الماتى اۋەجايىندا ۇشاق پەن كولىكتىڭ قاتىسۋىمەن وقىس وقيعا بولدى.  الەۋمەتتىك جەلىلەردە الماتى حالىقارالىق اۋەجايىنىڭ ۇشۋ-قونۋ جولاعىندا بولعان وقيعانىڭ ۆيدەوسى پايدا بولدى. كادرلاردا كولىكتىڭ ۇشاقتىڭ قاناتىنىڭ استىنا كىرىپ كەتكەنى كورىنەدى.

الماتى حالىقارالىق اۋەجايىنىڭ ءباسپاسوز قىزمەتى ماگيسترال مەن تاكسي جولىنىڭ قيىلىسىندا ۇشاق اۋەجاي قىزمەتتەرىنىڭ ءبىرىنىڭ كولىگىمەن سوقتىعىسقانىن راستادى. زارداپ شەككەندەر جوق. قازىر تەرگەۋ ءجۇرىپ جاتىر.

ۇشاقتىڭ FlyJet.kz تيەسىلى ەكەندىگى تۋرالى اقپاراتتى اۋەجاي دا راستادى. ۇشاق باكۋدەن ۇشىپ، 22 قازان كۇنى تاڭەرتەڭ ساعات 6:43-تە الماتى اۋەجايىنا قونعان.

كولىك پوليتسياسى باسقارماسى قىلمىستىق كودەكستىڭ 344-بابىنىڭ 1-بولىگىمەن (جول قوزعالىسى قاۋىپسىزدىگى ەرەجەلەرىن جانە اۋە كولىگىنىڭ جۇمىسىن بۇزۋ) سوتقا دەيىنگى تەرگەۋ باستالعانى تۋرالى حابارلادى.

Abai.kz