اسا قامقور ەرەكشە اللانىڭ اتىمەن باستايمىن!

قازاقستان مۇسىلماندارى ءدىني باسقارماسىنىڭ

مالىمدەمەسى

قارت قارا جەر بۇگىنگە دەيىن قانشاما زۇلمات قىلمىستار مەن اۋىر كۇنالاردى كوتەرىپ كەلگەنى ءمالىم. ءبىر بەلگىلىسى، قاسيەتتى قۇراننىڭ تالىمىنە سۇيەنسەك، قارا جەردىڭ ءوزى ۇستىندە جاسالعان بارلىق جاقسىلىق پەن جاماندىقتى بايان ەتەتىن كۇن كەلەدى (قاراڭىز: «ءزىلزالا» سۇرەسى، 4-ايات). الايدا وسى ءبىر اقيقاتقا كوز جۇما قاراپ، جەر بەتىندە ارسىزدىق پەن  ازعىندىقتى جايعان زالىمدار تاريحتا از بولماعان. حايۋان ەكەش حايۋان دا جاسامايتىن كەيبىر قىلىقتار ادام بويىنان تابىلدى. ماسەلەن، ادامدى قۇدايعا ەمەس، وزىنە تابىندىرعان پەرعاۋىننىڭ ءولىمى، لۇت قاۋىمىنىڭ جەر بەتىنەن تىپ-تيپىل جويىلۋى، نۇح پايعامبار (ع.س.) سوزىنە قۇلاق اسپاعانداردى تىرىدەي جۇتقان توپان سۋ، ءبارى دە ازعىندىق پەن شەكتەن شىعۋشىلىقتىڭ سالدارى ەدى.

اسا قامقور ەرەكشە اللانىڭ اتىمەن باستايمىن!

قازاقستان مۇسىلماندارى ءدىني باسقارماسىنىڭ

مالىمدەمەسى

قارت قارا جەر بۇگىنگە دەيىن قانشاما زۇلمات قىلمىستار مەن اۋىر كۇنالاردى كوتەرىپ كەلگەنى ءمالىم. ءبىر بەلگىلىسى، قاسيەتتى قۇراننىڭ تالىمىنە سۇيەنسەك، قارا جەردىڭ ءوزى ۇستىندە جاسالعان بارلىق جاقسىلىق پەن جاماندىقتى بايان ەتەتىن كۇن كەلەدى (قاراڭىز: «ءزىلزالا» سۇرەسى، 4-ايات). الايدا وسى ءبىر اقيقاتقا كوز جۇما قاراپ، جەر بەتىندە ارسىزدىق پەن  ازعىندىقتى جايعان زالىمدار تاريحتا از بولماعان. حايۋان ەكەش حايۋان دا جاسامايتىن كەيبىر قىلىقتار ادام بويىنان تابىلدى. ماسەلەن، ادامدى قۇدايعا ەمەس، وزىنە تابىندىرعان پەرعاۋىننىڭ ءولىمى، لۇت قاۋىمىنىڭ جەر بەتىنەن تىپ-تيپىل جويىلۋى، نۇح پايعامبار (ع.س.) سوزىنە قۇلاق اسپاعانداردى تىرىدەي جۇتقان توپان سۋ، ءبارى دە ازعىندىق پەن شەكتەن شىعۋشىلىقتىڭ سالدارى ەدى.

