رەسەي ۋكرايناعا يادرولىق قارۋ قولدانۋى بەك مۇمكىن. ەگەر، قۇداي بەتىن اۋلاق قىلسىن، سولاي بولعان جاعدايدا ولار الەمدىك قاۋىمداستىقتىڭ ايىپتاۋىنا اقش-تىڭ حيروسيما مەن ناگاساكيدەگى قىلمىسىن مىسال ەتىپ الىپ شىعادى. امەريكاندىقتارعا "وزىڭە قاراپ ال، سەن جارعاندا مەن جارمايمىن با" دەيدى. رەسەي تاراپىنان يادرولىق قارۋ قولدانىلعان جاعدايدا باتىس قارىمتا جاسامايدى. ەسەپ 1:1 بولادى. ءبىتتى.

مىسالى قىرىمداعى جاعدايدا اقش-تىڭ بەتىنە كوسوۆونى باسقان بولاتىن.
اقش پەن رەسەي تىنباي سالعىلاساتىن تاقىرىپتار كوپ قوي جالپى.
مويىنداۋ كەرەك پرەتسەدەنتتەردىڭ ءبارى اقش تاراپىنان بولعان. سوندىقتان تيىننىڭ ەكى جاعى، تاياقتىڭ ەكى ۇشى بار ەكەنىن ۇمىتپاۋ كەرەك.
جاعداي قيىن.

وسى قيىن جاعدايدى قازاقستان ءوز پايداسىنا شەشەتىن زور مۇمكىندىك پەن جاعداي بار. ول ءۇشىن قازاققا تەحنولوگيا، قازاقتىڭ تەحنوكرات بولعانى كەرەك. ويتكەنى سان جاعىنان ازبىز. از حالىق باي بولۋ ءۇشىن تەحنولوگيا مەن ونى مەڭگەرگەندىگى كەرەك. ساننان ساپا شىعادى دەۋ ءبىزدىڭ قولدا جوق بولعاندىقتان از، از بولسا دا ساز بولماسقا امال جوق.

رەسەيدىڭ يادرولىق سوققىسى پلانەتامىزدى جويىپ جىبەرمەيدى. ولار ۇركىتىپ، قورقىتۋ ءۇشىن قۋاتى ازىنان تاستايدى. ادامزات شۋىلداپ، ايىپتاپ، ءارى قاراي دا ءومىر سۇرە بەرەدى.

رەسەي السىرەيدى. بىراق قۇلامايدى (قۇلاۋىنا ەشكىم مۇددەلى ەمەس). قايتا ەسىن جيىپ (مەنىڭ ويىمشا 2035-2040 جىلدار) جان-جاعىنا سۇقتانىپ قاراي باستاعاندا ءبىزدىڭ ەل اسكەري دە (وداقتار), ەكونوميكالىق (ينۆەستيتسيا كوپ قۇيىلعان) تۇرعىدان وسال بولماۋىمىز كەرەك. ول ءۇشىن قازاققا ءىرى تىرلىك، ول ءۇشىن ىشكى بىرلىك كەرەك. بۇگىنمەن عانا ءومىر سۇرمەيىك. رەسەي مەن ۋكراينا جانجالى قازاققا ۋاقىت جاعىنان بەرىلگەن زور مۇمكىندىك. ەڭ باستىسى - بۇنىڭ ءبارى ەلدىڭ دامۋىنا قاتىستى عاسىرلىق، مىڭ جىلدىق ستراتەگيالىق جوسپارلارىن تۇزبەي مۇمكىن ەمەس.

بۇل تەك مەنىڭ ويىم، قاتەلەسۋگە دە قاقىم بار. ال ونىمەن كەلىسۋ، كەلىسپەۋدى پاتشا كوڭىلىڭىز شەشەر. راحمەت!

جومارت ايتقازى

Abai.kz