نۇرلان ءسادىر. مالدار
(زووەرتەگى)
باياعىدان بەرى مالدار مالشىلاردىڭ قاراۋىندا تۇرىپ جاتتى. بىلاي ءبارى جاقسى: مالشىلار مالعا بەلگىلى ءبىر مەزگىلدە ءالسىن-ءالسىن ازىعىن بەرىپ تۇرادى، قىستا جىلى جەردە ۇستايدى، ايداعانىمەن جۇرسە، بوستان-بوسقا اقىرىپ ۇرىپ-سوقپايدى. بىلاي ايتقاندا مال سياقتى قارايدى. بىراق مالدىڭ دا ءتۇرلى-ءتۇرلىسى بولادى عوي، كەيبىرەۋلەرى «وسى مالشىلاردىڭ بىزگە وسىلاي قاراۋعا قانداي قۇقىعى بار؟» دەگەن اڭگىمە كوتەرە باستادى. كەزدەسۋگە قول جەتكىزىلگەن ۇلكەن مالشىنىڭ كىشى كومەكشىسىنىڭ كەزەكتى كۇيەۋ بالاسىنا سول مالدىڭ ءبىر توبى بارىپ وسى سۇراعىن قويماي ما؟!.
- ەندى، سەندەر مال بولعاسىن ءبىز سەندەردى اسىرايمىز، سوندىقتان بىلگەنىمىزدى ىستەيمىز.
- شىندىعىندا ءسىز ءبىزدى اسىراپ وسىرعان جوقسىزدار. ىشكەن-جەگەنىمىزدىڭ ءبارى تۇپتەپ كەلگەندە - تابيعاتتىڭ سىيى.
- ءبىز دە كەزىندە ادام بولعانبىز، - دەدى توپ ىشىنەن ءبىر مال. سوسىن ىلە-شالا: «ءيا، مال بولعانىمىزعا ءبىر جاعىنان ءوزىمىزدىڭ دە كىنامىز بار - مىناۋ كەزىندە ادال-ارامدى تاڭداماي شوشقا بولدى، مىنا بىرەۋ شوشاقايلىعىنان ەشكىگە اينالدى، ال ...»
- توقتات! مال ەكەندىگىڭدى دالەلدەيتىن بەلگىلەرىڭ تولىپ جاتىر: وزدەرىڭ نە دەسە دە كونە بەرەسىڭدەر، قوراعا كىرگىزسەك، كىرە بەرەسىڭدەر، ىشكەن-جەگەن جۋىندىلارىڭا ريزاسىڭدار، ۇرساق تا، ءتىپتى ولتىرسەك تە قىڭق دەگەن دىبىستارىڭ شىقپايدى. وسىدان سوڭ ەندى مال ەمەي، نەسىڭدەر؟ مال ەمەستىكتەرىڭدى دالەلدەڭدەر، مىنە، سوندا اڭگىمە باسقا! ءايدا پوشەل، كەت!
(زووەرتەگى)
باياعىدان بەرى مالدار مالشىلاردىڭ قاراۋىندا تۇرىپ جاتتى. بىلاي ءبارى جاقسى: مالشىلار مالعا بەلگىلى ءبىر مەزگىلدە ءالسىن-ءالسىن ازىعىن بەرىپ تۇرادى، قىستا جىلى جەردە ۇستايدى، ايداعانىمەن جۇرسە، بوستان-بوسقا اقىرىپ ۇرىپ-سوقپايدى. بىلاي ايتقاندا مال سياقتى قارايدى. بىراق مالدىڭ دا ءتۇرلى-ءتۇرلىسى بولادى عوي، كەيبىرەۋلەرى «وسى مالشىلاردىڭ بىزگە وسىلاي قاراۋعا قانداي قۇقىعى بار؟» دەگەن اڭگىمە كوتەرە باستادى. كەزدەسۋگە قول جەتكىزىلگەن ۇلكەن مالشىنىڭ كىشى كومەكشىسىنىڭ كەزەكتى كۇيەۋ بالاسىنا سول مالدىڭ ءبىر توبى بارىپ وسى سۇراعىن قويماي ما؟!.
- ەندى، سەندەر مال بولعاسىن ءبىز سەندەردى اسىرايمىز، سوندىقتان بىلگەنىمىزدى ىستەيمىز.
- شىندىعىندا ءسىز ءبىزدى اسىراپ وسىرعان جوقسىزدار. ىشكەن-جەگەنىمىزدىڭ ءبارى تۇپتەپ كەلگەندە - تابيعاتتىڭ سىيى.
- ءبىز دە كەزىندە ادام بولعانبىز، - دەدى توپ ىشىنەن ءبىر مال. سوسىن ىلە-شالا: «ءيا، مال بولعانىمىزعا ءبىر جاعىنان ءوزىمىزدىڭ دە كىنامىز بار - مىناۋ كەزىندە ادال-ارامدى تاڭداماي شوشقا بولدى، مىنا بىرەۋ شوشاقايلىعىنان ەشكىگە اينالدى، ال ...»
- توقتات! مال ەكەندىگىڭدى دالەلدەيتىن بەلگىلەرىڭ تولىپ جاتىر: وزدەرىڭ نە دەسە دە كونە بەرەسىڭدەر، قوراعا كىرگىزسەك، كىرە بەرەسىڭدەر، ىشكەن-جەگەن جۋىندىلارىڭا ريزاسىڭدار، ۇرساق تا، ءتىپتى ولتىرسەك تە قىڭق دەگەن دىبىستارىڭ شىقپايدى. وسىدان سوڭ ەندى مال ەمەي، نەسىڭدەر؟ مال ەمەستىكتەرىڭدى دالەلدەڭدەر، مىنە، سوندا اڭگىمە باسقا! ءايدا پوشەل، كەت!
(مەن وسى اڭگىمەنىڭ ەرىكسىز كۋاسى بولىپ، مالداردى قاتتى اياپ كەتتىم. ءبىر جاعىنان مال بولعانى ءۇشىن وزدەرىنە دە وبال جوق. نەگىزى، مال بولماۋدىڭ جولىن مەن تىم جاقسى بىلەم، بىراق قورقام. ءاي، ءوزىم دە مالمىن-اۋ!...)
«اباي-اقپارات»