ەندى، مىنە، عاسىرلار بويى مۇسىلمان بولىپ كەلگەن قازاق ەلى نەبىر زۇلماتتاردان امان ءوتىپ، جاڭا زامانعا اياق تىرەپ، ەڭسەسىن تىكتەپ، يماندى ومىرگە بەت بۇرا باستاعاندا، «جەر استىنان جىك شىقتى، ەكى قۇلاعى تىك شىقتى». سارىارقانىڭ توسىندە، دالىرەك ايتقاندا، اسەم قالا استانادا جاستار اراسىندا سوراقى سايىس وتكىزۋ تۋرالى «باستاما» ەستى جۇرتتى ەلەڭ ەتكىزدى ءھام ۇلت پەن ءدىن جاناشىرلارىنىڭ نارازىلىعىن تۋدىردى. وعان 13 شىلدە كۇنى وتەتىن سايىستا استانا جاستارىنىڭ اردان بەزۋى سەبەپ بولماق. وسىناۋ بالەلى ءىستىڭ باسى-قاسىندا جۇرگەن ەربول قۇشۇعىلوۆ وسىعان دەيىن (2010 جىلدىڭ 25 جەلتوقسانىندا) «نۇر استانا» مەشىتى جانىنداعى «ASIA PARK» ساۋدا ۇيىندە تىرداي جالاڭاشتار جارىسىن وتكىزىپ، ۇلتتىق ار-نامىستى اياق استى ەتكەنى ەسىمىزدە. ەندى ەكى كۇن بويى (48 ساعات) بۇعاناسى بەكىمەگەن، رۋحاني دىڭگەگى قاتپاعان جاستاردى جۇرت كوزىنشە ءسۇيىستىرىپ، بويلارىن ارسىزدىققا ۇيرەتپەك. جاستاردى جالاڭاشتاۋ دا، ءسۇيىستىرۋ دە - تۇپتەپ كەلگەندە ۇلتتى ازعىندىققا سالۋدىڭ العاشقى باسپالداقتارى.

بۇل ءبىزدىڭ ەلدىڭ يماندىلىعى مەن ادامشىلىعىن ساراپقا سالارى انىق. «كۇنالى ىسپەن «گيننەس» كىتابىنا ەنەمىز» دەگەن ويدىڭ ءوزى نەتكەن قورقىنىشتى، ءارى جيىركەنىشتى.

سان عاسىردان بەرى ۇلىنىڭ يمانى مەن قىزىنىڭ يباسىن ومىرىنە تىرەك ەتىپ كەلگەن مومىن قازاقتىڭ ىشىنەن وسىنداي پايىمسىز تەنتەگىن تىياتىن اتقا مىنەر تابىلمايدى دەگەنگە سەنگىمىز كەلمەيدى.

كۇنى كەشە عانا بۇكىل قازاق مۇسىلمان ەل ەكەنىمىزدى ايداي الەمگە پاش ەتتىك. عاجايىپ «ازىرەت سۇلتان» مەشىتى اشىلدى. مىنە، بۇگىندە رۋحاني كەلىسىمنىڭ ورداسىنا اينالعان استانادا ۇلت بولاشاعى - ۇل مەن قىزىمىزدى سۇيىسۋدەن جارىستىرۋ قانشالىقتى ورىندى؟ اي دەيتىن اجا، قوي دەيتىن قوجا بولماسا، ەرتەڭ ەلىمىزدە اشىق زينا جاساۋدان بايقاۋ وتكىزەمىز دەيتىندەر شىقپاسىنا كىم كەپىل؟

ادامزاتتىڭ اسىلى ارداقتى پايعامبارىمىز مۇحاممەد مۇستافا (س.ع.س.) حاديستەرىنىڭ بىرىندە: «ەگەر ءبىر جاماندىقتى كورسەڭ، قولمەن تۇزەت، وعان شاماڭ كەلمەسە، تىلمەن ايت، وعان دا كۇشىڭ جەتپەسە، جۇرەكپەن جەك كور. بۇل - يماننىڭ ەڭ ءالسىزى»، - دەگەن.

ەندەشە ەل تورىندە وسىنداي سوراقى ءىستى بولدىرماۋعا بارشامىز جاۋاپتىمىز. سوندىقتان «ارىم - جانىمنىڭ ساداعىسى» دەپ وتكەن اردا قازاقتىڭ بۇگىنگى ۇرپاقتارى بۇل ىسكە بەي-جاي قارامايدى دەگەن سەنىمدەمىز.

"اباي-اقپارات"