10 جىل بۇرىن سەيف ءال-يسلامنىڭ اكەسى ونداعان جىل ليۆيانى بيلەپ كوتەرىلىس ارقىلى تاقتان شەتتەتىلگەن. باتىس ەلدەرىنىڭ اۋە سوققىسىنان ول قايتىس بولعان. سودان بەرى ليۆيادا ازاماتتىق سوعىس جالعاسىپ كەلدى. ەلدىڭ باتىسى مەن شىعىسى ءالى كۇنگە دەيىن ءارتۇرلى كۇشتەردىڭ ىقپالىندا. تەك بيىل عانا سايلاۋ وتكىزىپ، ءبىر ۇكىمەت قۇرۋعا كەلىسكەن.
تاق مۇراگەرى رەتىندە اتالىپ كەلگەن كاددافيدىڭ ۇلى اكەسى قايتىس بولعاننان كەيىن قارۋلى توپتىڭ بىرىندە تۇتقىندا بولدى. تريپوليدا ونى ءولىم جازاسىنا دا كەسكەن. بىراق كەيىن سوت ۇكىمى جويىلىپ، ول بوستاندىققا شىققان. ول سوڭعى جىلدارى مۇلدەم كورىنبەي كەتكەن. تەك اندا-ساندا باتىس باسىلىمدارىنا سۇقبات بەرگەن.
BBC-ءدىڭ جازۋىنشا، كاددافي ليۆيادا ءارتۇرلى ورتادا تانىمال تۇلعا بولىپ قالا بەرەدى. بىراق ونىڭ اكەسى قۇرعان رەجيمدى جەك كورۋشىلەر وتە كوپ.
كاددافيدەن بولەك سايلاۋعا گەنەرال حاليفا حافتار، پرەمەر-مينيستر ابدۋدحاميد ءال-دبەيب، بەنگازيدەگى پارلامەنت سپيكەرى اگيلا سالەح قاتىسىپ جاتىر.
Abai.kz
