رەسەي ۋكرايناعا قارسى سوعىس اگرەسسياسىن باستاعان 10 كۇن ىشىندە بوسقىنداردىڭ سانى 1,5 ميلليونعا جەتتى. بۇل تۋرالى بۇۇ بوسقىندار ىستەرى بويىنشا جوعارعى كوميسسارى فيليپپو گراندي مالىمدەدى.

ونىڭ سوزىنشە، "بۇل ەكىنشى دۇنيەجۇزىلىك سوعىستان بەرگى ەۋروپاداعى ميگراتسيالىق داعدارىس".

ۋكراينانىڭ جوعارعى راداسىنىڭ ادام قۇقىقتارى بويىنشا ارنايى وكىلى ليۋدميلا دەنيسوۆا "لۋگانسك حالىقتىق رەسپۋبليكاسى" (لحر) دەپ اتالعان جىكشىل ايماقتىڭ باقىلاۋىنا وتكەن جەرگىلىكتى تۇرعىندارعا لحر تولقۇجاتىن الۋعا ماجبۇرلەپ جاتقانىن جەتكىزدى. ونىڭ ايتۋىنشا، تۇرعىنداردىڭ ۋكراينالىق تولقۇجاتىن كۇشپەن تارتىپ الىپ جاتىر. ازىرگە بۇل مالىمەتتى باسقا بۇلاقتاردان راستاۋعا مۇمكىن بولمادى.

وسى ورتادا ورىس ارمياسىنىڭ قورشاۋىندا قالعان ماريۋپول قالاسىنىڭ حالقىن شىعارىپ الۋ ارەكەتى ىسكە اسپاي جاتقانى حابارلاندى. رەسەي قولداپ وتىرعان جىكشىلدەر مەن ۋكراين بيلىگى گۋمانيتارلىق دالىزگە جاعداي جاساماي جاتىر دەپ ءبىرىن ءبىرى كىنالاپ جاتىر. 400-دەي ادامدى ەۆاكۋاتسيالاۋ جەكسەنبى تۇستەن كەيىن جالعاسۋ كەرەك بولعان.

حالىقارالىق "شەكاراسىز دارىگەرلەر" ۇيىمى ماريۋپولداعى گۋمانيتارلىق جاعدايدى اپات دەپ اتادى – قالادا سۋ، ەلەكتر ەنەرگياسى جانە جىلۋ جوق.

Abai.kz