2020-2025 جىلدار ارالاعىندا ەلىمىزدە 38302 ورىنعا ارنالعان 316 بالاباقشا اشۋ مىندەتىلىپ وتىر. بۇل –  «قازاقستان-2050» مەملەكەتتىك ستراتەگيالىق جوباسىنىڭ ءبىلىم سالاسىنا قاتىستى بەس جىلدىق جوسپارىندا بەكىتىلگەن. بۇل تۋرالى Abai.kz اقپاراتتىق پورتالى حابارلايدى. 

Abai.kz اقپاراتتىق پورتالى 2021 جىلدى قورىتىندىلاي وتىرىپ، الماتى وبلىسىنداعى بالالاردى بالاباقشامەن قامتۋ جۇمىستارىنا از-كەم شولۋ جاساعان ەدىك. قاراپ شىعامىن دەسەڭىز، مارحابات: سونىمەن وبلىستاعى بالاباقشامەن قامتۋ جايى قالاي؟  سوڭعى جىلدارى مەكتەپكە دەيىنگى تاربيە مەن ءبىلىم بەرۋدى دامىتۋ ءۇشىن مەملەكەت پەن جەكەمەنشىك مەكەمەلەر اراسىندا سەرىكتەستىك ورناتىلعان. سونىڭ ناتيجەسىندە جالعىز الماتى وبلىسىندا 1340 بالاباقشا جۇمىس ىستەپ تۇر. ونىڭ 845-ءى جەكەمەنشىك مەكەمە. ال، 3-6 جاس ارالىعىنداعى مەكتەپكە دەيىنگى بۇلدىرشىندەرگە ءبىلىم مەن تاربيە بەرۋدى كورسەتكىشى 98,5 پايىزعا جەتەدى.

بالاباقشا سانىنىڭ ارتىپ، بۇلدىرشىندەرگە تاربيە بەرۋ ءىسى تاۋەلسىزدىك العان جىلداردان باستاپ قولعا الىنىپ كەلە جاتقان ءىس. مىسالى، 1997-2000 جىلدارى 47 بالاباقشادا بالالاردىڭ 3,1 پايىزى عانا ءبىلىم السا، 2001-2005 جىلدار ارالىعىندا 51 بالاباقشادا بالالاردىڭ 5,4 پايىزى بىلىممەن قامتىلعان. كەيىن مەملەكەت باسشىسىنىڭ تاپسىرماسىمەن مەكتەپكە دەيىنگى ءبىلىم بەرۋ مەن تاربيە بەرۋ ورتالىقتارىن سالۋ مەن قالپىنا كەلتىرۋ جۇمىستارى قىزۋ جۇرگىزىلدى.

2010-2014 جىلدارى بالالاردى مەكتەپكە دەيىنگى تاربيەمەن جانە وقىتۋمەن قامتاماسىز ەتۋ ماقساتىندا «بالاپان» باعدارلاماسى ىسكە قوسىلدى. سونىڭ ناتيجەسىندە، بالاباقشالار 33 مىڭعا، ياعگي 3 ەسەگە ءوسىپ، 2014 جىلى 64 پايىزعا جەتتى. 2005-2020 جىلدارى 91 432 ورىنعا ارنالعان 867 بالاباقشا مەن 334 بوبەكتەرگە ارنالعان شاعىن ورتالىقتار جۇمىس ىستەي باستادى. ونىڭ ىشىندە 43 بالاباقشا كۇردەلى جوندەۋدەن ءوتىپ، جاڭارتىلىپ سالىندى. ەرتەرەكتە جەكەمەنشىككە ءوتىپ كەتكەن 100 شاقتى مەكەمە ۇكىمەت قاراماعىنا ءوتىپ، جاڭارتىلدى.

Abai.kz