كارىم ءماسىموۆ 17 جىلعا سوتتالۋى مۇمكىن
ءماجىلىس وتىرىسىندا باس پروكۋرور بەرىك اسىلوۆ ۇقك-ءنىڭ بۇرىنعى باسشىسى كارىم ءماسىموۆتىڭ 17 جىلعا باس بوستاندىعىنان ايىرىلۋى مۇمكىن ەكەنىن ايتتى.
باس پروكۋرور ۇقك-ءنىڭ بۇرىنعى باسشىسى مەن ونىڭ ءۇش ورىنباسارىنا قاتىستى قىلمىستىق ءىس قوزعالعانىن اتاپ ءوتتى. "ولار قاماۋعا الىندى. باعاسىن ادىلەت ورگاندارى بەرەدى. بۇل قىلمىس ءۇشىن قازاقستان رەسپۋبليكاسىنىڭ قىلمىستىق كودەكسىندە 17 جىل باس بوستاندىعىنان ايىرۋ كوزدەلگەن", - دەدى پروكۋرور.
8 قاڭتاردا كارىم ءماسىموۆ ۇستالدى - ول مەملەكەتكە وپاسىزدىق جاسادى دەگەن كۇدىككە ءىلىندى.
Abai.kz
