تەلەكانالدىڭ باس ديرەكتورى سيۋزاننا سكوتت مارقۇم جۋرناليست يراك، اۋعانستان، سيريا، ۋكرايناعا دەيىنگى بارلىق حالىقارالىق جانجالداردىڭ ورتاسىندا ءجۇرىپ حابار تاراتقانىن ايتتى. ارىپتەستەرى زاكرجەۆسكي ءوز ءىسىنىڭ شەبەرى بولىپ دەپ ەسكە الىپ جاتىر.
مالىمەتكە قاراعاندا، زاكرجەۆسكيمەن ءبىر كولىكتە بولعان Fox News تەلەكانالىنىڭ تاعى ءبىر ءجۋرناليسى بەنجامين حولل اۋىر جاراقات العان. بۇدان بولەك ۋكراين باسىلىمدارى جەرگىلىكتى جۋرناليست الەكساندرا كۋۆشينوۆا دا وق ءتيىپ قازا تاپقانىن حابارلادى.
ۋكراينا ىشكى ىستەر ءمينيسترىنىڭ كەڭەسشىسى انتون گەراششەنكونىڭ ايتۋىنشا، Fox News جۋرناليستەرىنىڭ العان جاراقاتتارىنا قاراعاندا، ولار مينوميوت جانە ارتيللەريالىق اتقىلاۋعا تاپ بولعان. گەراششەنكو وق ورىس اسكەرلەرى تارابىنان اتىلعانىن ايتتى.
13 ناۋرىزدا كيەۆ وبلىسى يرپەن قالاسىندا امەريكالىق جۋرناليست برەنت رەنو مەرتبولىپ، ونىڭ ارىپتەسى اۋىر جاراقات العان.
New York Times باسىلىمىنىڭ رەداكتورى برەنت رەنونىڭ ءولىمىن اۋىر قابىلداعانىن جەتكىزىپ، ول 2015 جىلعا دەيىن NYT ءتىلشىسى بولعانىن ايتتى.
Abai.kz
