ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى قازاقستان رەسپۋبليكاسىنداعى يۋنەسكو وكىلدىگى، يران يسلام رەسپۋبليكاسى، تۇركيا رەسپۋبليكاسى، تۇركىمەنستان رەسپۋبليكاسى، تاجىكستان رەسپۋبليكاسى ەلشىلىگى تۇلعالارىن، ماماندارىن، شەتەلدىك جانە وتاندىق عالىمدار قاتىسقان «ناۋرىز – ەل بىرلىگىنىڭ مادەني كودى: ىزدەنىس، تۇجىرىمداما، تاجىريبە» اتتى حالىقارالىق كونفەرەنتسيادا ادامزات تاريحىندا ورنى ايرىقشا مەرەكەنىڭ بۇگىنگى زامانداعى مارتەبەسى مەن عىلىمي-پراكتيكالىق جان-جاقتى زەردەلەنىپ، بايىپتالدى.

عىلىمي جيىنعا قاتىسۋشى وتاندىق جانە شەتەلدىك عالىمدار ناۋرىزتانۋدىڭ قازىرگى وزەكتى ماسەلەلەرىن تالقىلاپ، بۇگىن، تاياۋدا جانە بولاشاقتا اتقارىلاتىن عىلىمي ىزدەنىستەر مەن جوبالاردىڭ ءىس-جوسپارىن بەلگىلەدى.

قاتىسۋشى عالىمدار كونفەرەنتسيانىڭ تومەندەگى قارارىن قابىلدادى:
- ناۋرىزناماعا بايلانىستى زەرتتەۋلەر مەن پراكتيكالىق ىزدەنىستەردىڭ مەيلىنشە تولىق ەلەكتروندىق بازاسى جاساقتالسىن;
- ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى گۋمانيتارلىق جانە الەۋمەتتىك عىلىمدار فاكۋلتەتى (فيلوسوفيا، ەتنولوگيا، مادەنيەتتانۋ باعىتى) تاراپىنان «ناۋرىز مەرەكەسى: زاماناۋي تالعام مەن تالاپ» اتتى جۇمىس كوميسسياسى قۇرىلسىن;
- سوڭعى جىلدارداعى «ناۋرىز مەرەكەسىن» اتاپ ءوتۋ مەن جۇرگىزۋدىڭ ستسەناريلەرى تاريحشى، ەتنوگراف، مادەنيەتتانۋشى عالىمداردىڭ سۇزگىسىنەن ءوتىپ، جيناق تۇرىندە ازىرلەنىپ، شىعارىلىپ، ءتيىستى ورىندارعا، بارلىق كىتاپحاناعا تاراتىلسىن;
- ناۋرىز مەرەكەسىنە قاتىستى ءىس-شارالار كەشەنى تاۋەلسىزدىك قۇندىلىقتارىمەن ساباقتاستىرىلا بايىپتالىپ، كەڭىنەن ناسيحاتتالسىن;
- «تاريحي ناۋرىزناما» (الەمدىك انتولوگيا) بۇۇ تىلدەرىنە اۋدارىلىپ، حالىقارالىق كەڭىستىككە تانىتىلسىن;
- ناۋرىزدىڭ ءمان-ماڭىزىنا بايلانىستى عىلىمي تۇجىرىمدار مەن قاعيداتتار ءبىلىم ۇدەرىسىنە، اسىرەسە مادەنيەتتانۋ، فيلوسوفيا، ەتنولوگيا جانە ونەرتانۋ سالالارىنا ەنگىزىلسىن;
- پارسى جانە تۇركى مادەنيەتىندەگى ناۋرىزناماعا بايلانىستى تاجىريبەلەر، ويلار، عىلىمي قورىتىندىلار الەم مادەنيەتىندە كەڭ قولدانۋعا مۇمكىندىكتەر جاسالسىن;
- تۇركىستان وڭىرىندە ساقتالعان كونە ەسكەرتكىشتەردى، سونىڭ ىشىندە ناۋرىزعا قاتىستى عۇرىپتاردى زەرتتەۋگە ات سالىسۋ;
- شىعىس ەلدەرى مەن تۇركى دۇنيەسىنىڭ حالىقارالىق ساياسي، ەكونوميكالىق، مادەني شارالارىن ناۋرىز مەرەكەسىنە ورايلاستىرۋ سۇرالسىن;
- ناۋرىزعا وراي حالىقارالىق كىتاپ جانە ۇلتتىق مادەنيەت كورمەلەرى ۇيىمداستىرىلسىن;
- «ناۋرىز» توسبەلگىسىن ازىرلەۋ، ونى قوعامعا كەڭىنەن تاراتۋ جاۋاپتى ورىنداردان سۇرالسىن;
- ناۋرىز شارالارىنىڭ بۇلدىرشىندەر مەن بالالارعا ارنالعان تانىمدىق جانە زاماناۋي باعدارلامالارى كوبەيتىلسىن;
- ناۋرىزدىڭ (مەرەكەنىڭ) تەحنولوگيالىق، اقپاراتتىق، قولدانبالىق مازمۇنىن، ماڭىزىن، الەۋەتىن كوتەرۋدى قولعا الۋ كەرەك;
- قايىرىمدىلىق، راحىمشىلىق شارالارىن ناۋرىزعا ورايلاستىرۋدى قاراستىرۋ.
قارار جوباسى كونفەرەنتسيانىڭ قورىتىندى بولىمىندە وقىلىپ، تالقىلانىپ، بەكىتىلدى.

Abai.kz