەگاراسى ىشىندە ايتقان سوڭ، وعان الەم تاراپىنان رەاكتسيا از...

ال ەگەر سول ءتالىپ ءوز قارۋىمەن اۋعان شەگاراسىنان ءبىر قادام سىرتقا اتتاسا - سول ساتتەن اق جەر ءجۇزى ونى "اۋعاندىق اگرەسسيا" دەپ، ولاردىڭ تۇمسىعىن تاپتاپ تاستايتىن تەتىكتەر ىسكە قوسىلار ەدى...

(الەم سوعان دايىندالۋدا. ءتالىپ ونى بىلەدى... سول سەبەپتى، داڭعازادان ارى بارا قويماس...)

بارا قالسا، ونىمەن شەگارالاس تاجىكتەر دە، وزبەكتەر دە ولاردى ايامايدى...

ءابدىراشيت باكىرۇلى

Abai.kz