قاڭتار وقيعاسى كەزىندە 11 ايماقتا اگرەسسيۆتى توپتار زورلىق-زومبىلىق ساتىسىنا ءوتتى. بۇل تۋرالى پارلامەنت ءماجىلىسىنىڭ جالپى وتىرىسىندا باس پروكۋرور بەرىك اسىلوۆ مالىمدەدى.

«4 جانە 5 قاڭتاردا ازاماتتار جيىنى اگرەسسيۆتى توپقا اينالىپ، 11 ايماقتا زورلىق-زومبىلىق ساتىسىنا ءوتتى. ۇيىمداستىرۋشىلار ايقىن جوسپارمەن ارەكەت ەتتى. «Whats up» جانە «telegram» ارقىلى توپتىڭ جينالۋى مەن قوزعالىسىن ۇيلەستىردى. ولار كوپ ادامدى جيناپ الىپ، ارماتۋرا، تاياق، تاس، «مولوتوۆ كوكتەيلىمەن» قارۋلاندى. كەيىننەن توپتىڭ ءبىر بولىگى دۇكەندەردى قيراتىپ، توناۋعا كىرىستى. توناۋدان كەيىن، قىلمىستىڭ ءىزىن جاسىرۋ ءۇشىن، ءتىپتى كوپپاتەرلى ۇيلەردىڭ ءبىرىنشى قاباتىنداعى ءۇي-جايلاردى ورتەگەن.

باسقا قارۋلى توپتار ماقساتتى تۇردە، اكىمدىكتەردىڭ، پرەزيدەنت رەزيدەنتسياسىنىڭ، پوليتسيانىڭ، ۇلتتىق قاۋىپسىزدىك كوميتەتىنىڭ عيماراتتارىنا شابۋىل جاساپ، باسىپ الدى. الماتىداعى اۋەجاي مەن باسقا دا نىسانداردى قيراتتى. ولار قورشاۋدى قالاي بۇزۋ كەرەكتىگىن ءبىلىپ، پوليتسياعا شابۋىل جاسادى، اتىس قارۋىن الۋ ءۇشىن، اڭشى دۇكەندەرىن تونادى. تەلەەفيرگە شىعۋعا تىرىستى، ول ىسكە اسپاي قالعان كەزدە، تەلەكومپانيا كەڭسەلەرىن توناپ، ورتەپ جىبەردى»، - دەدى بەرىك اسىلوۆ.

Abai.kz