«اق جول» قازاقستاننان وفشورعا قاراجاتتى كىمدەردىڭ شىعارعانىن جاريالاۋدى تالاپ ەتتى. بۇل تۋرالى ءماجىلىس دەپۋتاتى ماقسات رامانقۇلوۆ «اق جول» فراكتسياسىنىڭ دەپۋتاتتىق ساۋالىندا مالىمدەدى.

قر قارجى مونيتورينگ اگەنتتىگىنە

پرەزيدەنت ق.توقاەۆ سىبايلاس جەمقورلىققا قارسى كۇرەس ماسەلەلەرىنە ارنالعان كەشەگى كەڭەستە بۇل دەرت ەلىمىزدىڭ دامۋىنا ەلەۋلى قيىندىقتار تۋعىزاتىنىن ايتتى. مەملەكەت باسشىسى سىبايلاس جەمقورلىقتى جويۋ جونىندە  تاپسىرمالار بەردى.

«اق جول» دەموكراتيالىق پارتياسىنىن ساياسي باعدارلاماسىندا سىبايلاس جەمقورلىق مەملەكەتتىگىمىزگە  نەگىزگى ءۇش قاتەردىڭ ءبىرى رەتىندە كورسەتىلگەن.

بۇگىنگى تاڭدا كازاقستان حالقىنىڭ ۇرلانعان قىرۋار قاراجاتتىن ەلگە قايتارۋدى  ماڭىزدى ماسەلە دەپ سانايمىز.

ءبىزدىڭ فراكتسيا سونعى جىلدارى، «پاناما ءتىزىمى»، «رايسكوە دوسە» جانە، شۆەيتساريا بانكتەرىنىڭ قازاقستاندىقتىردىڭ  شوتتارىنا  قاتىستى دەپۋتاتتىق ساۋالدارىمىزدا وسى ماسەلەلەردى بىرنەشە رەت كوتەرگەن بولاتىنبىز.

«Tax Justice network» حالىقارالىق ۇيىمىنىڭ مالىمەتى بويىنشا، سوڭعى 25 جىلدا قازاقستاننان شەتەلدىك وففشورلارعا شامامەن 140-160 ميلليارد اقش دوللارى شىعارىلعان، بۇل بۇكىل ەلدىڭ جىلدىق ىشكى جالپى ءونىمى مەن ونىڭ سىرتقى قارىزىنا تەڭ.

كەيبىر مالىمەتتەرگە سايكەس، سوڭعى بەس جىلدا قازاقستان رەسپۋبليكاسىنىڭ قۇقىق قورعاۋ ورگاندارى قاراجاتتى شەتەلگە زاڭسىز شىعارۋ فاكتىلەرى بويىنشا ەكى جۇزدەن استام ءىس قوزعاعان.

الايدا، ناقتى ناتيجەلەرى تۋرالى ەشتەڭە بەلگىسىز.

سونىمەن قاتار، قاڭتار قاسىرەتىندى كەيبىر وليگارحتار قازاقستاننان جەكە ۇشاقتارمەن كەتىپ قانا قويماي، قىرۋار قارجىنى شەتەلدەگى ەسەپشوتتارعا اۋدارعانى تۋرالى رەسمي ەمەس اقپارات بار.

وسىعان بايلانىستى «اق جول»  فراكتسياسى قارجى مونيتورينگى اگەنتتىگىنەن كەلەسى سۇراقتارعا جاۋاپ بەرۋدى تالاپ ەتەدى:

1) اگەنتتىك قۇرىلعاننان بەرى قازاقستان ەكونوميكاسىنا وففشورلىق ايماقتاردان ناقتى قانشا قاراجات قايتارىلعان تۋرالى اقپارات بەرۋ.

2) قاڭتارداعى قايعىلى وقيعالار كەزىندە قازاقستاننان شەتەلگە قانداي ءىرى قاراجات شاعارىلدى (ميلليون اقش دوللاردان كوپ سۋممالار), ونى كىمدەر شىعاردى، كىمدەردىڭ شوتتارىنا ءتۇستى.

سول كۇردەلى كۇندەردە كولەڭكەلى كاپيتالدار شىعارىلدى، دەگەن كۇمانىمىز بار. ول ادامدار تاعدىرىن ەلىمىزبەن بايلانىستىرماسا، قالاعان جەردە قالا بەرسىن.  بىراق شىعارىلعىن قاراجات حالىقتان ۇرلانعان بولسا، ەلىمىزگە قايتارىلىپ، ەكونوميكاعا جۇمىس ىستەسىن.

3) سوندىقتان بۇنداي فاكتىلەر بولعان جاعدايدا، سالىق ورگاندارىنان مۇنداي قارجىنىڭ شىعۋىنىڭ زاڭدىلىعىن، جانە ولاردىڭ ءتيىستى سالىقتاردى تولەگەنىن تەكسەرۋىن سۇرايمىز.

قۇرمەتپەن،

«اق جول» فراكتسياسىنىڭ دەپۋتاتتارى

Abai.kz