مەملەكەت باسشىسى قاسىم-جومارت توقاەۆ 1 قىركۇيەكتە قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسىندا قازاقستان حالقىنا «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جىل سايىنعى جولداۋىن جاريالادى.

جولداۋدا: پاندەميادان كەيىنگى كەزەڭدەگى ەكونوميكالىق دامۋ; دەنساۋلىق ساقتاۋ جۇيەسىنىڭ تيىمدىلىگىن ارتتىرۋ; ساپالى ءبىلىم بەرۋ; وڭىرلىك ساياساتتى جەتىلدىرۋ; ەڭبەك نارىعىندا ءتيىمدى ەكوجۇيە قالىپتاستىرۋ; ساياسي جاڭعىرۋ جانە ادام قۇقىعىن قورعاۋ; ۇلتتىڭ ۇيىسۋى – ودان ءارى دامۋدىڭ باستى فاكتورى اتتى ماسەلەلەر قارالدى.

سونىمەن قاتار، مەملەكەت باسشىسى بەس باستامانى ۇسىندى. ولار: ەڭ تومەنگى جالاقى دەڭگەيىن ءوسۋ باعىتىندا قايتا قاراۋ جانە ونى سالىقتىق، الەۋمەتتىك جانە باسقا دا سالالاردا ەسەپتىك كورسەتكىش   رەتىندە ورىنسىز پايدالانۋدى توقتاتۋ; ءوز جۇمىسشىلارىنىڭ جالاقىسىن كوبەيتۋگە ىنتالاندىراتىن «ۇتىمدى» شارالارىن ازىرلەۋ، اتاپ ايتقاندا رەتتەلەتىن ساتىپ الۋدى   ىنتالاندىرۋ جانە مەملەكەتتىك قولداۋعا جەڭىلدىكپەن قول جەتكىزۋ; ميكرو جانە شاعىن بيزنەس ءۇشىن جالاقى قورىنان بىرىڭعاي تولەمدى 34% -دان 25% -عا دەيىن تومەندەتۋ; مادەنيەت سالاسى قىزمەتكەرلەرىنىڭ، تەحنيكالىق جۇمىسشىلاردىڭ، جۇرگىزۋشىلەردىڭ جانە باسقا كاسىپ وكىلدەرىنىڭ جالاقىسىن كوتەرۋ; قولجەتىمدى تۇرعىن ءۇي يپوتەكاسىنىڭ باعدارلاماسىن ازىرلەۋ.

ادامدار ءۇشىن باستى قاعيداتتاردىڭ ءبىرى تۇرعىن ءۇي ماسەلەسى بولىپ تابىلادى، دەلىنگەن جولداۋدا. مەملەكەت باسشىسىنىڭ تاپسىرماسى بويىنشا تۇتاس تۇرعىن ءۇي باعدارلاماسى ازىرلەنەتىن بولادى. «ونىڭ اكىمشىسى ۇلتتىق دامۋ ينستيتۋتىنا اينالاتىن «وتباسى بانك» بولادى. بانك الدىندا «ءبىر تەرەزە قاعيداتى» بويىنشا ازاماتتاردىڭ اراسىندا تۇرعىن ءۇيدى ەسەپكە الۋ مەن ءبولۋدى قامتاماسىز ەتۋ مىندەتى تۇر»، - دەدى قاسىم-جومارت توقاەۆ.

سونداي-اق، پرەزيدەنت زەينەتاقى جيناقتارىن مەرزىمىنەن بۇرىن پايدالانۋ باستاماسىنا وڭ باعا بەرىپ، زەينەتاقى جيناقتارىن ودان ءارى پايدالانۋعا قاتىستى ايتتى. «وسى ءۇردىستى قولداۋ ءۇشىن زەينەتاقى جيناقتارىنىڭ ءبىر بولىگىن كەيىننەن تۇرعىن ءۇي ساتىپ الۋ ءۇشىن «وتباسى بانكىندەگى» شوتقا جەتكىلىكتىلىك شەگىنەن جوعارى اۋدارۋعا رۇقسات بەرۋ قاجەت دەپ سانايمىن. بۇل سونداي - اق قاراجات جيناۋ، ولاردى ساۋاتتى باسقارۋ ادەتىن ىنتالاندىرۋعا مۇمكىندىك بەرەدى»، - دەپ اتاپ ءوتتى ەل پرەزيدەنتى. ءسوز سوڭىندا قاسىم-جومارت توقاەۆ پارلامەنتتىڭ اعىمداعى جىلعى جۇمىسىن قىسقاشا قورىتىندىلاپ، زاڭ جوبالارىن ودان ءارى ساپالى ءارى تەرەڭ پىسىقتاۋ قاجەتتىگىن اتاپ ءوتتى.

قانات بايۇزاقوۆ، ساياساتتانۋشى

Abai.kz